موووووووووت الوفاء

[ضاوي العصيمي]

اخواني اعضاء وزوار هذا المنتدى الجميل بكم

يسعدني ان اقدم لكم مشاركتي الاولى امل ان
تحوز على شي من رضاكم


موووووت الوفاء

انت المفوض وسو اللي تبي ســــوّه
:::: الحكم لك شب والا طف مصباحي
ان قلت ابا اذبحك لعلك على القــوّه
::: الذبح للحي واللي حيه جـــــراحي
جسمي غطاها من الخارج وهي جوّه
:::: ترعي منابت فروحٍ رسمها ماحي
اشبع بي الموت يـــارجــواي ثم روّه
::::: ان كان ماينجذب طيرك لملواحي
اطيب لي ارتاح من وقتي ومن سوّه
:::: موتي ولا اشوف وانا حي ذباحي
من يوم مات الوفاء والصدق والخوّه
::: معاد يبكي حـــياته واحــدٍ صاحي
وان قلت توك وفقدان الرجــاء تــوّه
:::::::: اقول ظلمك حجب عن تربتك ضاحي
انا اشـــهــد انك غليظ القلب ومفوّه
:::: ســــارق ومزاح والمفقوده افرا حي
خــلـيـتـني للهــمـوم الســود تلهوّه
:::: كثرت ســكاكينها يوم الـجـــمل طاحي
واليوم بيني وبين افراحي جفوّه
:::: وياكثر ماكمّل الـمسـرى بمـســـراحي
والوقت اعانك ولاسوى بي مروّه
::: لـعـب بقـلـبي كما لعبي بـمـســبــاحي
اسرفت بي والزمن ساندك بحموّه
:::::: وســـلمتك الامر واتلا العهد بسلاحي
اللي بقالي من العمر الشقي طوّه
::::: ياقاسي القلب موتي كسرت جناحي

شعر/ضاوي العصيمي

[الحصان]

صح لسانك أخي ضاوي وهذه ماتكفينامنك

اتحفنا بالمزيد

تحياتي لك

[النـايــــــف]

صح لسانك أخوي الغالي ضاوي العصيمي


والله لا يحرمنا من إبداعك طال عمرك


وإنشاء الله نشوف لك المزيد والمزيد


تحياتي لك

أخوك النايف

[جهز الهرس]

الاخ العزيز الشاعر المبدع ضاوي العصيمي


صح لسانك على هذي القصيده الممتازه

وننتظر منك المزيد



وتقبل تحياتي




اخوك جهز الهرس