المساعد الشخصي الرقمي

مشاهدة النسخة كاملة : هاذي خواطــر من معانـاة شــاعـر

ولد غابي
08-12-2005, 06:45 PM
للعالم الآخــر تراني مســافر=قررت أودع عالم اليوم وأغيب
ماعاد الي في مقبل العمر خاطر=دام المنادي مالقى صوته امجيب
ماعاد أطيق الصبر وودي أغادر=للعالم المجهول من قبل ماأشيب
عفت الغرام اليوم ودّي أهاجر=لدنيا بعيده مابهـا خل واصحيب
هاذي خواطر من معاناة شاعر= أصدر حكم بأعدام قلبه بتهذيب
وإذا أنتحر شاعر .. بالحب خاسـر=حذرا تلومه ياعذيب المشاريب
حيث إن قلبك هو سبب هالمشاعر=والقلب ينبي صاحبه بالتعاجيب

أبو طلال
جراح
08-12-2005, 06:58 PM
صح السانك يابوطلال وشييك على الكيبورد قام يتخطف بعض الحروف :)
إبن ثعلي
08-12-2005, 07:06 PM
صح السانك يابو طلال ونبغاك تتصل بالمسؤول عن دواووين الشعر ويضع لك ديوان مع شعراء عتيبه
تحياتي
ولد غابي
08-12-2005, 07:09 PM
أخوي جراح ،،، شكرا لك على مرورك

بالنسبة ل لوحة المفاتيح ،، رأسها يعورها شوي

بس أرجوا إرسال الملاحظة على الخاص إذا كان هناك ملاحظة تستعدي الأيضاح

أنا رجعت للقصيده وقريتها ،، ماشفت شي

ولك تحياتي
ولد غابي
08-12-2005, 07:13 PM
شكرا أخوي بن ثعلي

والله الأخ النايف أرسلت له الديوان حقي كامل من فترة مرتين ولا أدري هل وصل له والا لا.

على العموم شكرا لك على الأهتمام

مع تحياتي
جراح
08-12-2005, 07:45 PM
يا ابوطلال صح السانك لكن العلم الأول صحيح انك حاولت ما تثقله لكن شف ضعف معناه وانا اخوك والعلم الثاني ضيف الحرف مايصلح . تراني كويتي بس ما ابيع سمج فالشعر هاهاهاهاها وانت والله انك استاذ ونتعلم منك والرسايل الخاصه تراها عقوبه ماا عرفلها وتدبل تسبدي .


اخوك وابن عمك جراح
ولد غابي
08-12-2005, 08:02 PM
أخوي جراح دامك من الكويت،، فالأبيات هذه قد نشرت بجريدة السياسه الكويتيه وكان ذلك قبل الغزو وكان الذي على الصفحة آنذاك الشاعر ناصر السبيعي ،، وقد وصفني حينها بالشاعر المبدع مع العلم أنها كانت أول أبيات أرسلها له ونشرها فورا وليس بيني وبينه علاقه حتى اليوم...

وأزيدك من الشعر بيت هذه القصيده كانت والله أعلم ثامن أو تاسع قصيده أسويها وكانت هي من قصائد البدايات،، وأنا من النوع الذي لايعدل في القصيد ،، فبعد أن أبدع وأخلص من أي قصيده أختمها بختم ((لايمكن التعديل أبدا))

وأزيدك بعد أنني نظمت الشعر كتحدي فقط وليس رغبه وذلك عندما كتبت مره أربع أبيات وقريتها على الوالد الله يرحمه وواحد من أبناء العم وكان أبوي شاعر وولد عمي شاعر كذلك ،، المهم يوم قريتها عليهم قالوا ماهيب موزونه ،،البيت الفلاني مكسور ،،وقامو يكسحوني ،، المراد يوم ثاني سويت قصيده وأرسلتها لجريدة اليوم ومن فضل ربي نشرت فورا وعندما وريتهم الجريده حلفوا بالله أن اللي سواها ماهوب أنا ومن هنا كانت البدايه،، ونشرت لي العديد من القصائد في الجرايد والمجلات ومن ثم توقفت عن الشعر لمدة خمس سنوات بعد وفاة والدي رحمة الله عليه.. وصرت أسوي القصائد فقط لمواضيع تحسني فقط والى هذا اليوم لاأبدع أي قصيده لمجرد النشر.

مع تحياتي لك
عبدالله
08-12-2005, 08:28 PM
للعالم الآخر تراني مسافر
قررت أودع عالم اليوم وأغيب
ماعاد الي في مقبل العمر خاطر
دام المنادي مالقى صوته امجيب

داااام بوووحك يابو طلااال

بس وانا اخوووك القصيده تضيق الصدر

فيها نبرة حزن عجيبــه !!

ولد غااابي ,, كاني اقدر اساااعدك ابشي
فانا جاااهز ,,

ولد عمك ,, حسبة اخوووووووك يالحبيب

لاهانك الله يالغاااالي

والله يريح قلبك من مايضيقه

اخوك

العتيبي
ولد غابي
08-12-2005, 09:23 PM
أخوي عبدالله ،، لاهنت

القصيده قديمه مرّه ،، وهذي كلها خيال يالغالي

وأنا بخير ومليون نعمه اللهم لك الحمد والشكر

والآن من فضل ربي كل شي عندي وأملك مصنعين واحد في الصين الشعبيه والآخر في ايران ولدي محلات تجاريه عدة . والعيال من فضل الله عسى الله يصلحهم... واللي تقراه وأنا أخوك من قصيد وخاصة الغزليات قديمة وغالبيتها والله العظيم قصص خياليه لا أساس لها أصلا..
بس مثل مايقول المثل الشاعر الحق هو من يلامس مشاعر الأخرين ،، وأنا بلا فخر هنا لامست مشاعرك ،، وهذا أن دل على شيء فأنما يدل على دقة التصوير للمشاعر عندما يفقد الحبيب جبيبه ويكره الدنيا بسببه،،

حبيت بس أوضح لك وللأخوان اللذين ربما يعتقدون أن ماأكتب يمثل حالتي ،، أبدا والله وللعلم أكثر ،، فأنا من كتاب القصه القصيره وممن نشر لي الكثير من المقالات والخواطر في الكثير من الصحف السعودية والخليجية...

فأنا أكتب لأعبر عمن لا يستطيع أن يعبر عن نفسه

ولك تحياتي
أبو رديعه
08-12-2005, 10:01 PM
ابك ابك يابو طلال اشغلتنا ماندري نعاين فالقصيده والا فالردود مار تبا العلم000



واذا انتحر شاعرك بالحب خاسر 000 حذرا تلومه ياعذيب المشاريب



صح لسانك
جراح
08-12-2005, 10:56 PM
أخي وحبيبي أبوطلال ... أنا ما أشكك في شاعريتك وأنا اخوك وأنت شاعر مافيها كلام لكن أنا عطيتك وجهة نظري وأنت أقتنعت بها وعطيتني وجهت نظرك واقتنعت بوحده مع تحفظ لأن المعنى ضعف والثانيه أبو رديعه فطن لها وما اقتنعت بها ( الراس يابس هاهاها ) . أما موضوع نشرتها بالجريده واثنى عليها ناصر السبيعي وحنا بعد نثني عليها ونقول رائعه لكن كلن له وجهة ومقياسنا عقولنا ماهوب ناصر والا غيره مع احترامي الشديد . وخلني أهمس في أذنك بالنسبه للجرايد والمجلات ترى فيها العجب العجاب نسأل الله السلامه . واكبر دليل شف عندنا جريدة اسمها الوطن معاقبنا واحد كل صبح وفي أخر الصفحه يحط له بيتين ويرد على اللي يرسلون له . الرياجيل تلغفه وتقوله استريح والرجال يرد ولا يدري وين هو رايح وبيوته حتى لحن دي دي ولولاكي مايركب عليها . بس هذا حنا نقرا الجريده ويالله لك الحمد . لا ومطلع له ديوان بعد . عموما أشكرك على سعة صدرك وردك الراقي اللي يدل على سمو أخلاقك وطيب أصلك ..







تقبل تحياتي ... جراح
ولد غابي
08-13-2005, 04:35 AM
أشكركم من أعماقي أنت يابو رديعه وأخوي جراح

ومثل ماقال أبو طلال اللي هو(أنا) في قصيده أبا نزلها بعد كم من يوم إن شاء الله:

اللي طرالي غير واللي طراله *** لبسّ يدين الريم فاني حللها

مع تحياتي والكاف خلها واو يابو رديعه تراني أحب الواو ،،، شف هالبيتين من أول قصيده لي:

سبت صغير السن و(الدال) نيشان ** وضح الثنايا جوهره بين أشافيــــه
إن قلت كامل قيل توّه بنقصــــــان ** والزول زول اللي بدا (الواو) راعيه

بس على شان تعرف أني أحب الواو ،،،هههههههههه

وتقبلوا تحياتـــــــــــي
حسام هوازن
08-13-2005, 08:05 PM
اخوي ولد غابي يولد المصاولة والفنش


حقيقة امتعتنا بهذا الموضوع الجميل


تحية لك
ولد غابي
08-13-2005, 09:33 PM
أمتعك الله بجنات الفردوس ياحسام ،،

يالربع خلوها قصايد وبس ولا تراني ابا أضيق وأفنش ،،

بس لاتقولون مراح مقاط ورشاه،،، لالالالالالا ماهيب هي


تدري هاك هالبويتات على ماقال ابو رديعه من قصيدتن أبا أنشرها بعدين:


دنياك يالمخلوق عوج دروبها=أحد(ن) هفا فيها والآخر رقابها
ومرقا سنام العز صعبٍ على الفتى=ياكود من يمناه مسكت نصابها
لا كلّحت نيبان وقتك لقيتـه= مقدم ندى كفه يشـعّ الندا بهامع تحياتي
أبو رديعه
08-13-2005, 09:40 PM
هههههههه ابو طلال ان مصمم على الواو 00تدري الواو الواو الظاهر ماعنها مجناب


وبالنسبه لبويتاتك السابق ذكرها ياخوي نطالبك بقصيدتها



(قلنا القصايد بالقطاره ماهوب تنزل لنا بيت بيتين في كل صفحه وتبانا نلزقهن ههههههه)



مع تحياتي
ولد غابي
08-13-2005, 09:59 PM
يابو رديعه ،، أمس تقول هد ،، واليوم تقول طر ،،،

مايصير يابعدي ،، وراو ،،أرسلك على بر والا بحر يامسلم،،

خذ عندك هالبيتين كل واحد من قصيده ،، أبغاك تجمعهن وتلصقهن على قولتك ،، كل ساعه أبعطيك بيت والا بيتين من بعض القصائد اللى ماسبق وأن نشرت ،، بس أبا أنكد عليك،،



وإذا أنكسر فالبحر جيد مجاديفك=عندي عوض ماأنكسر يابدر الأنصافي
****
يامفسّر الأحلام فسر لي الحلم=وحرك معي بالكف بلورة الحب

مستحيل أطيعك مرتين كلمة الريال وحده قلت هد خلاص خلك عليها نهدي،، على شان البويتات تأخذ حقها مثني ومربوع في القراءة والردود ،، على شان أسوي أنا وياك أمسيه مثل العالم ،، كل واحد من هالشعار الوارعين يثروت بكمن حرف وقامت الناس تصفق له،،

مع تحياتي
أبو رديعه
08-13-2005, 10:03 PM
هههههههههه يادفع البلا اثر الشرقاكي لاعصب اقشر



ياخوي انا قلت طر وقع وقع ههههه اقول هات قصيدتها


يعني كل يوم قصيده مار تبا العلم ماعاد انا معلق بتاتا على راحتك

وعاني ابجمعهن والصق ههههههههههه

فيد البلوره لايكون الالوسي هههههه
ولد غابي
08-13-2005, 10:20 PM
ولا يهمك يبو رديعه بكره نحط على شانك قصيدتين

بس الأختيار يرجع لك ،، قل أي منهن تباني أحط

بعدين ياخوي رحنالك في المحاوره ولا شفت أحد
أبو رديعه
08-13-2005, 10:45 PM
اختر قصيدتك على راحتك 0 كلبوهن مقبولات


وبالنسبه للمحاوره موجودين انت وينك هههههه
ولد غابي
08-31-2005, 05:03 PM
شكرا يابو رديعه حفظك الله

لك تحياتي