صنيتان الروقي
01-29-2009, 07:11 PM
البارحة
البارحة يوم المخاليق غافين = وأنا سهير الليل دمعي ذواريف
أسرح بفكري وأكثر الناس سالين = الحزن لي مركب تزفه مجاديف
تطعن جروحي مثل طعن السكاكين = ولا زادت همومي رقيت المشاريف
يرتاح بالي من عناء الوقت ويزين = أبعد مجالي عن وجيهٍ ملاقيف
حاولت أخفي دمعتي داخل العين = وهلت دموعي كانها وابل الصيف
يوم أتذكر ما مضالي من سنين = والوقت ما يرحم وقاسي كما السيف
والحظ طايح والتجارب براهين = محدن تجي دنياه دايم على الكيف
والصاحب اللي باعني من زمانين = ماني على المقفي كثير التحاسيف
أصبر على حالي على الزين والشين = عايش زماني لو حصل فيه تكليف
أضحك وأجامل لو همومي ملايين = والصبر زين ولو عرضله صواديف
البارحة يوم المخاليق غافين = وأنا سهير الليل دمعي ذواريف
أسرح بفكري وأكثر الناس سالين = الحزن لي مركب تزفه مجاديف
تطعن جروحي مثل طعن السكاكين = ولا زادت همومي رقيت المشاريف
يرتاح بالي من عناء الوقت ويزين = أبعد مجالي عن وجيهٍ ملاقيف
حاولت أخفي دمعتي داخل العين = وهلت دموعي كانها وابل الصيف
يوم أتذكر ما مضالي من سنين = والوقت ما يرحم وقاسي كما السيف
والحظ طايح والتجارب براهين = محدن تجي دنياه دايم على الكيف
والصاحب اللي باعني من زمانين = ماني على المقفي كثير التحاسيف
أصبر على حالي على الزين والشين = عايش زماني لو حصل فيه تكليف
أضحك وأجامل لو همومي ملايين = والصبر زين ولو عرضله صواديف