نسيم الصبا

[حصة العتيبية]

حبيبي الذي رحل .. تقف العبرات والعبارات حيرى أمام رحيله ..

فــ رحمك الله ياااا ( أخي ) الوحيــــــــــد ..

وجمعنا بك ووالدينا ..وجميع المسلمين والمسلمات ..

الأحياء منهم والأموات ..

في مستقر رحمته ورضوانه ..





نسيم الصبا ما عاد نشفق على نفحه=مثل ما مضى من وقت مع سيّد الأحباب
منول هو البلسم وأنا له مثل جرحه=ليا هبت أنسامه برى جرحي المعطاب
يداعب غصون الشوق والنفس منشرحه=ويهز الورود بروضة الود بين هضاب
وعلي انغدق غيثه وبدأ قلبي بطرحه= وبدت بهجته وأورق زمانه ووقته طاب
وأنا أشهد صدق من قال ما تكمل الفرحه=كرهت الصبا؟ من بعد ماسيد(ن) لي غاب
كرهته وحل الحزن قلبي عقب مرحه=وكرهت الوجود وصرت عايش بدون أصحاب
فألا يا صبا لا تجرح القلب مع جرحه=ترى شمسي أقفت وأشرفت بي على المغراب
وألا يا صبا وش قلت فيمن بنى صرحه؟=وبعد ما اكتمل طاح وعلت فوقه الانصاب
وبعد وش تقول بمن غزا وانكسر رمحه=وفقد سيفه وكثرت على نفسه الاصواب
طعين ووقع في ديرة اللي يبي ذبحه=وسقط درعه وصوّب له سهومه الحرّاب
صبا!؟سيّدي راح ورحل وابعد النزحه=ورحل معه قلبي والفرح معه شد ركاب
فألا ليتني ما شفت ليل(ن) بعد صبحه=ولا شفت خلي ينحمل به على الارقاب
والا ليت جسمي دون جسمه سكن ضرحه=وسكنت اللّحد دونه وهلو علي تراب
وألا يالله اللي نرتجي عفوه وصفحه=رجيتك رجيتك وانت يا ربي الوهاب
حبيبي رجيتك تجعل لجنتك ربحه=وعلينا تتوب ولا سوى وجهك التواب

[وردة الأسحـار]

تسلم يمنـاك ياحصّـة
رثائية رااائعـــة
صح لسـانك ورحم الله أخوك وجعل قبره روضه من رياض الجنـّة

والا ليت جسمي دون جسمه سكن ضرحـه
............ وسكنت اللّحد دونـه وهلـو علـي تـراب
وألا يالله اللـي نرتجـي عفـوه وصفحـه
............ رجيتك رجيتـك وانـت يـا ربـي الوهـاب
حبيبـي رجيتـك تجعـل لجنتـك ربـحـه
............ وعلينا تتـوب ولا سـوى وجهـك التـواب

[حسام هوازن]

صح الله لسانك اختي حصة

قصيدة جزلة لاتخرج الا من شاعرة جزلة

كلمات رائعة ممزوجة بالمعاني الراقية

تقبلي احترامي يا حصة

[ناصر بن سعدي]

شاعرتنا حصه العتيبيه

نص جميل ..


رحم الله الفقيد وعوضكم خيراً ..


وتقبلي خالص تحياتي ..

[يعقوب الشمري]

الله يرحمه ويسكنه فسيح جناته

قصيده جميله في معانيها ولكنها تفتقد للوزن

تقبلي مروري