يبن منجوم استلم لافضيت

[المرقب]

بعد اذن المشرفين الغالين,,,,استلم يالغالي ابن منجوم

انا وارد عدود مير منها ماروى الوراد
...............اظنه قولة اعدود الروا ماهي تناسبها

ابي من راس ابن منجوم علم يمنا ينقاد
...............يبي منا نجــــــــنبها او انا مانجنبها

[ولــ منجوم ـــد]

هلا يامرحبا بك للجمل قالوا ظهر وشداد=تفضل واستلم يازيد والطاله لصاحبها
وردت العد وابشر بالردود اللي كما الرعاد=لحى نسري بها ولا لحى نركز نصايبها

[المرقب]

يدوم الك البقا وانته على فعل الوفا معتاد
.......... ومنك الملعبه هبت على الجزله هبايبها

انا خابرك راهي مير قصدي يالخوي ميراد
........ ماهو منكم ويخسا من قفاكم في نشايبها

[ولــ منجوم ـــد]

أنا أدري فيك نير فكر ذيب أربد ولا تنصاد=تثور بندقك ودير ظهرك عن لهايبها
وأنا شاعر معي معنى ومغزى والسيوف إحداد=ليا لديت عيني في السباع ارخت شواربها

[المرقب]

معاليش اشغلني شغل,, واستلم يالغالي لاعودت


عقب خوتك يالصياد عود صاحبك صياد
.......... صحيب الخير خيراته لربعه مايشح ابها


نبي معكم نصبح قوم مانبغى لهم مهجاد
.......... ودام انك معي ياصاحبي مااخشى عواقبها

[ولــ منجوم ـــد]

تقوله والله اعلم بسراير والرموز اشهاد=تظاهر بالفضيله والعوارف ماتصاحبها

ولا يابن التميمي لاترد الزاد لأهل الزاد=خذ المقسوم ويدينن تلمك لاتحاربها

[المرقب]

استلم ومعاليش على التأخير الغير مقصود


خطا من قلط الدله ماقلط بعدها براد
. ............ولو هو قلط البراد طار اعماس شاربها

انا مانيب من ينكر فضايل صاحبه لاجاد
..............ولكن ويش اسوي فيه كان انه يمن ابها

[ولــ منجوم ـــد]

خطا مدري صواب الله رماك بقبضة الجلاد=حقايق والحقايق يا التميمي منت غايبها
وأنا ماني مثل قوم المدينة وش تبا ياواد=عتيبي لازعلت اقلب لك الدنيا بخايبها

[المرقب]

صلاة الفجر اخير النا من الجلسات والمرقاد
..............ونفس ماتغر الدرب ماشخص يعاقبها


كفو يالذيب مير اثبت على المرقاب لاينراد
................ترى العاقل ليال الوقت مايامن تقلبها

[ولــ منجوم ـــد]

صلاةالفجرخيرمن الشعرومقابل الحساد=ومن لايطلب الله قل علاه انه مخربها
واناماني بجاهل واعتبررايد من الرواد= توصيني وابى اوصيك والحسبة نحسبهاا

[المرقب]

ترى شعر المراجل ماعليه اخلاف لو هو زاد
..... ...... ولابه لوم كان النفس بالاشعار نطربها


انا اعدك من اللي بالمثايل للتميمي فاد
...... ....... ولاخير بنفس ماتوفي من يوجبها

[ولــ منجوم ـــد]

ترى شعرالمراجل يحتمونه لابة الآنشاد=ضعونك سرها مادام عنتر في مناكبها

علاك الله وامانه لستلد اللي بلامجلاد=واخيل في الديار اللي تلقتني عقاربها

[المرقب]

يقوم البيت بالعمدان ويعاضد لهن اوتاد
...... ......نبي نسري ولو قدامنا شبت شبايبها

بروق الصيف لو تبرق علينا يالخوي وش عاد
..... ...... ماعاد ارجي لها سيل ولو تكثر سحايبها

[ولــ منجوم ـــد]

يقوم البيت ولامايقوم انتم ثمود وعاد= ولابخلي سبيلك لين تصفالي مشاربها

ولاياهملالي ماش لاناشد ولانشاد=مغيرانته واناواالروح ماتسلى حبايبها

[المرقب]

سفينة نوح شالت من فعوله مالها نقاد
........ وخلت للغرق ناس عذابه من سبابيها


عطانا من ولي الكون ويكفي عن الاشهاد
........ ويكفي صاحبي عن كل حاضرها وغايبها

[ولــ منجوم ـــد]

الغالي

المرقب صح السانك

وعساك سالم برد على البيت غدا وليكن

مسك الختااااااام

لاعدمتك

[المرقب]

المشرف (ولد منجوم) الغالي

صح بدنك

وتحت امرك يالحبيب

وانا بنتظارك غدا انشاءالله

وتصبح على خير

ولك تحياتي الأبديه

[ولــ منجوم ـــد]

سفينة نوح شالت من فعوله وابحرت لبلاد=بها مثل الدرر والوول والربان هايبها

عطاكم من ولي الكون كون ولايبا يزداد=طرايف وقت والآيام ماتخقى عجايبها

[المرقب]

صح لسانك يالغالي ابن منجوم

ومنك استفدنا

وصراحة يشرفني اللعب معك يامشرفنا العزيز
فلك تحياتي الأبديه ولكل اهل الموقع الغالين


وانتظر مني القادم المتواضع