المساعد الشخصي الرقمي

مشاهدة النسخة كاملة : اقرب شاعر

محمد بن نايف
03-01-2009, 11:31 PM
يالله صباح الخير ياهل الطيب والقدر الكبير.....
..................................واهل البيوت اللي على العادة تفك ابوابها
يالربع معكم ربع ساعة والله اعلم وش يصير
.....................................لن كان ماجاء شاعرٍ كل الكتب يقرأ بها
شاعر المرأه
03-02-2009, 12:58 AM
ياشاعرن جريت صوتك ياعسى فالامر خير
جعل الأمور الطيبه لن جيتنا تسعابها

أبشرلك بفارس ليامن صاح فالقوم النذير
والخيل تعرف ياوسيع المعرفه ركابها
محمد بن نايف
03-02-2009, 02:28 AM
ياطير ابو جنحان حلّق في سماء الدنيا وطير
.................وافرد عشان اهل الطيور تحوز بعض اعجابها

مافيك قاصر ياشاعر لكن الموقف خطير
........................وانته كما اللي لا لقى له قبلةٍ صلى بها
شاعر المرأه
03-02-2009, 03:46 PM
يااللي على المركب لحالك تسبح البحر الغزير
الناس وصلت للقمر ماحسّبت لااتعابها

ياصاحبي بنشدك منهو يجبر العظم الكسير ؟؟

لاصرت مثل الدله اللي مالقت صبابها
المرقب
03-02-2009, 04:21 PM
صحت السنتكم يالشعار

والله يوفقكم

وانا بصف شاعر المرأه ولايهون محمد
شاعر المرأه
03-02-2009, 04:25 PM
أرحب يالمرقب واتشرف بوجودك بصفي
محمد بن نايف
03-02-2009, 10:57 PM
تقولها من بعد جاك العلم يالقلب الغرير
.............................اثر الك عادة ماتجود..ولانبا نضرى بها
سير المكينة لاوقف لو تدهنه يمكن يسير
................................والا تحيّل والحيل.. يمكن تفيد اصحابها
كان موجود
03-02-2009, 11:10 PM
ياسلام عليكم مبدعين من جد ,,

متابعتي

واعجابي


واسر يالليل
شاعر المرأه
03-02-2009, 11:24 PM
تبي الحقيقه ياولد نايف تدار ولاتدير

المشكله بيني وبينك لاتثير أسبابها

ياالله يارب البشر تكفيه من سوء المصير

تمره الكلمه لكّنه ماحسب لحسابها
شاعر المرأه
03-02-2009, 11:30 PM
ماهر مرورك شرف
محمد بن نايف
03-02-2009, 11:36 PM
شكرا لك يا نمر على حضورك المُفعم بالنقاء
محمد بن نايف
03-02-2009, 11:48 PM
ماعاد نلقى عندكم يابدو تمر ولا مضير
.............................والخلفه اللي فالمراح تحن من حلابها
لكن ياليت الغني ايروف لاحوال الفـقـير
............................... ماني بمثلك تجحد الطلبه وانا طلابها
ناصر بن سعدي
03-03-2009, 01:04 AM
الغاليــن ..


محمد بن نايف ..

و

شاعر المرأه ..


صحة ألسنتكم ..


ومتابع ..


ولي ملاحظه عليك يا محمد بن نايف ..



مافيك قاصر ياشاعر لكن الموقف خطير
........................وانته كما اللي لا لقى له قبلةٍ صلى بها


ياليتك تعيـد النظر فيـه ..
محمد بن نايف
03-03-2009, 03:07 AM
يالله حي ابن سعدي
والبيت بالنطق وليس بالكتابه
وصح ابدانك

تم التحرير من قبل الإداره
محمد بن نايف
03-03-2009, 03:09 AM
اخوي شاعر الحرمه بيض الله وجهك ولاقصرت
تشرفنا باللعب معك ولنا لقاء اخر ان شاء الله
واشكر كل من عطر الصفحه بريح الورد
سوائن بمروره او مشاهدته
يعطيكم العافيه كلكم
واخص بالذكر
ابن سعدي
مديـر ألاداره
الله يوفقه ولايهينه
وتحياتي للعموم
شاعر المرأه
03-03-2009, 11:09 PM
صح بدنك ووجهك أبيض




بس ترى أسمي شاعر المرأه





وليس شاعر الحرمه كماتفضلت










أبن سعدي تبقي دائما الأستاذ والكل يتعلم منك






شكرا لمرورك







والجايات أكثر يامحمد لأن المحاوره لازم تكون مباشره







تحيتي لك
ناصر بن سعدي
03-03-2009, 11:27 PM
بالتوفيـق لـ الجميــع ..



ويأخ محمد بن نايف ..


كلنا هنا نستفيد من بعضنا ..



وبيتك .. بالشكل هذا سليم ..

مافيك قاصر يالسنافي لكن الموقف خطير
........................وانته كما اللي لا لقى له قبلةٍ صلى بها

وبشكله السابق مكسور ..




ويأخ شاعر المرأه ..

مشكور على كلامك الرائع ..ودمت بخير ..

ولكم خالص تحياتي ..