** عدت بعد طول غياب .. بقصيدة ** فخر القصيد ...**

[ريوف هذيل]

ألا يانزف بوحي من مزونـي=وألا يارجف قلبي مـن ونينـه
وألا يادمع غرق لـي جفونـي=ولا ياصوت عجّـز سامعينـه
قوافي الشعر يا قمـة جنونـي=عشق ابدوي ٍ علته في حنينـه
سنايدي لا من نختني متونـي=عزاويه ليـا جـات الغبينـه
عقال الراس لا ربعي نخونـي=جمايـل والجمايـل مستبينـه
اجمّـل بـه قـرومٍ علمونـي=ليا من جات حـزات ٍ متينـه
افك العاني لو توخـذ عيونـي=عيـونٍ مـا تجملنـي لعينـه
اعد القاف لوهـم عذربونـي=عذاريبٍ تزيد الـروض لينـه
حيارى والحيارى يحسبونـي=قصيرة يد ما اعرف السمينـه
ريوف هذيل ربعـي لقبونـي=صليبة راس مانـي مستكينـه
اشق صفوف لو الموت دونـي=اغربلهم وازيد الطيـن طينـه
تجرعت التحدي ولا حدونـي=مصدرين الحقـد وموردينـه
بنت ٍ ولكن المراجـل فنونـي=سقانيهـا ابويـه مـن يمينـه
فعايـل والفعايـل جملـونـي=مع اهل الطيب رواد الثمينـه
ابكتب دام ها الهاجوس كونـي=أبكتب دامني في كونه سجينـه




«®°·.¸.•°°·.¸¸.•°°·.¸.•°®»وسلامتكم«®°·.¸.•°°·.¸¸.• °°·.¸.•°®»

[ابن مسلم]

صح لسانك

محاولة جيده

ولاكن بعض بيوت القصيده غير موزونه

وتحتاج لتعديل

سوف تنقل للمواهب

[ناصر بن سعدي]

الشاعره الجميله ..



ريف هذيل أبيات روعه ..


وماتحته خط يحتاج إلى إعادة وزن ..


عدليه .. ويرجع إلى قصائد الأعضاء ..



قوافي الشعر يـا قمـة جنونـي*عشق ابدوي ٍ علته في حنينـه

سنايدي لا من نختني متونـي*عـزاويـه لـيـا جــات الغبيـنـه


تجرعت التحدي ولا حدونـي*مصدريـن الحـقـد ومورديـنـه


ابكتب دام ها الهاجوس كوني*أبكتب دامني في كونه سجينه


وتقبلي خالص تحياتي ..

[ريوف هذيل]

أخوي ناصر بن سعدي مشكور على فتح الموضوع من جديد..
بالنسبة للأبيات كوني مبتدأة حاولت تعديلها للآتي..




ألا يانزف بوحي من مزونـي=وألا يارجف قلبي مـن ونينـه
وألا يادمع غرق لـي جفونـي=والا يا صـوت يطرب سامعينـه
قوافي الشعر يـا قمـة جنونـي=يا بوح القلب لا ضيّع حنينه
زنادي لا من نختني متونـي=عـزاويـه لـيـا جــات الغبيـنـه
عقال الراس لا ربعي نخوني=جمـايـل والجمـايـل مستبيـنـه
اجـمّـل بــه قــرومٍ علـمـونـي=ليا مـن جـات حـزات ٍ متينـه
افك العاني لـو توخـذ عيونـي=عـيـونٍ مــا تجملـنـي لعـيـنـه
اعـد القـاف لوهـم عذربونـي=عذاريبٍ تزيـد الـروض لينـه
حيارى والحيارى يحسبونـي=قصيرة يد ما اعرف السمينـه
ريـوف هذيـل ربعـي لقبونـي=صليبـة راس مانـي مستكينـه
اشق صفوف لو الموت دوني=اغربلهم وازيـد الطيـن طينـه
تجرعت التحدي ولا حدونـي=مدامني بكل موقف فطينه
بنيه بالمراجـل يوصفوني=سقانيـهـا ابـويـه مــن يمـيـنـه
فـعـايـل والفـعـايـل جمـلـونـي=مع اهل الطيـب رواد الثمينـه



واستبعدت البيت الأخير لأن ماله داعي أتمنى تكون كذا تمام أنتظر آرائكم ..
ومشكور اخي الرائع ناصر على ذوقك العالي..

[ابن مسلم]

زنادي لا من نختني متونـي = عزاويه ليـا جـات الغبينـه


ريوف صح لسانك

وصدر اليت مكسور

أعتقد لوكان كذا( زنادي لنتخت فيني متوني ) يمكن يكون أفضل

[ضيف الله السميري]

ريوف صح لسانك



قصيده رائعه


اتمنى لك التوفيق

[ريوف هذيل]

ابن مسلم هلا ومرحبا بك مشكووووووووور على المرور والدعم صح الله بدنك

اخوي ضيف الله هلا بك ومرحبا لا هنت شاكرة مرورك الراقي وصح الله بدنك يا ذوق

[عادل العصيمي]

ريوف هذيل


صح لسانك


قصيدة جزلة ومعاني ثمينة ومفردات لا تأتي الا من شاعرية حقيقية


اهتمي بالوزن وفالك التوفيق


تقديري