برحل لو أن البعد ماهوب ينطاق..!!

[عبدالله العضياني]

http://www.up-00.com/czfiles/EWe12787.bmp (http://www.up-00.com/)ارحل وانا برحل على نور الاشراق
دام الـهـــوى يازين بعــد وتلاقي

بـ اسبقك لوماني على البعد سباق
ووادعك بأسلوب هادئ وراقي.!.!

خلك هنا.. والليل يضحك لـ مشراق
بس يـتحـــرا ســـاعــــة الإنطــلاقي

ليا متــــى واحـنا حبـــايب وعشاق
نضحــك على انفســـنا وحّنا طراقي

نشعل شمـوع الليل بوصال وافراق
و نلمس خيـــوط الفجــر ونقول باقي

والليـــل يكتــب ذكريــاتــه بالاوراق
ويفتـــح عليــنا من هــمـــومه رواقي

مدري سرقك الشوق والا انت ســراق
تقــول مـال الصبــر عنــدي بـواقي

برحل لو أن البعــد ماهـوب ينطاق
بنسى التعب واوقف على عظـم ساقي

ودام الغـــلاء مزروع مابين الاعماق
اوعدك لااسقى الزرع بين السواقي.!!

لا ما يمــوت الحب وتموت الاشواق
والقلــب فــي بعــدك يزيــد إشتيــاقي

لو يشتكي دمــع السهر جفن وأحداق
في وسط عيني لك عن الشمس واقي

يلــوح طيفـك في دجـى الليــل براق
وتمطر مزونك كل مالصدر ضاقي

ولك نسمة ٍ مـــع مقدم الريح تنساق
لهــا علــى حـدب الضـلـوع انفتاقي

عاشـق ولك مخلـــص ولاني بـ بواق
بس الهـــــوى والحب بعد وتلاقي..!!

[ناصر بن سعدي]

لله درك مليار .. والله لايضــرك يأخ عبدالله ..


أقسم بالله شاعر ..عذب عذب عذب ..



نص لايعلى عليـه ..وصور جماليه ... وروح ..


خلك هنا.. والليل يضحك لـ مشراق
بس يـتحـــرا ســـاعــــة الإنطــلاقي
ليا متــــى واحـنا حبـــايب وعشاق
نضحــك على انفســـنا وحّنا طراقي
نشعل شمـوع الليل بوصال وافراق
و نلمس خيـــوط الفجــر ونقول باقي
والليـــل يكتــب ذكريــاتــه بالاوراق
ويفتـــح عليــنا من هــمـــومه رواقي



صح لسانك لين ترضى ..


سأعيــد قرأتها عدة مرات ..حتى تتشبع ذائقتي الشعريه ..


لك كل الشكر ..

[ناصر بن سعدي]

ويسرنا إنضمام نصك وإبداعك إلى أحلى القصيــد ..



أحلى القصيــد>>هنا<< (http://www.otaiby.com/vb/showthread.php?p=692600&posted=1#post692600)

ودمت مبدعاً نتشوق لـ جديدك دوماً وأبداً ..

[المرقب]

ليا متــــى واحـنا حبـــايب وعشاق
.................................................. ..نضحــك على انفســـنا وحّنا طراقي
يلوح طيــــــــــفك كل مالاح براق
.................................................. ..وتمطر مزونك كل مالصدر ضاقي
عاشق و لك مخلص ولاني ببواق
................................................بس الهوى والحب بعد وتلاقي

قصيده جميله جدا يالعضياني.. بالقافيه والمعنى والوزن ..وعلى قول المدير ابن سعدي شاعر عذب
وكل واحد يجوزله من القصيده ابيات وانت قصيدتك جازت لي كلها وخاصة اللي نقلته انا

ووذكرتني بيت الشاعر
ياليت ربي ماخلق حب وافراق
......................... والا خلق حب على غير فرقا

[عبدالله العضياني]

الفاضل ناصر بن سعدي

فخر كبير لي بأن قصيدتي تنال شرف إعجابك وإطرائك

صح بدنك ، والف الف شكر لك


تقبل تحياتي

[عبدالله العضياني]

شاعرنا : الموقب
شهادة أعتز وأفتخر فيها من شاعر مثلك طال عمرك

صح بدنك ،، ولاهنت يالغالي

تقبل تحياتي

[الدَعْجَانِـيـْةِ]

الله عليك أخ عبدالله

بالفعل نص متخم بالجمال ناطق بالروعة

سلمت يمناك

وصح لسانك

وننتظر الجديد دوماً

،’،

يعطيك العافية

لاهنت

.

[عبودالعتيبي]

يسلمووووووووووووووووووووووووووووووووووووووووووو على القصيده