مقتطفات من بعض قصائدي في الجيب والرحلات

[ابو ايمن]

السلام عليكم ورحمة الله وبركاته
اخواني مشرفين هذا المنتدى واعضاءه والمحبين له يسرني ان اقدم لكم بعض الابيات من قصائدي اللتي ارجو ان تنال اعجابكم

راكبلي يوم يسبح مـع الخط الـغـزير
يعجب السواق ممشاه يوم يلاعبه
يطوي البيدا يا نايف كما طي الحرير
كن سواقـه ليا ناش ابـنصه راعـبه


وكذالك:

يا راعي الجيب شغل وطلب الخيره
انا لخــــــــــوتك قلبي هز وجدانه
يا محلا سجة اللي يقطع الديـــره
ليا تلوى الدريـــول فوق سكــــانـــه
ليا اشتغل ضاع صوته مع مواصيره
ما تسمعه لين ترخ اذنك لشكمانه
من الشفا يوم وجه في محاديره
تقول حر يلاعب له سمــــهــــدانــه

[الحصان]

عزالله انك شاعرٍمبدع

صح لسانك

لكن لا تجيب لنا على اربعه ابيات وخمسه تشوقنا وتحمسنا وتبخل علينا بالبقيه


اتحفنا بالمزيد من الابداع يامبدع

[النـايــــــف]

صح لسانك أخوي الغالي ابو ايمن


وبيض الله وجهك

ومثل ما قال أخوي الحصان


لا تجيب لنا اربع ابيات ثم تشوقنا

[ابو ايمن]

الحــصان & النــايف
تسلموووووووون على المجامله . وانتم اهل الابداع
وانشاء الله احاول اجيب اللي يرضيكم
ومشكورين .



ابو ايمـــن

[سيف عتيبه]

صح لسانك أخوي الغالي ابو ايمن