المرقب الغااااالي

[ولــ منجوم ـــد]

سلام الله عليكم عدغالي مانسى غاليه=يحضنه شوق ويزيده غلا بتلى لياليها
يامرقب لاتشره وانت تخبر صاحبك وش فيه=طواه الحظ الآقشرطي لين اضحى يناجيها

[المرقب]

نورت موقعك ياولد منجوم

الحمدلله ع السلامه

ابرك الحزات يوم رجعت






هلا يامرحبا في موقع بااغلى الثمن نشريه=يضم ارجال مثلك تعجب الطيب مماشيها
عداك اللوم ياللي مسكنك في ضامري بانيه=وانا خذني عوين لك على البلوه وطاريها

[ولــ منجوم ـــد]

اخوي المرقب لافض فاك

وعساك سالم يالقرم ساعة وراد

تحيتي لك

[المرقب]

ومن قال

وخذ راحتك ومرخوص

والله يحفظك ويرعاك في حلك وترحالك

[ولــ منجوم ـــد]

عسى الله يسعدك لوغبت مثلك ماني بساليه=مكانك معتلي والناس تعرف من شواريها

اخبرانك كفوفي كل ماقف تحتمي تاليه=ولابه شك راع الآوله يحمى تواليها

[المرقب]

الله الله

تسلم يابعدي



صداقه مثل نقع لاظهر صلو الزمن يخفيه=وصداقه مثل نهر النيل ماالاحداث تخفيها
عسى من لايحب المرجله سو الدهر يمحيه=حياته ياصحيبي ماش حاضرها وماضيها

[ولــ منجوم ـــد]

مريض القلب لن ماطاب جرحه لاهيا نكويه=وانا محتار مابين المرض ونفوس نغليها

ابامنك العذركلٍ حسابه من سلف ماضيه=ومن دور يبى يطعم مررها قبل حاليها

[المرقب]

ترى المخلوق خيرة ظامره باللي كتب واليه=تقدم واطلب الخيره من الله قبل ترجيها
ترى لولا الخطايا كان ماعفو الولي ندعيه=ولولا المر ماحسيت في حالي حسانيها

[ولــ منجوم ـــد]

المرقب صح السانك مليار

نكمل

فيمابعد نظراللوقت المتأخر

تحيتي للعمووووم

[المرقب]

صح بدنك دبل مليار وعليك الحساااااااااااب

وابشر ابشر

وحلوه فيما بعد ,,,, تصلح مدرس لغه عربيه هههه

يشهد الله انك وافي

تصبح ع خير

[ولــ منجوم ـــد]

اناادري والكلام اللي مسجل بالكتب قاريه=ولاني جاهلٍ في عالمٍ بانت مواريها

ولاياصاح من طال الطويله محدن اماريه=ولونفس الردى زين لها خابت هقاويها

[عادل العصيمي]

ولد منجوم صح لسانك


المرقب صح لسانك


واصلوا وحنا متابعين


لا هنتو

[المرقب]

هلا بالغالي ولد منجوم


ترى بعض المجامل ينقلب عله على راعيه=ليا جامل له اصحاب شهيره في مساويها
ليا فكر رفيع القدر بالخايب معه يغديه=ترى الخسران يبطل كلمة الخايب و ينهيها

[المرقب]

صح بدنك

ياعادل وشرفتنا بحضورك

[ولــ منجوم ـــد]

الآخ عاد هلا وغلا وصح بدنك

نسعد بالمتابعة يالقرم

تحيتي لك

[ولــ منجوم ـــد]

كلامك في محله والحقيقه مانبي نذيه=عسى الله يصلح امره كل ديرة من نداويها
وانا معتب على بعض الحديث ولاعلى راويه=كفاني نظرتي بالقوم لانادوا بساميها

[ولــ منجوم ـــد]

الشاعر والآخ العزيز المرقب

يامراحب

ونكتفي بهذا القدر وصح السانك

وبيض الله وجهك ياذيبان كفيت وفيت

تحيتي لك وللجميع

[المرقب]

الله الله


ترى لو كل مايركز هدف من جاهل نرميه=خلص كل الفشق عن رمية مالك عذر فيها
الا منا دمحنا زلة المخطي نبا نهديه=يبا يندم ويعرف ساقة الطيب ويمشيها

[المرقب]

الغالي دائما

المحترم جدااا

ولد منجوم

صح بدنك وتعجبني بأخلاقك الطيبه وكلامك الجميل ولاغرابه عليك

ولنا لقاء بشية الله

وموفق خير