ولد غابي
08-27-2005, 11:35 AM
هذه الأبيات سويتها على لسان إمرأة من الجماعة طلبتني أسويلها كم من بيت في جارتها عندما حصلت (هوشة) (ورعان) في منتزه عام و(هجت)الجاره الشيبانيه وتركت جارتها الغبيويه في أرض المعركه،،ههههههههه كبيره شوي المعركه،،، المهم سويت هالبويتات على لسان الغبيويه في جارتها الشيبانيه،،،،،،، آمل أن تحوز على إعجابكم،،، مع ملاحظة حذف الأسماء...منعا للأحراج..
************
ليش يا....... تخليـن الخويـه=ليش تنحاشيـن عنـي ياغناتـي
ليش ماقمتي معي هاك العشيـه=يوم ورعي صاح مخطر بالمماتـي
شين فعلك مافزعتي لـي شويـه=شين تخـلات الخويـه يابناتـي
والله إني أحسب إنـك أشعليـه=وأحسب إن أبوك نجب له مهاتي
ليت أبوك الدسم قاسم لك بليه=وليت أخوك القرم علمك الثباتي
أهلك اللي عندهـم والله حميـه=خيلهم للكون دايـم وارداتـي
ليش حولتي عن شـداد المطيـه=ليش حبل الكور ترمينه ضحاتي
وأنتي اللي تعشقبـن الشاذليـه=والكرم عندك مقـره ياشفاتـي
عادةٍ لك تشعلين النـار حيـه=في قديـم أيامنـا والحاضراتـي
والله أنك بنت مشيب يابدويـه=بنت قـومٍ محتميـن التالياتـي
لا أحتمت نار المعارك بضحويـه=ياردون الموت ورد الضامياتـي
مير هاذي منـك والله أنكريـه=تتركين البنت صايبك أرقلاتـي
كيف تترك بنت غابـي بالعنيـه=كيف تترك والمعـارك حامياتـي
وأعتزيت بربعي الأدنيـن ليـه=وأعتزيت بروق طوحت بعباتـي
وأفزعولي لابتي صكـوا عليـه=لابةٍ مثـل الجبـال الراسياتـي
وأحتموني من بنات الص.....ريه=ذخري اللي كاسبين الطايلاتـي
مايكبـون الخـوي بالمهمهيـه=يحتمونـه والمـواري بينـاتـي
عادةٍ لنا من عصـور الجاهليـه=نحتمـي جيراننـا علـمٍ ثباتـي
وأسمحيلي كان في قولي خطيـه=والخطا معروف وزن الصايباتـي
والمحبـه بيننـا دايـم قـويـه=ياعسى الله مايغيرهـا صفاتـي
وأدعي الرحمـن يبطـي بالمنيـه=وأدعي المعبود يشفيك بصلاتـي
ياقصيـره ياعزيـزه يازكـيـه=ياغناتـي ياحبيبـه ياحيـاتـي
وأختم القيفان وبيوتـن عذيـه=وأعذروني كان طولت كلماتـي
******
مع تحيات أبو طلال
************
ليش يا....... تخليـن الخويـه=ليش تنحاشيـن عنـي ياغناتـي
ليش ماقمتي معي هاك العشيـه=يوم ورعي صاح مخطر بالمماتـي
شين فعلك مافزعتي لـي شويـه=شين تخـلات الخويـه يابناتـي
والله إني أحسب إنـك أشعليـه=وأحسب إن أبوك نجب له مهاتي
ليت أبوك الدسم قاسم لك بليه=وليت أخوك القرم علمك الثباتي
أهلك اللي عندهـم والله حميـه=خيلهم للكون دايـم وارداتـي
ليش حولتي عن شـداد المطيـه=ليش حبل الكور ترمينه ضحاتي
وأنتي اللي تعشقبـن الشاذليـه=والكرم عندك مقـره ياشفاتـي
عادةٍ لك تشعلين النـار حيـه=في قديـم أيامنـا والحاضراتـي
والله أنك بنت مشيب يابدويـه=بنت قـومٍ محتميـن التالياتـي
لا أحتمت نار المعارك بضحويـه=ياردون الموت ورد الضامياتـي
مير هاذي منـك والله أنكريـه=تتركين البنت صايبك أرقلاتـي
كيف تترك بنت غابـي بالعنيـه=كيف تترك والمعـارك حامياتـي
وأعتزيت بربعي الأدنيـن ليـه=وأعتزيت بروق طوحت بعباتـي
وأفزعولي لابتي صكـوا عليـه=لابةٍ مثـل الجبـال الراسياتـي
وأحتموني من بنات الص.....ريه=ذخري اللي كاسبين الطايلاتـي
مايكبـون الخـوي بالمهمهيـه=يحتمونـه والمـواري بينـاتـي
عادةٍ لنا من عصـور الجاهليـه=نحتمـي جيراننـا علـمٍ ثباتـي
وأسمحيلي كان في قولي خطيـه=والخطا معروف وزن الصايباتـي
والمحبـه بيننـا دايـم قـويـه=ياعسى الله مايغيرهـا صفاتـي
وأدعي الرحمـن يبطـي بالمنيـه=وأدعي المعبود يشفيك بصلاتـي
ياقصيـره ياعزيـزه يازكـيـه=ياغناتـي ياحبيبـه ياحيـاتـي
وأختم القيفان وبيوتـن عذيـه=وأعذروني كان طولت كلماتـي
******
مع تحيات أبو طلال