*)* ضربتين في الرأس توجع يا منتدانا الغالي*(*

[بنت* عتيبة]

سلامات يا منتدانا والف سلامات.

كنا بعدك ضايعين والشاهد الله والاعصاب متوترة.

قبل اسبوع تقريبا جاتنا ملاحظة بسيطة تقول .... المنتدى مغلق للصيانة.

والخميس ما قدرنا ندخل ..... لان السيرفر فيه مشكلة صح ولا لا.

وياشين الوقت اللى يطول فيه الانتظار.

سلامات يا متدانا وضربتين في الراس توجع.

ويعلم الله ...( وانا الان بتكلم عن نفسي)..... اني مقصرة في حقك لكن ما باليد حيلة.

واقولها وبكل صراحة حنا اعضاء كل في واديه مشغول.

نحمل اسم قبيلة وحدة لكن معدوم عندنا شئ اسمه التعاون .....

ليه كله على صاحب المنتدى.

هو اللى يسوي الصيانة وهو اللى يستأجر السيرفر .... هذا اللى فهمته من خلال المنتديات الثانية...

وحنا ماهو موقعنا من الاعراب.


نرد ونطلع؟

نكتب ونسكر الجهاز؟

وين حب عتيبة؟ ووين حبنا لمنتداها؟

الا والله انا اعترف وانا اولكم بالتقصير...... كلنا مقصرين من اقدمنا عضو الى الجديد منا.

المنتدى وبضل من الله له وزنه .

لكن كيف يكون وضعه لو كنا يد واحدة وقلب واحد نعمل جميعا لخدمته وتطويره؟


انها والله كلمة حق ما اردت منها الا الخير لها الصرح العظيم.


واسمحو لي ان اقدم عرض بسيط ارجو من صاحب الموقع ان يقبله

وبالعكس هو واجب علينا .

وهو ان نتعاون ماديا لتطوير الموقع واختيار السيرفر الطيب.

وان يتكرم علينا بوضع رقم حساب ويحدده لنا وكل وما تجود به نفسه لو مبلغ رمزي .

انا وانت وانتي نقدر نخلق المستحيل.

وقووووووووووم تعاونو ما ذلو .


:) ;) :) ;) :rolleyes:


اتمنى يكون كلامي على قلوبكم بردا وسلامااااااااااا وياهلا

بكل عتيبة وبمنتدى عتيبة

[رايد]

فعلا ً كلام صائب
ولو يغيرون التصميم كله احسن

[ابوسـعد]

فكره صائبه وفي مكانها ولو حطو الاشتراك برسوم.... ولو على شكل اسهم يكون افضل . يحدد على حسب المشترك ومرددودها دائما للمنتدى...او يبيعون دعايات لشركات.... وهي خطوه جيده...وعسى الفكره تنجح وهي فكرة بنت عتيبة بارك الله فيها

[طالع]

الحمدلله ان المنتدى الان في وضع جيد من ناحية تواجد كتاب رائعين

اما بالنسبه لافكاركم بصراحه مادخلت مزاجي

[صلوا على محمد]

بالعكس يابنت عتيبه مو كل واحد من الأعضاء بواادي أنا بالذات عن نفسي ّأذا غبت عن المنتدى ألقى الرسايل في الايميل والمنتدى يسألون عني
ومن ناحية الفكره فهي حلوه بس ماأظن إنهم نينفذونها

ومشكووووره على إهتمامك بالمنتدى وأعضائه

[فهد العايضي]

ياسلام عليك يابنت عتيبه


فعلاً كلام منطقي وجميل وياليت نشوفه على أرض الواقع


أنا من المؤيدين لهذا الرآي السديد


ومن الشاكرين لمن أبدأ هذا الرآي


تقبلي مني ارق التحايا

[ابوسـعد]

شكرا عيد الجماعة على اطرائك للمنتدى وكتابه....... واستقطاب مزيدا من الكتاب الرائعين يحتاج الى احترام افكارهم حتى ولو لم تدخل المزاج.... طال عمرك......... وانا استغرب ان الافكار التي طرحها بعضا من الكتاب حول التعاون في دعم المنتدى ماديا لم تلقى الاستجابة من الادارة وهذا شي طيب اذا كانت الادارة او المشرفين يرون غير ذلك فعلى بركت الله وندعو الله لهم بمزيدا من الاكتفاء المادي وهو شيء مفرح...
ماطرح كان من واحدة متميزة بنت عتيبة وماقالته يعبر عن حب ودعم للمنتدى وهي مجتهده فاءن كانت على صواب فلها الاجر والمثوبة وان كانت على غير ذلك فحسبها التذكير...وليت الادارة تحسم الموضوع او ترفعه للدراسة علما ان بعض المنتديات يقوم بها شخص واحد لأنه قادر...فاءن كان مدراء الشبكة قادرون فعلى هذا يسيرون ونحن ندعوا لهم وان كانو غير قادربن فنحن مستعدون للبذل والعطاء...وانتم قرروا وعلينا التنفيذ وان شاء الله نرى هذا المنتدى في ارقى وضع ممكن...وأخيرا وليس آخرا يشكر كل من ساهم ولو بكلمة طيبه في دعم المنتدى ماديا اومعنويا

[النـايــــــف]

اختي بنت عتيبة


ولله الحمد الماده متوفره


ولا يحتاج ان نضع حساب لجمع التبرعات


ثاني شيء

راح تشوفون تصاميم قريبه جداً


في المنتدى



وشكراً لك على اهتمامك

وهذا ليسى غريب على اعضاء شبكة قبيلة عتيبة

[لسان حاشي]

:)

ما قصرت يا الاخ النايف الله يطوّل عمرك و هذا من كرمك و الجود يلقا في محل الجود الله يسلمك،

لكن تراني اقدر ابيع الددسن حقتي و اعطيكم اياها تضبطون بها النادي لكن;) على الشروط التالية:
1- موديل الددسن 84 و ابيكم تعطوني بدال بيعها 480 مشاركة لي انا، على شان اخذ عضو متميز:D


2- تحطون صورتي في الصفحة الرئيسية مع اني ما نيب شيخ قبيله، و لا اطاول الشيوخ و الرواة اللي في النادي، بس من جاور السعيد يسعد،، و بصفتي الممول للنادي بالددسن حقتي،، تكتبون قدام اسمي ( فاعل خير):p لسان حاشي:rolleyes:

[إبن ثعلي]

المنتدى له رجال قائمين عليه فيهم الخير والبركه وليسوا في حاجة احد
تحياتي

[ابوسـعد]

ونعم برجال المنتدى ونسائه وربعن تعاونوا ماذلوا ...

ويمنى بلا يسرى تراها ضعيفه=ورجل بلا ربع على الغبن صبار
وشكرا لك يابن ثعلي وجعلك على القوه وان شاء الله نشوف المنتدى ورجاله ونسائه من خيرة المنتديات وهذا هو العشم

[كحيلان]

لابد من التطوير والتجديد واحترام الاراء المخالفه حتى لولم تكن تنسجم مع اراء الاداره ونحن بانتظار الجديد هذا المنتدى يحمل اسم قبيلة عزيزه
ويجب الاهتمام به

[ولد غابي]

أشكر الجميع على حماسهم لتطوير المنتدي والموقع

لكن ياجماعة ترى الأستظافه ورسوم الدومين وما الى ذلك ماتاصل الف ريال ،،تزيد شوي أو تنقص شوي الله أعلم ،،، يعني الماده لاتعني شيء هنا،،

لكن المنتدى بحاجة للمشاركات الفعاله وتحريك المنتدى بما هو مفيد وجلب أكبر عدد من الأعضاء للمشاركة والتفاعل ،، هذا مايحتاجه المنتدى فقط ,,

لو أني ماني من القائمين على المنتدى ولكن هذا إحساسي الشخصي وربما أكون مخطيء وربما أكون قد أصبت،، والله أعلم

لكم جميعا تحياتي

[بنت* عتيبة]

السلام عليكم ورحمة الله وبركاته


اسماء لها وزنها في المنتدى كان لها اراء جدا احترمها حول موضوعي اللى طرحته هنا.

وانا اشكرهم جميعا واحترم ردودهم.

وهذا يدل على ان شاء الله على اتفاقنا جميعا حول هدف واحد وهو الرقي بمنتدانا الحبيب.

واشكر ابو سعد كثير.

والله يقوي النايف ويعينه.

وان شاء الله للاحسن.

وكلنا معاك قلبا وقالبا.

[ابن رايس]

أتمنى أن لايفهم رأي بنت عتيبه


بعيدا ً عن الهدف الأسمى



وأن لاتــــُبدل كلمة التعاون بـــجمع التبرعات



عموما ً جميعنا يربطنا أسم واحد


فلا ضير من التعاون



ولو بكلمة ومشاركة فعالة .. وأفكار رائدة

دمتم بود