قال الذيابي بالكلام الصدوقي

[كحيلان]

قال الذيابي بالكلام الصدوقي = سمرا منيفه واق عالي حجاها
وانا لبدع القاف قلبي عشوقي= اتابع القيفان واعرف بناها
الدمع من عيني على عرض موقي= وأخفيت مابين الضمائر مناها
متى الخبر ياتي بهرج يلوقي= ينقش عن الكبد الطنيه طناها
من عندكم يامقحمين العروقي= ياكاسره بالكون شوكة إعداها
يابريك قم وكفيت من كل عوقي= واشفق لعين نومها ماهناها
حيثك فهيم وبالسوالف طلوقي= والدار تعرفها ولابك غواها
واركب على الي ماشقت من رهوقي= جدعية قطع الفيافي مناها
مفتولة الاكواع حمرا حموقي= من ساس هجنن عارفين غياها
وقم السدس مازلمت من فتوقي= ولادارها الجمال يفتح جماها
وامحيله ماضربوها الحموقي= ايضاً ولاعمر الحوير تلاها
وفلا الوبر حمرا حزيله سبوقي= ماهي خضيب قريب مداها
ليا حثها الراكب تمشي حقوقي= لولا قرابيص الرسن ماثناها
والعين منها مثل عين السروقي= تنتف عوارض لحيته ماحماها
مرباعها من خشم لاهه وفوقي= ترعى نفانيف الزهر من غذاها
جاين عليه من الثريا دفوقي= مزنن تدفق لين سيل فضاها
انسف عليها كورها والعلوقي= وبديرة يبري الضما عنك ماها
كم مر من عمان وقت الشروقي= صبحي خامس ضلع سلمى قفاها
اسبق من الي طلقوله سبوقي= ليلة ثمان ليال ناصل مناها
ملفاك شيخ شيخ من قيل روقي= شيخ الشيوخ الي بعيد مداها
عقب السلام وعقب هرج يلوقي = بحروف يمشون الجماعه علاها
سجا وشرمه يم دور الحقوقي =الله ينسى ((ياعمر )) من نساها
شرمه كما بنت سلبها شلوقي = الله لايقطع رجا من رجاها
سجا كما عود بكبده فلوقي =يرجي الفرج من رب عالي سماها
الديره اللي ماتبيع بسوقي= بسيوف روق يوم جدك ولاها
الآد روق الهم قديم وفوقي= سلايط تكسر صلايب إعداها
أهل مهار سرد واحماة نوقي =نار توقد مايبطل سناها
واهل بيوت في الليال الحروقي= للضيف والجيران سيل نداها
واهل سيوف ضربها بالعنوقي= بدوان نجد الي ربوا في قراها
يتلون حر بالمخالب صفوقي = سرب الحباري منه ينثر دماها
عسالهم عز وحظ يفوقي =وترثة (محصن) دوم يكثر نماها
ان كان بن عون عليهم شفوقي= وبرقا عليمه بالخطا من قداها
لوكان فرسان ولاهم دنوقي =اظيوفهم دايم تكرم لحاها
ياما حلا بالكون قطع الحلوقي =والجرب عندك (يابوماجد) دواها
مزحم وطلحه للملاقى تشوقي= مزجم ذرا طلحه وطلحه ذراها
والخيل تقدا والظعاين تسوقي= برويس طلق بالموازر نساها
موازر بالكون مثل البروقي= اما توال الليل ولاضحاها
تلقى النشاما في سناها تتوقي= والارض تاقى ماوقع من سماها
شبع الغراب وكل ندرا علوقي= وكلاب يسمع بالمعاره عواها
والصبر ماهو عيب يالاد روقي =العيب من ينسى الرجال وعياها
مادام اخو نوره بعينه رموقي =الشاه تقوى ذيبها ماقواها
هذه قصيده للشاعر مخلد الذيابي

[ابوسـعد]

شكرا ياكحيلان 256على النقل الهادف والتوثيق لصاحب القصيدة

[ولد غابي]

لله درك ياكحيلان على هالأختيار

قصيده تجبرك تقراها مرتين وثلاث ،، وقصيدة فخر للقبيله

صح لسان قايلها وطول الله عمر ناقلها

لك تحياتي

[كحيلان]

ابوسعد مشكور على المرور
ولد غابي مشكور على المرور








شكرا لكما

[النـايــــــف]

قال الذيابي بالكلام الصدوقي =سمرا منيفه واق عالي حجاها
وان لبدع القاف قلبي عشوقي= اتابـع القيفـان واعـرف بناهـا
الدمع من عيني على عرض موقي =وأخفيت مابين الضمائر مناها
متى الخبر ياتي بهرج يلوقي= ينقش عن الكبـد الطنيـه طناهـا
من عندكم يامقحمين العروقي= ياكاسره بالكون شوكـة إعداهـا
يابريك قم وكفيت من كل عوقي= واشفق لعين نومهـا ماهناهـا
حيثك فهيم وبالسوالف طلوقي =والدار تعرفهـا ولابـك غواهـا
واركب على الي ماشقت من رهوقي= جدعية قطع الفيافي مناهـا
مفتولة الاكواع حمرا حموقي =من ساس هجنن عارفيـن غياهـا
وقم السدس مازلمت من فتوقي =ولادارها الجمال يفتـح جماهـا
وامحيله ماضربوها الحموقي =ايضاً ولاعمـر الحويـر تلاهـا
وفلا الوبر حمرا حزيله سبوقي =ماهي خضيـب قريـب مداهـا
ليا حثها الراكب تمشي حقوقي =لولا قرابيص الرسـن ماثناهـا
والعين منها مثل عين السروقي =تنتف عوارض لحيته ماحماهـا
مرباعها من خشم لاهه وفوقي= ترعى نفانيف الزهر من غذاهـا
جاين عليه من الثريا دفوقي =مزنن تدفـق ليـن سيـل فضاهـا
انسف عليها كورها والعلوقي =وبديرة يبري الضما عنك ماهـا
كم مر من عمان وقت الشروقي= صبحي خامس ضلع سلمى قفاها
اسبق من الي طلقوله سبوقي =ليلة ثمـان ليـال ناصـل مناهـا
ملفاك شيخ شيخ من قيل روقي= شيخ الشيوخ الـي بعيـد مداهـا
عقب السلام وعقب هرج يلوقي =بحروف يمشون الجماعه علاها
سجا وشرمه يم دور الحقوقي =الله ينسى ((ياعمر )) من نساهـا
شرمه كما بنت سلبها شلوقي =الله لايقطـع رجـا مـن رجاهـا
سجا كما عود بكبده فلوقي =يرجي الفرج من رب عالي سماهـا
الديره اللي ماتبيع بسوقي =بسيـوف روق يـوم جـدك ولاهـا
الآد روق الهم قديم وفوقي =سلايـط تكسـر صلايـب إعداهـا
أهل مهار سرد واحمـاة نوقـي =نـار توقـد مايبطـل سناهـا
واهل بيوت في الليال الحروقي =للضيف والجيران سيـل نداهـا
واهل سيوف ضربها بالعنوقي =بدوان نجد الي ربوا في قراهـا
يتلون حر بالمخالب صفوقي =سرب الحباري منه ينثـر دماهـا
عسالهم عز وحظ يفوقي =وترثة (محصـن) دوم يكثـر نماهـا
ان كان بن عون عليهم شفوقي= وبرقا عليمه بالخطا مـن قداهـا
لوكان فرسان ولاهـم دنوقـي= اظيوفهـم دايـم تكـرم لحاهـا
ياما حلا بالكون قطع الحلوقي =والجرب عندك (يابوماجد) دواها
مزحم وطلحه للملاقى تشوقي =مزجم ذرا طلحه وطلحـه ذراهـا
والخيل تقدا والظعاين تسوقي =برويس طلـق بالمـوازر نساهـا
موازر بالكون مثل البروقـي =امـا تـوال الليـل ولاضحاهـا
تلقى النشاما في سناها تتوقي= والارض تاقى ماوقع من سماهـا
شبع الغراب وكل ندرا علوقي= وكلاب يسمع بالمعـاره عواهـا
والصبر ماهو عيب يالاد روقي =العيب من ينسى الرجال وعياها
مادام اخو نوره بعينه رموقي =الشـاه تقـوى ذيبهـا ماقواهـا

مشكور اخوي الغالي كحيلان


لقد تم تنسيق القصيده بالشكل الصحيح


تحياتي لك ،،،،،،،،،،

[حسام هوازن]

كحيلان256


بيّض الله وجهك يالغالي على هذه القصيدة بهذا الموضوع

[فهد العايضي]

صح لسانك ياكحيلان ولسان مخلد الذيابي

ولاهنت على النقل والإختيار الموفق

[ابن ذايب]

السلام عليكم ورحمة الله وبركاته

اخواني الاعزاء

تحيه طيبه وبعد ان هذه القصيده للشاعر مخلد بن حبيب الله الذيابي وهي رد على قصيده لنوار بن هليل بن حاكم الذيابي (جدّي )

وقد ذكرت في بعض الكتب انها مرسله الى عمر بن ربيعان فقط ولكن القصيده مرسله الى جدي وفيها رساله الى عمر بن ربيعان بخصوص مشكلة البير ( شرمه ) التي كانت في تلك الايام


وهذه القصيده في هذا المنتدى مضاف اليها الكثير من الابيات وواضح اضافة شطر بيت من قصيدة شليويح العطاوي اللي يقول:

مزحم ذرا طلحه وطلحه ذراها

فالمعروف ان هذا من قصيدة شليويح العطاوي التي قالها في يوم طلال على الروقه اللي مطلعها

اول كلامي طلبتي ذكر الله 000 ماني عن الرب الكريم غناوي

وقصيدة مخلد لم يذكر فيها برقااااااااا بتااااااااااااتا وهي مضافه اليها وكذلك ابيات كثيره




وهذه بعض ابيات جدّي نوار بن هليل الذيابي التي ارسلها لمخلد بن حبيب الله رحمهما الله عندما ذهب مخلد مع الشريف الى الاردن وكان مقربا منه في مكه واخذه معه عندما غادر الحجاز وكان مخلد قاضي شئون الباديه عند الشريف في الاردن وقد كتب جدي له القصيده ليعيده الى ديار ربعه علما انه كان بينهم العديد من القصائد


البارحه غنيت قافن يشوقي 000000 امثال ما ينقد على من بناها

هيّض علي القاف قرمن صدوقي 00 مخلد زبون اللي تجذت خطاها

انته تبيع وتشتري ولك سوقي 00 وديرتك ما اعرف جودها من رداها

..............................

لا انت بجلاو الدم حتى نسوقي 00 نرخص غوال المال للي يباها

ثم رد عليه مخلد بــ :-

قال الذيابي بالكلام الصدوقي 00 سمرا منيفه واق عالي حجاها

ومما يقوله مخلد في هذه القصيده بخصوص البير

شرمه كما عذرا سلبها شلوقي 00 الله ينسى يا عمر من نساها


فأرسل له جدي قصيده اخرى منها هذا البيت :-

اصبر علي وخل شرمه تروقي 00 يدنى المدى وعيونا من وراها

وكما قلت هناك بينهما العديد من القصائد علما ان اكثر شي اجبره على العوده كما قال رحمه الله بعد عودته هي قصائد جدي المرسله اليه ولكنه عاد متأخرا بعد وفاة جدي ولم يتقابل الاثنان عليهما رحمة الله


هذا ما اردت ايضاحه لجميع رواد هذا المنتدى

[جراح العتيبي]

مشكووووووووور على النقل

[كحيلان]

اشكركم على المرور


شكر خاص للاخ النايف الذي دائما سباق ومكمل مانسهو عنه ويعطيك العافيه

الاخ بن ذائب الفصيده وجدها في ورقه قديمه من ضمن الصكوك القديمه ولها في الصندوق اكثر من خمسين عام تقريبا ونقلتها كما هي ولم اضيف عليها اي اضافه سواء لشليويح او لغيره وياليتك تجيب قصيدة جدك كامله ومشكور

[ابن ذايب]

اخوي القصائد بين الشاعرين لم اجد من يحفظهما حتى الان ولكن لازلت ابحث على كل القصائد بين الشاعرين

وهذا ما استطعت ان احصل عليه من قصيدة جدي رحمه الله وقد لا تكون مرتبه وهي ناقصه واعد الاخوان بوضع كل القصائد ان شاء الله في احد منتديات عتيبه




البارحه غنيت قافن يشوقي = امثال ما ينقد على من بناها

هيّض علي القاف قرمن صدوقي =مخلد زبون اللي تجذت خطاها

ياشين رفقت غيرنا ما تلوقي =ودارن بلا ربعه قليل حلاها

ولو برقت شيماتهم لك تلوقي = ودنياك لابدك تعرف معناها

انته تبيع وتشتري ولك سوقي = وديرتك ماعرف جودها من رداها

لنت بجلاو الدم حتى نسوقي = نرخص غوال المال للي يباها

ولنت بحبيسن ما حصل له طلوقي = حتى بعد اولاف منا عطاها

وان كان عنا عاشقن ومعشوقي = ومطاوعن نفس العنا في غواها

خلك كما مومي الجناح الخفوقي = صقر ليامنه بغا الدار جاها

وان كان تطري الصلب معك اللحوقي = وربعك تزبن جالها من نصاها

مريعين اللي حصانه طفوقي = بمضمناتن غالين مشتراها

اصبر علي وخل شرمه تروقي = يدنى المدى وعيونا من وراها



ابن ذايب

[إبن ثعلي]

مشكور ياكحيلان الله يعطيك العافيه على اتحاف هذا المنتدى بهذه التحفه الرائعه
تحياتي

[كحيلان]

بيض الله وجهك يابن ثعلي مشكور على التعديل

[بنت الهيلا]

كحيلان256


قصيدة رائعة لاهانت


بنت الهيلا

[نوف]

تسلم بن ذايب قصيده اكثر من رائعه يعطيك العافيه


تحياتي لك

[الحصان]

ابن ذايب شطر البيت الذي نسبته لشليويح ليس له و يختلف عن بحر و قافية قصيدة شليويح و قصيدة مخلد ليس فيها إضافات بل هذه هيه كماقالهاصاحبها و جدك راد على قصيدة مخلد و ليس الرد من مخلدو لو عرضتها على اي شاعر قال لك ان جدك هو الذي رد على مخلد


تحياتي

[ابن ذايب]

الاخ الحصان

الف شكر لك على توضيحك وكلامك صحيح

رجعت لقصيدة شليويح ولم اجد الشطر فيها

وقد تأكدت من قصيدة جدي ولكن بعد ان وضعت ردي ولم استطع التعديل

شاكر لك مرورك

اخوك الذيابي