عادل العصيمي أقرب طال عمرك

[شاعر المرأه]

مساء الخير طاروق للفايده مع أستاذي عادل


سلام رديتن واخص ولد القروم .. عادل سلالة رجال يحسب حسابها


ياعادل أرفع مقامك عن عيال الرخوم ..لاتلفت يمها ثم عاد تبلابها

[شاعر المرأه]

ضيعت القسم :) اتمنى يكون فالمكان المناسب

[عادل العصيمي]

مساء النور وحياك الله



يامرحبا ياهلا ترحيب حسب السلوم = نعمين في كل عزوة تحفظ انسابها
انته من اهل الحفر والا من اهل الجموم = حتى نعرف اللحون اللي تغنابها

[شاعر المرأه]

ياصاحبي لاتضايق من كبار العلوم ..ترى العلوم الرديه نعرف أصحابها


انا من أللي يبن عمي يضد الخصوم ..وأدور الطيبه لرضاك واسعابها

[عادل العصيمي]

ياصاحبي ياوسيع الصدر جعلك تدوم = كل السوالف تهون . صحيبك ادرابها
ياللي تضد الخصوم ارتاح وانت مخدوم = حوايج أهل الوفاء ما مات طلابها

[ولــ منجوم ـــد]

والله وصحت الآلسن وعساكم سالمين

يالقرووم

متابع

[شاعر المرأه]

يغيتها تنتهى مابين قوم ٍ وقوم .. واثر نفوس العرب تبحث عن اتعابها

وشلون ابرتاح وانته مشغلتك الهموم .. ماارضى عليك الغليبه كان ترضابها

[شاعر المرأه]

ولد منجوم أرحب




نورت الصفحه يالغالي

[عادل العصيمي]

ياهيه ياللي تبا الكرمة ولا انت معزوم = تغد ثم المدينة لا تعشابها
يالله لك الحمد لابس ضافيات الهدوم = مالي ومال البشر ما ودي اغتابها

[عادل العصيمي]

مرحبا ياولد منجوم


صح بدنك وحياك الله

[شاعر المرأه]

ياحبكم للمجامل ياكبار الخشوم ..يومن بعض العقارب تلوي اذنابها


الغيبه احيان تشفى في ردي العزوم .. وان كان ماودك ابها سكر أبوابها

[عادل العصيمي]

اثرك من اللي يحب مقايسات الحجوم = ماني من أهل الديار اللي تمشابها
كلٍ على مذهبه يحج والا يصوم = حافظ على السالفة لا ترفع حجابها