محااااااااااوله وللتعلم

[طير شلوى]

ودي العب واتعلم منكم


جريت موالي بعده جبت انا طرقي
والشعر عن الكلام اظن فيه فـرقي
ودي بشاعر كريم ويكرم الطرقي
والبيت ما يثبت الا فوق سيسانه




يا سلام الله عليكم يا شعار
من هاجسٍ غنا ويقدح زناده
الملعبه حلت وشبت بها نار
كلٍ يجهز عدته وكل جياده

[الأزرق]

يامرحبا حييت ياطير شلوى .... والعلم خله يابن الأجواد علوى.... ولا ترا لي معك ياشيخ ملوى ....والبيت مايثبت إلا فوق سيسانه


يامرحبا حييت ياطيب الكار................واهلا وسهلا يارفيقي زيادة

أقولها أمرار وأمرار وأمرار .................الناجح اللي بيتحقق مراده


تقبل تحياتي ،،،،

[طير شلوى]

طيب طيب بس يا خوك ركز على الموال اشوي

واستلم يالغالي


دام البقا يالمرحب قالها الوافي
من هاجسٍ ماتعكر جوه الصافي
مالك ملف دامني بادي على قافي
والبيت ما يثبت الا فوق سيسانه




العلم ماجود لكن انته من أي دار
والرجل يفخر في فعايل بلاده
مقولتك صح لكن ازيد بذكار
والبيت يثبت في مثابت وتاده

[الأزرق]

لا توصي حريص .......... واستلم يالغالي

ياصاحب رحب وسهل وهلا.......مثل القمر لامن ظهر ثم تجلا.....أنا معك والبال تو اسفهلا.........والبيت مايثبت إلا فوق سيسانه.دوسري وأفخر بربعي هل الكار ........ أهل الكرم واهل الوفا والريـــادة
من غير نقص في طويلين الأشبار........ "أهل المحل" متوارثين السيادة

[طير شلوى]

استلم يالغالي



يا صاحبي والنعم فيـك وفالعتيبي
كسـابة المـجد والتـاريخ والطيبي
مير الفخر يا صحيبي كله نصيبي
والبيت ما يثبت الا فوق سيسانه



يا طايره سيري لا ما فيه مطار
منته بعارف كـل فنـون القـياده
لاني بضايع لاني لا والله محتار
اقـوله واعــيده واثبـته بإعــاده

[الأزرق]

أرحب واستلم

ياحي رجل يعد الصدق ياحيه...لوكان زايد على الميزان بشوية... مايستوي فالعدد خمسين مع ميه....والبيت مايثبت إلافوق سيسانه



قبل السفر ياصاحبي ويش الأخبار..... من أنت منّه ياكريم الإفادة

عطني علومك كلها سر واجهـــار...... واعرف ترانا مانحب المرادة :)

[طير شلوى]

طيب طيب ..... استلم يالغالي


حنا اهل المعجزات كسابة الشيخه
والمجد يشـهد لـنا فـي كـل تـاريخه
لوم ن عليك يا جاهل بكل توبيخه
والبيت ما يثبت الا فوق سيسانه


أ
مطير ربعي صيتها بكل الاذكار
من يسعى لمطير بشره بالاباده
انا اشهد ان حظك لا وقع ولا طار
ضيعه ليل ن معتم ن في سواده

[الأزرق]

الغالي طير شلوى: محاورة شيقة حاول تلحن البيتين زين قبل تكتبها . وترى هذي أول مرة العب محاورة ولكني من المتابعين لها والمتذوقين لفنها الراقي وعساك على القوة.


استلم طال عمرك ،،،


يانعم بالمطران والله ونعمين....وحنا وراهم نعطي الصاع صاعين .....آلاد زايد متعبين السلاطين ....والبيت مايثبت إلا فوق سيسانه


يوم إنها بالحرب والطرد والثار ....... كم شيخ قوم عاقرين(ن) جواده

ماقفى لنا حق(ن) ولو صارصار......واللي يبي الإثبات عندي شهـادة

[طير شلوى]

صح لسانك يالغالي ولا هنت واللعب معك شرف لنا

بس مثل ما انت عارف المنتدى وقف ووقف اللعب معه اشوي

اما بالنسبه للطاروق نعم هناك خلل فيه وانا وانت العكس انا اضبط الموال وانت ما تظبطه وفي الطاروق يصير العكس هههههههههه

موالك الاخير عيد النظر فيه وحنا هنا كلنا نتعلم ونستفيد

وانشاء الله نتواجه بطاروق جديد واللعب يحمى مره ثانيه

وصح لسانك ولا هنت مره اخرى

اخوك : طير شلوى

[إبن ثعلي]

شكرا للدوسري والمطيري ما قصرتوا والالف ميل تبدأ بخطوه
تحباتي

[حسام هوازن]

مشكوووووووووووورين

[** راس حربه **]

الله لا يهينكم ياطير شلوى ويالازرق

ولاهنتو جميعااا

دمتم كما تحبون

[طالع]

الدوسري والمطيري لاهنتو