من لا يـبـيـنــــا مـانبــــا الا فــــراقــه

[@ عتيـبـي نجــد @]

ياذيب كاننك نكرت الصداقه=ماني بمرّبوطاً بصحبتك ياذيـب
لا تــدعي بالمعـرفه واللباقــه=منّـته بويّــا عاليات المراقيـب
من لا يـبـينا ما نبـا الا فـــراقـه=طرداً ورى المقـفـيـن في سلمنا عيـب
ورفيقـنا يـبـشر بعـز الرفاقـه=عاداتـنا نجزي هل الطيـب بالطيـب
روّح وانا مالي ومال العلاقه=اللي نهايتها مثل فارغ الجيب
تغـلب عليها السخريه والحماقه=ويسودها النكران والشك والريـب
بعض العرب كالحنظليله مذاقه=وبعض العرب حطه على الجرح ويطيـب
بعض العرب يعطى من الورد باقه=وبعض العرب يعطى ثلاثة مشاعيـب

[النـايــــــف]

صح لسانك أخوي الغالي عتيبي نجد


وبيض الله وجهك يا الذيب

والله لا يحرمنا من قلمك المميز


تحياتي لك

أخوك ذعار

[سيف عتيبه]

صح لسانك أخوي عتيبي نجد


وإنشاء الله نشوف لك كل جديد

[الحصان]

صح لسانك يا عتيبي نجد

دايم وانت مبدع

وثلاثة مشاعيب قليله في حق بعض العرب

و إلى المزيد من الا بداع يامبدع

[@ عتيـبـي نجــد @]

النايق
صح بدنك
والف شكر للمرورك
وتعليقك ..
واعتذر لتاخير الرد
ولك خالص تقديري

[@ عتيـبـي نجــد @]

سيف عتيبه
صح بدنك
والف شكر للمرورك
واعتذر لتاخير الرد
ولك خالص تقديري

[@ عتيـبـي نجــد @]

الحصان
صح بدنك
دائم وانت المتابع الناصح
والداعم باتشجيعك ..
ان كنت تشوف انها ماتكفي زودها من عندك
والف شكر للمرورك
واعتذر لتاخير الرد
ولك خالص تقديري

[طلال الثعلي]

@ عتيـبـي نجــد @


قصيده ولااروع

صح لسانك


تحياتي...

[رعبوبه]

مسيك با الخير عتيبي نجد,,,,, من جد قصيده حلوه,,,,

وانا اشهد انه طردا ورى المقفين في سلمنا عيب ....

اهنيك وشوقتنا للمزيد منك...

[@ عتيـبـي نجــد @]

الاخ / طلال الثعلي

صح بدنك
ويعطيك العافيه
شكراً على متابعتك ولطفك

تحياتي

[@ عتيـبـي نجــد @]

الاخت / رعبوبه

الله يمسيك بالخيرات
ويعطيك العافيه
شكراً على متابعتك ولطفك
الف الف شكر على شعورك الطيب

تحياتي

[بعيد المراميس]

بيض الله وجهك يالقرم

وصح لسانك مدد بلا عدد

عز الله انهااا جزله من راس جزل

تحياتي يالقرم

اخوك

بعيد المراميس:)

[@ عتيـبـي نجــد @]

الاخ القدير / بعيد المراميس

وجهك ابيض وصح بدنك

وماعليك زود واشكر لك متابعتك وتشجيعك
وهذا لطفاً منك اخي القدير شكراً مره ثانيه

[alwasal]

] ]صح السانك طال عمرك وهذا الشي مو غريب على شاعر متميز مثلك واكرر شكري وتقديري لك ياخي عتيـبـي نجد على ماسطرته في هذا المنتدى وانه لشرف لنا ولمنتدانا كتابة قصائدك فيه وتقبل فائق احترامي وتقديري

[الهواوي000]

صح لسانك اخوي عتيبي نجد

ويعطيك ربي العافيه على القصيده
الجميله:cool:

[هداج تيما]

عزيزي عتيبي نجــــــــــد

كعادتك دائما...شامخ لا ترضى إلا بالشموخ والعزه

هكذا دائما عتيبي نجد .. دائماً تتحفنا بروائعك التي أتمنى أن

تتواصل معنا ...

حقيقه قصيده من أروع ماقرأت ( حكمه و حنكه ) تتمتع بها قصائدك

دائما التي تدل على شخصيتك

الله لا يهينك... ودائما نطمع في المزيد

[@ عتيـبـي نجــد @]

الاخ / alwasal

صح بدنك طال عمرك
الف شكر لك على متابعتك وتشجيعك لي
اخي القدير تعليقك لطف منك ويكفي ان اجد
مرورك الكريم الذي اعتز به ..
والشرف لي انا والخير والبركه في جميع الموجودين ..
لك خالص تقديري واحترامي

[@ عتيـبـي نجــد @]

الاخ / الهواوي

الله يعافيك
صح بدنك .
اقدر لك متابعتك
لك خالص واحترامي

[@ عتيـبـي نجــد @]

الاخ / هداج تيما

وهاكذا انت دائماً تكرمني بمتابعتك وتشجيعك
ودائماً ما اجد حروفك اكبر مني ..
مرورك وقرائتك تكفيني
اقدر لك هذه الروح الطيبه
لك خالص واحترامي