عبد الوهاب
03-19-2009, 08:24 AM
هذي القصيدة سبق لي وان نزلتها ولكن تم بعض التعديلات في الوزن
وجدي علـى فرقـا المدينـة وداري=قلبي مـن الديـرة مصابـن بعلـه
وجدي على المبعاد وشوف الصحاري=وجلسة صناديدن علـى جـال ملـه
في خايعٍ مابه شبوك وسواري =قفرٍ خضـر وسيـع محـدن يدلـه
وشوف الابل من دونها الجيب باري=ومـد النظـر يبعٌـد الهـم حـلـه
هاذيك تمشي مـع صغـار البكـاري=وهاذيك ترعى الحمض ماتشكي قلـه
ذودٍ ماقد سمعـت طنيـن البـواري=ولازعجهـا مـزود الطيـن بـلـه
هاذي طرات البـال لاقيـل طـاري=فرقا المدينـة والغثـا مشفقـن لـه
وان ترى بدوي ماحـب الحضـاري=ولاارضى بالهوان وعيـش المذلـه
اعيش حـرٍ مـع طيـورٍ حـراري=وارتاح مـن هـم الحيـاة المملـه
وجدي علـى فرقـا المدينـة وداري=قلبي مـن الديـرة مصابـن بعلـه
وجدي على المبعاد وشوف الصحاري=وجلسة صناديدن علـى جـال ملـه
في خايعٍ مابه شبوك وسواري =قفرٍ خضـر وسيـع محـدن يدلـه
وشوف الابل من دونها الجيب باري=ومـد النظـر يبعٌـد الهـم حـلـه
هاذيك تمشي مـع صغـار البكـاري=وهاذيك ترعى الحمض ماتشكي قلـه
ذودٍ ماقد سمعـت طنيـن البـواري=ولازعجهـا مـزود الطيـن بـلـه
هاذي طرات البـال لاقيـل طـاري=فرقا المدينـة والغثـا مشفقـن لـه
وان ترى بدوي ماحـب الحضـاري=ولاارضى بالهوان وعيـش المذلـه
اعيش حـرٍ مـع طيـورٍ حـراري=وارتاح مـن هـم الحيـاة المملـه