【█ ––––•(-•♥أوراق♥•-)•––––¸.•´¯`•.¸––––•(-•♥لـيـلـي♥•-)•–––– █】

[شاعر عتيبة]

http://www.finepots.com/Gallery/Bottles/Hearts-n-320x500.jpg


سااهر .. وانا سهري مع اوراق ليلي
...... مغير أنا والشعر والشوق والصمت


وكان الدروب بعاد .. قلبي دليلي
........يعني دليلي في سما رحلتي أنت

بقلم / سااهر


http://www.superweddings.com/decor/hc2_glitter_beeswax3_xl.jpg

[شاعر عتيبة]

http://gallery.johina.net/up/9432/1156695009.jpg





عليه قلوب عشاقه تراما .......... تكسر مثل تكسير القزازي
بفقدي له ووجدي والغراما ....... تعلمت النياحه والتعازي
سلينا لاحلال ولاحراما ..........عليهن الطلاق ... بلا جوازي



محمد بن لعبون .

[شاعر عتيبة]

قد كان مني الحزن غب تذكـــــر ...إذ كان منكِ الصبر غب تناسي
ويسيل دمعي حين دمعك جامد ... ويلين قلبي حين قلبك قاسي


..............



يا قلب لا تعشق مليحا واحدا *** تحتار فيه تدللا وتذللا
واهوى الملاح جميعهم تلقاهم *** إن صدّ هذا كان هذا مقبلا

[شاعر عتيبة]

سجل حظوري لاحظر وان غاب سجلني غياب
............. احظر لعينه لاحظر واكتب على شانه قصيد


وان كان ذنب الآخره باقي .. وحبك لي عذاب !!!

منته غفور ولارحيم ....... الله رحيمٍ بالعباد

[شاعر عتيبة]

صاحبي مجمول وبسنه صغير
والعذارا موتهن ساعه اقباله


ماتقول الا خلقه الله مخير
كل شيٍ فيه يشهد في كماله


نابي الارداف صادفني مسير
ياهني اللي شرب عنده بياله


لامشى كنه من الارض متحير
لعنبو هالقاع مدري كيف شاله


مرتون عوده ومن يومه قصير
خابره يوم الصبا وقت الجهاله


مثل دهن العود يبطي ماتغير
الحضيض اللي تهنا في وصاله


الله يحرسه من عيون المطير
لايضرونه لياشافو جماله


بقلم / ساهر

[شاعر عتيبة]

هذي يمينك مدها في يميني=العز يجمعنا وتحيا عتيبه



بقلم / ساهر .,.

[شاعر عتيبة]

مندبلتن كبدي من النت ياسعود=وما لومها من كثر شيٍ دبلها
ساعات تمضي مالها أي مردود= مثل الشلل وانا غرقت بشللها


سااهر

[شاعر عتيبة]

أنت خلي كان لك عقلن وقلب=افهم المعنى وخل اهل الحكي
سالبٍ قلبي من اقصى الضلع سلب= والله انك في ضلوعي .. مرتكي



سااهر.

[شاعر عتيبة]

أن نسيت الحب ياصافي الجبين= رح واخذ حبك معك ماعاد ابيه





سااهر

[شاعر عتيبة]

ياعلي واويلاه من قايد الغيد = وياعلي واويلاه مما شحني
العيد حل وكن ما بالحشى عيد= لو كل زينات الصبا عايدني
حيث ان مافالعيد ياعلي تجديد = للي مضى من عهد منها ومني
يوم انها لي سيد وانا لها سيد=يومه على مشهاي زينٍ وفني
عقبه وانا ياعلي دربي على حيد = ملتاع انا ياعلي وان سلت عني
كن الحشا ياعلي بلاقعن بيد=وانا قتيلٍ حي ياعلي كني
احيا واموت ولا حييت ارجع آعيد= موتي وعن هالموت محدن سألني
وش حصل الشاعر من اللي كتب فيد= يومه على روس النوازي يغني!
نريد والله يفعل اللي بنا يريد= ماكل شيٍ ندركه بالتمني
وياعلي يااااابوزيد تكفى يابوزيد= صبري وصل حده ولا تمتحني


سااهر ...

[شاعر عتيبة]

http://www.destination360.com/caribbean/bahamas/images/s/bahamas-boat-rental.jpg


رساله للمجهول



يامصدر احزاني وسبة ضياعي= توك تجي هالحين وينك واناوين
ما للوفا في بعض الاحيان داعي= لانه شعور احباط من عام الـ 2000
الوقت يجبرني ويلوي ذراعي= ويقول ياكرهي لكم يالوفيين
وعجزت اوصل فكرتي وانطباعي=لاني ما احب اقابل الشين بالشين
افتح شراعي وارجع اطوي شراعي = احترت انا مع موج ( بحر المحبين)
وخابت على رجواك كل المساعي= هذا وانا ابايحك في باقي الدين



بقلم ساهر

[شاعر عتيبة]

مني للغايب الغالي



دموع العين هلّن العباير=يادمعي كف لاتجرح خدودك
ترا الغالي ولو هو غاب غالي=غلاه إن غاب لابده يعودك
ومهما غبت مادمت متعافي= انا ياخوك يكفيني وجودك
على الدنيا عساك سنين طيب= وعسى الدنيا بفرحتها تعودك
وانا معذور يوم أبكي لمثلك= بوسط القلب ماتعرف حدودك
وغير الدمع ما باليد حيلة= ولاتنفع جهودي مع جهودك
أنا أبكي غايبن عني وحاضر= وعساها خير في تالي صدودك

[شاعر عتيبة]

ياصاحبي من دون لوم ومشاريه= لاتكشف المستور وهو متخفي
لا أقول لك وشلون وتقول لي ليه=مابين خلان المعزه تشفي
وان كنت صامل في مباحث خوافيه= عطني ملفك قبل اسلم ملفي
ادري بكل الوضع واعرف تواليه=مشيت تتبع من يسب المقفي
وشلون تتبع كل ماكنت توحيه!= وحقي عليك انك توقف بصفي


بقلم / ساهر

[شاعر عتيبة]

خادم البيتين لو جمع اخوانه=وعممو كل الجهات العسكريه
ماتزحزح حب خلي من مكانه=والسنين شهود والنيه مطيه
يامحمـــد كامل الاوصاااف عانه=شف بعينك قصة الحب النديه
كنها مضنون عيني في ليانه=فيه دق اوصافها لارحم حيه
يوم صاحو بالغنا يالخيزرانه=ينطرب للصوت والعزره عليه
ليل دانه جاوبتها ليل دانه=وجاوبتها نبرة الحب الشجيه
تلعب بمجدولها كلللله لعانه= كنها صفوة خيول الخالديه
عين قرناس(ن) زعيم الامن صانه= ماملكه الا وزير الداخليه
ضاحكن له من بها حسنه زمانه=حي والله نور طلته البهيه
يوم صاحو له ونادو يافلانه= زاد حبي له عشان انه سميه
اقبل وكن القمر يمشي وزانه=وصافحت يمناي يمناه الطريه
ماحلا قربه وهرج من لسانه=وماحلا لمسة يديه المخمليه
ول يامشكاي خبري بي تكانه=واتزرا بالاغاني العاطفيه
ويامحمد رجع الكرسي مكانه=ضاعت علومي ولافيها كنيه



بقلم / ساهر

[شاعر عتيبة]

على سلمى بكينا والبكا للحزن مايشفي=ولاغير الوصال اللي مضا لي معه يشفيني
على رسم الغرام اللي بقا لي من زمان الغي=وقفت ودمعتي حارت على الاوجان من عيني
على اطلال البيوت اللي سكنها نور كل الحي=هذاك الوقت يوم الدار بوجوده بساتيني
تفوح عطورها في ظلها والما رواها ري= واشوف الورد وعطوره مثل راعيه مغليني
بقا لي وسطها التذكار غيره مابقا لي شي= رسوم اطلال مير ان الغرام الها يعنيني
الا يادار وش في جانبك موحش ولابك ظي= وعلامك كل ماجيتك من الضيقه تبكيني
تبكيني وانا ادري بك على وقتٍ مضى تبكي=وتناديني ليا صديت وش عندك تناديني
وانا يادار يوم اعني الاقدام لك وش لي؟ =ولاكن .. شوفتك من حبي لراعيك تكفيني
وعلى سلمى بكينا والبكا للحزن مايشفي= ولا غيير الوصال اللي مضا لي معه يشفيني


قلم / ساهر

[شاعر عتيبة]

وبحبك يالبنان


تئبرني لك شو هالطلّه=تئبرني مهضوووم كتيير
ياحيّا الله ياحيّا الله=ويا أهلا بطلّة عبير
ياجمال العالم كله=عِشّائِك صابون تعتير
إنتي يمكن أمك نحلِه=او دودة قز الحرير
انا بس بشوفِك وهله=مابعرف شووو عم بيصير
إنتي قضيه مو سهله= إنتي شي مالووو تفسير
ياشمعة لبنان وأهله= إنتي أسباب التحرير
روحي للقدس المحلته= وفي غزه سااااوي لك خير
وحياااااة الله وحيااااة الله= بحبببببببك ياعبير كتير


جميع الحقوق محفوظة
سااهر دوت كوم:151:[/quote]

[شاعر عتيبة]

سلمولي ياطروشٍ سارحين = كان مريتو على عبلة سجا
حولها يسكن عذاب العاشقين= خابرن نزله ورا هاك الحجا
وسلمو كتاب المحبه باليمين = صادق الاحساس بحروف الهجا
سلموه لراعي الوجه الحسين= وقولو انه ماقطع فيك الرجا
سالكن لجلك دروب الهالكين= وكان مالديت يمه ... مانجا

[شاعر عتيبة]

البارح القلب يالعتبان=مثل الحدود الجنوبيه
اقصاه كنه جبل دخان=واتلاه نيران حوثيه
كله من اسباب غصن البان=اللي وصوفه رومنسيه
ياداعج العين شانك شان=لاتسمع الناس موووليه
خلك على منهج الخلان=وش لك بحجي وحجيه
لاتذبح القلب بالسفهان=ولاتتبع الكيه الكيه
لوشفت حالي من الهجران=حنيت مما جرا فيه
اسهر على شاهي ودخان=واسمع نوال الكويتيه
صوتٍ يشاديك ياريمان=ياول غرامي وتاليه
والليل اقضيه جر الحان=قصايدٍ فيك حصريه


قلم / ساهر

[شاعر عتيبة]

تقريب ساعة عشتها معك يازين=مامثلها في رحلة العمر ساعه
ساعة شروق الشمس بين المحبين=عقب الظلام اللي تعاوى سباعه
نورٍ سطع لي منك يابهجة العين= واحيا نبات القلب لحظة شعاعه
من يوم ناديتو وحنا ملبين=لأوامرك يازين سمعٍ وطاعه
أنت الذهب لو كنت مخلوق من طين= وأنت الحرير اللي فرق فالبضاعه
ياللي جمعت الزين والعطف واللين=أنا معك مالي عليك أستطاعه
نكبتني نكبة قضية فلسطين=واخذت قلبي في يدينك وداعه
رحتو وراح القلب معكم من سنين=ولاعاد باقي لي بقلبك شفاعه
لوعتني يازين من لايع البين=يازين قل لي وين جتك القطاعه
ولاقلت لي بعدين.....بعدين.. بعدين=هذا بلا قلبي وهذا ضياعه



قلم / ساهر

[شاعر عتيبة]

يافهد من عقب ماجالك حراوي=موعدك حنا ترانا محترينه
اركب اللي كنه النجم السماوي=وكن صوته نغمة العود الحزينه
وسمعته سمعة شليويح العطاوي= وفيه من خلّي تعازيلة وزينه
منوة اللي للسفر قلبه شفاوي= واحدٍ شين الدهر بيح كنينه
جيب ( رينج سبور) منوة كل هاوي=الدواهي في ( إنجلند ) مصممينة
للغلا والشوق والدار النحاوي=أسر به يامسندي والله عوينه
ونبدع القيفان ونجر الغناوي=وباللحون نجاوب سيور المكينه
نحره دار الوفا والليل ضاوي= لين اشوف العود وأقبل يدينه
مثل بيرٍ من يصدر منه راوي=والدي ياجعلها تبطي سنينه
وأنت ياللي كنك الحر النداوي=شايفٍ صدق المحبه وسط عينه
يافهد جعلك سليم من البلاوي= ودنا نخبرك شيٍ كاتمينه
الردي ياخوك ماني له مخاوي= والبرا مردود مابيني وبينه
وأنت يامشكاي ماني فيك غاوي= مانته من اللي وفاهم صانعينه
ومن عرف مثلك حرااااام انه غناوي= ولاتمدك بخل يسراه ليمينه
ويافهد .. لاتلبس البشت الحساوي= عيفونا فيه ناسٍ لابسينه
عقب ماهو للشيوخ أهل العزاوي= شوخ نجد اللي معادنهم ثمينه
دارت الدنيا وحيل الله قاوي= ولبسوه اللي منول جاهلينه
وضاع فالطوشه مع عيال الشواوي= قام تالي الوقت يللللعن والدينه
في يدين مضيعة بعض الهقاوي= الضعوف اللي تحسب الطيب زينه
والمراجل ماتهيا بالمناوي= كود منهو لأجلها يندى جبينه
يازمانٍ تالي الوقت متلاوي= ياكثر مافيك شيٍ منكرينه
الثعل يجرح بمخلابٍ رهاوي= وطاول الليث المسمى في عرينه
ويافهد ..لاتجرح القلب الشقاوي=مالك ومال الدهر زينه وشينه!!
جز وانا باجوز من كثر الدعاوي=وفرج همومي ترا روحي حزينة

قلم / ساهر

[شاعر عتيبة]

قال .. أنا مجنون في حب القصيد= قلت يامجنون فيه .. تعلمه
قال اكتب بس انا ماني مجيد= قلت هذي باول الخطوة سمه


سااهر