العــود لازود (ن)...ولافود..

[رغدالشيباني]

سألتني وكان هذا الجــواب ..الفكاهي..اقبلوها بسعة صدر..



العود لازود( ن )ولا فود =وأحذرتس لاتاخذينه
زود العمر مافيه منقود=والكبر شره خابرينه
الشيب قاده للهرم قود=مسكين مار الله عوينه
يابنت خلي راعي الذود =مضت لياليه وسنينه
بلاه يصحى الفجر مقرود=واللي يعرفه تجهلينه
لامن مشا ماعنه منشود =ولامن زعل لاتقربينه
الذوع نقصــانٍ بلازود=يابنت لازم تعذرينــه
مكدود حيل وفكر محدود=في هرجته لاتجادلينه
الشيب عيب وعلةتسبود =والهم عنده تكنزينه
كانه غني ماعنه مقعود=عود الغنى لاترفضينه
يابنت عمر العودمعدود=بكره يموت وتارثينه
يابنت لانقص ن ولاجحود=الخير في مدة يدينه
العود رمز الطيب والجود=النور مع طلعة جبينه
قلته بلا شاهدولا شهود=والحق لازم تذكرينه

[نايف تراحيب]

اختي رغد الشيباني

كلامك فيه تناقض مره تمدحينه ومره تسبينه :)

كانه غنـي ماعنـه مقعـود
عــود الغـنـى لاترفضيـنـه

يابنـت عمـر العودمـعـدود
بـكـره يـمــوت وتارثـيـنـه

يمكن يكون عمره اطول من عمرها

اختي رغد الشيباني

شاكر لك على مثل هالابيات

دمتي بخير


/

،


نايف العتيبي

[رغدالشيباني]

;745958']اختي رغد الشيباني

كلامك فيه تناقض مره تمدحينه ومره تسبينه :)

كانه غنـي ماعنـه مقعـود
عــود الغـنـى لاترفضيـنـه

يابنـت عمـر العودمـعـدود
بـكـره يـمــوت وتارثـيـنـه

يمكن يكون عمره اطول من عمرها

اختي رغد الشيباني

شاكر لك على مثل هالابيات

دمتي بخير


/

،


نايف العتيبي

حياك الله أخي نايف
والسب في القصيدة كان من باب الدعابة مع من سألتني لاأكثر
وبالنسبة للعمر
صحيح الأعمار بيد الله
ولكن كما قلت لك سابقاً مزاح وفكاهة لاغير
ويبقى :
الكبر تقدير من الخالق وإرادة في كرام الناس زودن للفضيلة

شاكرة مرورك وحياك مرة ثانية

[ç£àSsْIç]

بداية القصيدة تختلف عن نهايتها ..
لـكن انا اؤيدك على الفكـره وشبو على العواده >> نـبا نـتـزوج :)


صح لسانك يارغــد

[ميااااح]

ليه يا رغد وش هالطاري

حذاري خلي بالك من نفسك

[فهيد مقعد الرويس]

صح لسانك

يارغد
كانه غنـي ماعنـه مقعـود
عــود الغـنـى لاترفضيـنـه

صحيح الثري لاترى عيوبه من اي نوع كانت

ولكن الشيب يحفزللورث:)

تحيتي وتقديري

[رغدالشيباني]

بداية القصيدة تختلف عن نهايتها ..
لـكن انا اؤيدك على الفكـره وشبو على العواده >> نـبا نـتـزوج :)


صح لسانك يارغــد




كلاسيك :28:

صح بدنك..

[تركي ابن خالد]

::

..

رغدّ زعلتيْ الشيآب يآلبإ قلوبهمّ

<< يقدرْ الشيآبْ والجلسهْ معمّ :)

صحْ السآنكّ واللهْ

وننتظرّ جديدكّ

كلّ الودّ .


..


::

[عادل العصيمي]

رغد


صح لسانك


قصيدة جميلة وفكاهية


تحياتي

[رغدالشيباني]

مياح اشكرك على مرورك ولاتوصي حريص:)

[مدله الضميان]

رغد

صح لسانك

وقصفتي الشيبان قصف

قوي0000قبلك وحدة00تقول 00 العود لامنه وصل عام ستين000معاد تقبل منه حتى الشهادة

لايقضي اللازم!!ولايقضي الدين000ويصير مخه مثل مخ الجرادة

مدري وش بلا الحريم على الشيبان؟؟؟؟؟؟؟؟!!!!!!!!!مع انهم هم البركة والخير الى ماشفناهم في المجلس

نحس انه بلا طعم0000

قصيدة فكاهيه جميلة لك تحياتي

[رغدالشيباني]

صح لسانك

يارغد
كانه غنـي ماعنـه مقعـود
عــود الغـنـى لاترفضيـنـه

صحيح الثري لاترى عيوبه من اي نوع كانت

ولكن الشيب يحفزللورث:)

تحيتي وتقديري

حياك الله (فهيد الرويس)
فعلا المال يغطي عيوب الشيب
وانا من أشد المعارضات على مبداْ زواج الشايب من فتاه بعمر بناته الا في حاله واحده اذا كان ثري جداً ...على قولة الاولين (مايعيش الا حارث والا وارث)
مرورك جميل لك تحيتي وتقديري...

[رغدالشيباني]

::

..

رغدّ زعلتيْ الشيآب يآلبإ قلوبهمّ

<< يقدرْ الشيآبْ والجلسهْ معمّ :)

صحْ السآنكّ واللهْ

وننتظرّ جديدكّ

كلّ الودّ .


..


::


لا حشا ماازعلهم .. ازعل اللي يزعلهم

صــح بدنكـ

وشكراً لمرورك العَطِر

[زمان الصمت]

جميل تطرقك لمثل هذه الأمور حتىو إن كانت من باب الفكاهة

صح لسانك أختي

[رغدالشيباني]

رغد


صح لسانك


قصيدة جميلة وفكاهية


تحياتي

عادل العصيمي
صح بدنك
شاكرة حضورك

[ناصر بن سعدي]

أختي

رغد الشيباني


صح لسانك .. وأبيات فكاهيه جميله ..

ولكن ..


الــذوع نقـصـانٍ بـــلازود<<< الذوع ويش.؟


شاكر لك ..وتقبلي خالص تحياتي ..

[إبن ثعلي]

صح السانك يارغد قصيدة فكاهيه جميله

[إبن ثعلي]

الذوع يا اخ ناصر لوي لكلمة اذاعة,يعني كثر الكلام واذاعته والعلم الأكيد عند الأخت رغدالشيباني

[رغدالشيباني]

رغد

صح لسانك

وقصفتي الشيبان قصف

قوي0000قبلك وحدة00تقول 00 العود لامنه وصل عام ستين000معاد تقبل منه حتى الشهادة

لايقضي اللازم!!ولايقضي الدين000ويصير مخه مثل مخ الجرادة

مدري وش بلا الحريم على الشيبان؟؟؟؟؟؟؟؟!!!!!!!!!مع انهم هم البركة والخير الى ماشفناهم في المجلس

نحس انه بلا طعم0000

قصيدة فكاهيه جميلة لك تحياتي

حياك الله(مدله الضميان) وصح بدنك
فعلاً الشياب هم الخير والبركه..والكبر شين كفانا الله واياكم شره
ويقول الشاعر::الكبر شين ياقبله.........مايصبغ الزين فـــالشايب
صرتي على الكبد مندبله..........وانتي منّول عسل ذايب

مرورك جميل ..لك تحيتي وتقديري

[رغدالشيباني]

جميل تطرقك لمثل هذه الأمور حتى و إن كانت من باب الفكاهة

صح لسانك أختي

هلابك...زمان الصمت...
من اجمل اغراض الشعر مناقشه القضايا الاجتماعيه
وصح بدنك ..دمت برضا..

[رغدالشيباني]

أختي

رغد الشيباني


صح لسانك .. وأبيات فكاهيه جميله ..

ولكن ..


الــذوع نقـصـانٍ بـــلازود<<< الذوع ويش.؟


شاكر لك ..وتقبلي خالص تحياتي ..

حيا الله سيد المكان

(ناصر بن سعدي)صح بدنك ولك شكري على هذه الاطلاله الرائعه
والذوع سلمك الله هو الذاكره والعقل والتفكير وهلم جرا
اي ان ذاكرته وعقله وتفكيره بنقصان مستمر
تحيتي وتقديري لسموك..

[رغدالشيباني]

صح السانك يارغد قصيدة فكاهيه جميله

حياك الله مديرنا القدير
(ابن ثعلي)وصح بدنك
لك شكري وتقديري على هذه الاطلاله المسرفه في الروعه
.

[رغدالشيباني]

الذوع يا اخ ناصر لوي لكلمة اذاعة,يعني كثر الكلام واذاعته والعلم الأكيد عند الأخت رغدالشيباني

مالك لوى ياقاضينا والذوع هو التفكير والذاكره وهكذا
تحياتي لسموّك...

[ضيف الله السميري]

رغد


صح لسانك


ولكن يبقى العودركن من اركان البيت وقاراً وحكمة (( واقتصاد في الماء والكهرباء )) يطفي الانوار بعد الساعه 10 هههههه


لا ازيد على ماقاله اخواني

[عبدالله المرشدي]

صح لسانك

يارغد الشيباني

رااائعه

تحيتي

[رغدالشيباني]

رغد


صح لسانك


ولكن يبقى العودركن من اركان البيت وقاراً وحكمة (( واقتصاد في الماء والكهرباء )) يطفي الانوار بعد الساعه 10 هههههه


لا ازيد على ماقاله اخواني

مشرفنا الرائع (ضيف الله السميري)
صح بدنك واشكرك على هذه الاطلاله المسرفه في الروعه
ليتها تصل للساعه العاشره بعد صلاة العشاء مباشره وكل الانوار مطفأه<<أسأل مجرب
وكما قلت...العود رمز الطيب والجود ...الخير في مدة يدينه...
تقبل أطيب تحيه ..

[رغدالشيباني]

صح لسانك

يارغد الشيباني

رااائعه

تحيتي

حياك الله..(عبدالله المرشدي)
صح بدنك..وما الروعه الاهذا المرور
تحيتي لك..