{ انا اشهد اني يامحمد تعنيت }

[شـوآق]

السلام عليكم ورحمة الله بركاته



هذي قصيده للتواصل ’ وعساها تنال اعجابكم






شفت البدر ليله تمامه وغنيت
ببيات جزله تعترف عن مقامي

أنا اشهد اني يامحمد تعنيت
من عقب ماشفته وطير منامي

حاير بدنيا جننتني وجنيت
من حيث ماوجهت جاني ملامي

شفت البدر كامل وسجيت سجيت
يم الديار اللي سكنها غرامي

ماخطيت يامحمد ولكن تهنيت
في حب منهو لابسن للثامي

يالعنبو جده لايمني إبديت
كلمه بقلبي اختبصت بكلامي

قامت عيونه تطلع كنك اخفيت
واقفيت عنه قبل ينشد علامي

مانلام لاشفته ومانلام لاخطيت
شين أشوفه قدم عيني امامي

فكره ببالي كل ماصبحت وامسيت
وفكري بباله مات ماله سلامي

لو هي بيدي يامحمد تمنيت
يرجع زمانن رأح من كم عامي

مريت بيته قبل مده وهليت
دمع العيون الخايفه لا تضامي

ليته يتوب ويرجع الحين ياليت
معاد باقي شي غير الختامي

اما يجي بالعلم ولا تخليت
عنه وقلت بصوت بايع هيامي






وسلامتــكم


سعود العتيبي

[إبن ثعلي]

صح السانك يا اخ سعود قصيدة ولا اروع منها
تحياتي لك

[تـــروكـ]

فكره ببالي كل ماصبحت وامسيت
وفكري بباله مات ماله سلامي

لو هي بيدي يامحمد تمنيت
يرجع زمانن رأح من كم عامي

مريت بيته قبل مده وهليت
دمع العيون الخايفه لا تضامي





صح السانك .,

والله يعطيك العافيه اخوي سعود .,

ابدعت في كتابتك للقصايد .,

[ناصر بن سعدي]

إخوي الغالي


سعود الدعجاني

صح لسانك ..



قصيده جميله ..والله يعينك على الصبر ..


ونتشوق لـ جديدك ..


وتقبل خالص تحياتي

[فهيد مقعد الرويس]

صح لسانك

ياسعود وعتلاشانك

ننتظر المزيد من الابداع

تقبل اطيب تحيه

[شـوآق]

صح بدنك يا ابن ثعلي

ولاهنت ع هذا التواجد

تحيتي لك

[شـوآق]

تروك
صح بدنك , والله يعافيك من كل شر

تحيتي لك

[شـوآق]

ناصر بن سعدي

صح بدنك , وامين الله يصبرنا جميع

لاهنت ع هذا التواجد
تحيتي لك

[شـوآق]

فهيد الرويس

صح بدنك , ولاهنت ع هالتواجد

تحيتي لك

[(العتيبي)]

صح لسانكـ

[ريوف هذيل]

صح الله لسان الشاعر على هالمعزوفة الشعرية الرائعة
سلمت ولا هنت

[طيفٌ و أستدَار]

مُذهِل بهذهِ الذهبية
ومن الشعرِ ألهمكَ الربُ مزيدا
دُمتْ

[كــــآتــم المـــــعنى]

بيض الله وجهك يا سعود وما قصرت وقصيده في قمة الروعه ولا هنت

[شـوآق]

صح بدنك يالعتيبي



لاهنت ع هالتواجد

[شـوآق]

ريوف هذيل


صح بدنك , ولاهنت ِ ع هالمرور

[شـوآق]

طيف وأستدار


لاهنت ِ على هالمرور , والله يلهمنا مافيه خير

[شـوآق]

سيف العضياني


ووجهك ابيض طال عمرك , والروعه تكتمل بتواجدك


لاهنت

[ميااااح]

صح لسانك يالدعجاني

[شـوآق]

صح بدنك يامياح ,


لاهنت ع هالتواجد