نخوة العنزيه للشيخ محمد الحميد العتيبي

[المنتخي بالهيلا]

نخوة من ام سعود العنزي الى الشيخ محمد الحميد العتيبي وعموم قبيلة عتيبه الهيلا بهذه القصيده ..



لـولا رجــا الله مـاهـنـا حـي مــوجـــود *** الله كــريـم ولا غـدا مــن رجـابـه..
سبـحانـه اللـي يفــرج الـهــم والـكــود *** يــدري بـمـا يـجـري ولا يـنـدرابه..
يـالله يـارب الـمـلا خــيــر مـــعـــبـــود *** يــافــارج لأيــوب مـمــا اصــابـه..
انــك تــفــرجـهـا علـى الـغـالـي سعـود *** وتعــوضـه بـالـخـيـر مـما جرابه..
يافــارج لـيـعـقـوب والعـود مضـهـــود *** رديـت يوسـف بعـد طـولة غيابه..
انــك تــرد ســعـــود يـاوالــي الـجـــود *** حـيـث انت من انشاه ليه وجابـه..
هــذا وانــا زبــنـــت يـاعـالـي الـطــود *** عـلـيـك يـارمـز الكـرم والمهابـه..
زبـنـت لأبـن حـمـيـد والأسـم مشهــود *** مـحـمـد ابـو سلطان عالي جنابه..
نـخيـت انـا مـحـمـد بـالـفـعـل مـحـمـود *** والـذيـب بـمـثلك كل ساسه ذيابه..
(عـتـبــان) ليـا جـت بـالتفاخر وبالزود *** مـقـامــكـم عـالـي ولاله مـشـابه..
يَـرْدون حـوض المـوت والعالم شهود *** يــهــابـهــم عـدوهـم مــاتــهــابه..
هــذا يــابـو سـلـطـان والـقـلـب مجهـود *** ولاتــلام مـثـلــي لو تشقق ثيابه..
افــزع لـمـن قــرب عـلـى ورعها القود *** ولا تــهــنـت بـالـطـعـام وشرابه..
ولــو الـشـعـور يـعـبــر بكــل مـجــحــود *** عــبـيـت لـك كل الورق بالكتابه..
لاشـــك ذا تـــوضــيــح لــعــــل بـه فــود *** ونـتـيـجـتـه تـزيـل عـنـي الكآبـه..
ومـاقــل دل وارتــجــي خــيــر مـعـبــود *** ثـم بـمثـلـك وانـت من خير لابه..
هـذا وصـلـو عــد مـاتــجـــري الــنـــود *** على النبي الهاشمي والصحابه..




ام سعود العنزي - سكاكا الجوف

[خيّال الهيلا]

الله الله صح لسانها وعلا شأنها ..
ووالنعم بعنزه وربع عنزه

بس ماعلمتنا بسالفة القصيدة ؟
وحياك الله يالعنزي ..

[فهيد مقعد الرويس]

لاهنت يالمنتخي بالهيلا

والله يفرج كربة سعود ويرده لامه

والمنقول هنا

تحيتي

[المنتخي بالهيلا]

مساءكم خير

مشكور اخوي [ خيال الهيلا - فهيد الرويس ] على ردكم الجميل ولا هنتو يا الغلا

وبالنسبة للقصة بإذن الله راح انزلها لكم بموضوع جديد مع كامل قصائد ام سعود


ولكم مني كل التحية

أخوكم المنتخي بالهيلا من قبيلة عنزه

[كــــآتــم المـــــعنى]

صح لسان أم سعود والله يفرج كربة أم سعود في سعود ويرده لها سالم غانم


ولا هنت والله يفرج لكم

[إبن ثعلي]

الله يفرج كربة سعود وان شاء الله القصيدة تصل لمسامع الامير بن محمد بن حميد وهو لاشك سباق لفعل الخير
ولاهنت يالمنتخي بعتيبه

[نظره خجوله]

صح لسانها وصح اختيار اخوي الفاضل

/

تحياتي..

[khalid"AL:mokaty]

صح السانها

والامير الشيخ ابن حميد ان شاء الله مايقصر معكم .

[المنتخي بالهيلا]

سيف العضياني , إبن ثعلي , عتيبية اصيلة , مقاطي قلبه ساطي


مشكورين على ردكم الجميل

وصح الله ابدانكم

ولا هنتو يا الغلا