اكسكيوزمي ناصر كمهير بليز

[عادل العصيمي]

ياناصر أقرب لا تروح بعيد عندي لك علوم = بيني وبينك سالفة في قلب عادل من شهر
عليك شرهة وأدعي حسب العوايد والسلوم = يوم أنت تنشد عن ضيوف الحفل من غاب وحضر

[ناصر بن سعدي]

هلا بالإنجليزي :)



شفني قريب منك واقف ياعسى عمرك يدوم=هات السوالف قبل لاتآصل يزيد ولاعمر
وأبشر بما يرضيك قدام الخصوصي والعموم=ياطاك مايطا الرجال اللي يدوسون الخطر

[.. شِيخَ إلِمرِآجّ ـلُ ~]

يِتربعِ بينهمِ ( إحتإرِ بينكمَ ) كلكمِ غأ1لينِ


لإكنَ بنظمِ الصفينِ لكمَ وبتإ1بعِ


وصحِ اللهِ لسسِنتكمَ يآ القرِوِوِمَ ..

[ناصر بن سعدي]

هلا وغلا بالغالي

شيخ المراجل ..


وحضورك كافي .. وتنظيمك شاهي :)

وياهلا وغلا ..

[عادل العصيمي]

ماني بخابر فالعوازم غير ضفران وقروم = والا على شانك نروح نعيد تقييم البشر

أنته معزب يوم رحت هناك والا انت معزوم = ياطاك ما ياطا الرجال اللي لهم عندي قدر

[عادل العصيمي]

شيخ المراجل


صح بدنك .. ولا هنت


ابد حضورك يسد وتنظيمك يرد :) << ما يقلد احد

[ناصر بن سعدي]

هلا هلا ..


مابين صالات الخروج وبين صالات القدوم=صارت حجوزات الآوادم حسب تاريخ السفر
واللي طريح من المرض واللي على جنب محموم=والناس حسب ظروفها ماتعترض حكم القدر

[عادل العصيمي]

من عند صالات القدوم انته تكفي فاللزوم = ما هو بلاحقني كلافه والتعب على الشفر
عتبان مع مطران مع جهنان مع سبعان وبقوم = حتى ولد زايد محمد جاه دعوة واعتذر

[ناصر بن سعدي]

الزبده إني معترف ياصاحبي وأنت مخدوم=إفتح لنا البيبان وأبشر بالرضا بعد الفجر
ثم بعدها ياصاحبي يبا يجي حبة خشوم=ونعوضك في غيرها وإمرار يابعيد النظر

[عادل العصيمي]

لاهنت ياناصر


استمتعت باللعب معك وانت كفو ولا لاحقني شكة


تحياتي وتقديري


.

[ناصر بن سعدي]

إخــوي الغالي ..

عادل العصيمي ..

تشرفت بالتحاور معك ..

وتسلم والله وعساني ما أعدمك ..وصح لسانك


وعطني خشمك >< :)

[صقـر عتيبـة]

محاوره جميلة مميزة والله لا يفرق بينكم

وننتظر جديدكم من المحاورات

لكم تحيااااااااااااااتي الخاصه

صقر عتيبة

[ناصر بن سعدي]

الغالي

صقر عتيبه ..


تسلم على المرور وصح بدنك ...

ومانعدم مرورك يالغالي ..