قصيده للشيخ ذعار بن ربيعان

[تركي الثبيتي]

هذه القصيده للشيخ / ذعار بن مشاري بن سلطان بن ربيعان
قالها عندما أصيب بمرض حرول رجليه 000000


لاضاق صدري من هموم تولاه = وزاد العماس وقام صدري يفوحي
أنا بلاى اللي على الرب مشكاه = اللى محرولني وانا ازريت أروحي
يامعذربين التتن لولاه لولاه = لولا شرابه ياعرب وين أروحي
لولا شراب العظم يوم أني أملاه = اكوي به الجمره اويكوي جروحي
مع دلة صفرا على النار مركاه= أقصر ابصبتها على كيف روحي
فنجالها يشدي خضاب الخونداه = الجادل اللي عند اهلها طموحي
يا مكيف الفنجال خصص هل الجاه = راعي الجمايل قبل قن قموحي
صبه لمن هو تنثر الدم يمناه = يثي جواده عند راع اللدوحي
والثاني للي ماتوانامطاياه = يظوي ليا صكت عليه النبوحي
وعده لمن عوص النجايب تنصـاه = ريفن لهن ليا جا الزمان اللحوحي
دب الدهر يضحك حجاجه لمن جــاه = وقت المعاسرمارد مايزوحي
وباقي الرجال فحول نسوان ورعاه = ضباط مال وحافظين السروحي
وراعي الردأماحدليامات ينعاه = ليا صار محروم جبان شحوحــي



ملاحظه /ذكر الشاعر شرب الدخان وما فيه من التسليه وأنا بصراح لأ أشجع
على الدخان اوشرب لدخان لأنه محرم ومظر بالصحه ولاكن لأريد تحريف
القصيده لأنها تحتوي على معاني جميله في الكرم وغيره وهناك أبيات
منها تجدها دائما على ألسنة البعض وهو لا يعرف لمن هذه الأبيات 0مثل
فنجالها يشدي خضاب الخونداه0000 الجادل اللي عند أهلها طموحي

رحم الله الشيخ ذعار وجميـــع أموات المسلمين

[الحصان]

صح لسانك اخوي تركي والله لا يهينك واتحفنا بمالديك من قصيد الشيخ ذعار ابوه مشاري

[النـايــــــف]

صح لسان الشاعر ذعار

ولا هنت أخوي تركي

مشكور طال عمرك


تحياتي لك
اخوك النايف

[مانع إبا العلا]

فعلا التتن من المحرمات لكن البدو قديما كان ينقصهم الكثير من امور العلم

على العموم الله يرحمه والقصيده فعلا رائعه

[حزيمي]

االه يرحمه بواسع رحمته .

والدخان كثيراً ماذكره الشعراء .

خضير الصعيليك . بندر بن سرور يمكن لأن غير مستعاب قديماً .

والله يغفر لهم جميعا


شــــــــــــكــــــــــــراً