لا صكتك نوبات الأيام ماأيتمك ( العلم )

[ولد غابي]

وصية أب يحث إبنه على العلم والتمسك به


*************


عبدالله أسمع كلمتي يوم أكلمك=ياجعل ربي يالسنافي يجيرك
باوصيك أنا يامهجتي حيل أعلمك=حيثك لبيب فافتهم لي باشيرك
أسمع وصاتي وأفتهم يوم أفهمك=وأخذ الوصيه حطها في جفيرك
الله من الأشرار يحماك يعصمك=يحماك رب بالشدايد نصيرك
أول كلامي لك تكمل تعلمك=وأعرف ترى علمك يحدد مصيرك
بالعلم والأيمان واصل تقدمك=لا تنثني مهما حصل لايضيرك
جود نصاب العلم حطه بمعصمك=وقت اللزوم سلاحك اللي يجيرك
العلم ذخر لك ولاهوب يظلمك=اما نفعك اليوم.. علم صغيرك
العلم محمود العواقب ويخدمك=بيوم تضيّع فيه حتى عشيرك
لاصكتك نوبات الأيام ماأيتمك=تعيش حر وبالخضيرا مطيرك
وأسلم وتسلملي عسى الله يسلمك=ياذخري الموعود تابع مسيرك

*****

سفر بن مشعان الغبيوي

[عبدالله]

السلام عليكم ورحمة الله ,,

حياالله ولد غاابي ,,

هلاابك يالغاالي ,,

تسلم والله على هالنقل الحلو ,,

قصيده رائعه كلها حكم ,,

مشكووور على هالاختيااار الرائع ,,

لاهانك الله يالحبيب ,,

بانتظااار جديدك ,,

العتيبي ,,

[ولد غابي]

الأخ عبدالله

شكرا على مداخلتك ،، وللعلم فإن جميع ماتم نشره في هذا المنتدى ومنتدي الهيلا ، هو من نظمي وليس من طبعي النقل وأنما أنشر قصائدي فقط،،

لذا وجب التنويه ولك مني وافر الأحترام

أخوك

أبو طلال

[عبدالله]

الأخ عبدالله

شكرا على مداخلتك ،، وللعلم فإن جميع ماتم نشره في هذا المنتدى ومنتدي الهيلا ، هو من نظمي وليس من طبعي النقل وأنما أنشر قصائدي فقط،،

لذا وجب التنويه ولك مني وافر الأحترام

أخوك

أبو طلال


هلاااابك يالحبيب ..

السموووووحه طال عمرك ..

اجل شكلي فاهم غلط .. !!

لاني حسبت سـفـر بــن مـشـعـان الغـبـيـوي شخص ثاني ..

اعذرني يالغالي .. حقك علي ..

وصح لسااااااانك ملايين عالقصيده ..

رااائعه من روائعك ..

لاعدمناك .. ولاعدمنا بوووحك يالحبيب ..

اخوك : العتيبي

[إبن ثعلي]

صط السانك يابو طلال ما قصرت
تحياتي

[أبو رديعه]

ابو طلال 00 هد الوضع ياخوي الرجال ماينلام حط ولد غابي بين قوسين وزان اسمك 0هههه

بالعلم والايمان واصل تقدمك000لاتنثني مهما حصل لايضيرك

ياسلااام وصح لسانك

[ولد غابي]

شكرا لك يابن العم ،،

فعلا لازم نهدي يومين ثلاثه ،، بعدين ننشر خمس ست قصائد

يشهد الله ،، أنني لم أنشر قصائدي منذ أكثر من عشر سنوات

أول بداياتي كنت أنشر كل ماأكتب ،، وقد نشر لي الكثير

نشر لي في جريدة اليوم،، جريدة الوطن الكويتيه،، جريدة السياسه الكويتيه،، جريدة الرياض،، مجلة المختلف والكثير غيرها،،

بعد ذلك ألهتنا الدنيا بمشاغلها وصرت كل ماأبدع قصيده بالكثير أكتبها وفي الأدراج نهايتها حتى قبل يومين أو ثلاثه أستهوتني منتديات القبيله وقلت لازم أقدم لهم شي،، ومن هنا بدأت أنشر مما لدي ومثل المثل مايقول الجعبه مليانه،، لكن من أجل عين تكرم مدينه،،

نخفف شوي وننشر بالكثير كل يوم مايسر الله...

ولك مني أجل أحترام وتقدير

أخوك ابوطلال

[KING-SIZE]

صح لسانك ابوطلال وبارك الله فيك وننتظر منك الأجمل إن شاءالله

[عبدالله]

شكرا لك يابن العم ،،

فعلا لازم نهدي يومين ثلاثه ،، بعدين ننشر خمس ست قصائد

يشهد الله ،، أنني لم أنشر قصائدي منذ أكثر من عشر سنوات

أول بداياتي كنت أنشر كل ماأكتب ،، وقد نشر لي الكثير

نشر لي في جريدة اليوم،، جريدة الوطن الكويتيه،، جريدة السياسه الكويتيه،، جريدة الرياض،، مجلة المختلف والكثير غيرها،،

بعد ذلك ألهتنا الدنيا بمشاغلها وصرت كل ماأبدع قصيده بالكثير أكتبها وفي الأدراج نهايتها حتى قبل يومين أو ثلاثه أستهوتني منتديات القبيله وقلت لازم أقدم لهم شي،، ومن هنا بدأت أنشر مما لدي ومثل المثل مايقول الجعبه مليانه،، لكن من أجل عين تكرم مدينه،،

نخفف شوي وننشر بالكثير كل يوم مايسر الله...

ولك مني أجل أحترام وتقدير

أخوك ابوطلال



لا وانا اخووووك لاتهدّي :) ,,

كمل لاني فانتظاارك ,,

قصاايدك يالحبيب رااائــعه واكثر من راائعه ,,

والشااهد انتشااارها ,,

معانيها ,, واختياار الكلمااات يعطيها طاابع خاص ,,

انا مبتدىء ,, وقصيدك يزيدني خبره ,,

فلااااااا توقف طااال عمرك ,,

والله اني استاانس لاشفتك منزل قصيده ,,

صرت ماغير اتفطن لك ههههه ,,

وااااااصل يالشااااااعر ,, :)

لاعدمتك يالحبيب ,,

ومره ثاااااااااااانيه ,, استسمح منك :) ,,

لاهنت ,,

اخوك

عبدالله العتيبي

[ولد غابي]

أخوي عبدالله،،، أشكر لك إحساسك الراقي وحسك الرهيف

ويسعدني أن أكون قدمت لك ولكل قراء المنتدي ماهو محل إعجابكم

وكلماتكم الطيبه عندما أقرأها تزيدني إعتزاز ،، بس نشر القصائد متتاليه يفقد بعضها حق القراءة الكافيه،، وقد عتب عليّ بعض الأصدقاء في طريقة النشر المتصل،،

والله وأنا خوك الأدراج مليانه من القصائد وعلى أستعداد لأن أنزل كل يوم ست سبع قصائد،، لكن هذه الطريقة فيها ظلم للقصائد ،،

وفعلا قصائدي لها طابع خاص جداً وممزوجة بكلمات بعضها قديم أثري وبعضها جديد ((لنـج)) ههههههه.

وأنا متأثر بقصائد القدماء جداً وعلى رأسهم راشد الخلاوي

ولك تحياتي

[بنت* عتيبة]

ولد غابي


ابيات رائعة ومؤثرة وفعلا ما قلت الا الصحيح فالعلم هو سلاحنا الاول.

[ولد غابي]

شكرا لك على مرورك وثناءك على الأبيات يابنت عتيبه

والله أنا من مشجعي العلم والتعلم،، لأني سبق وأن قبلت في جامعة كولارادو بأمريكا ،، ويوم جيت وعلمت شايبي (الله يرحمه ويجعله في جنات النعيم) قال إلا منك رحت من تخليني له ، تخليني للذيب،، ثم لا والله أني كني مصفوق على وجهي (كسحه بس من والد) .

وبعد ذلك علمت نفسي بنفسي ولله الحمد ،، وأتقنت ثلاث لغات
بالاضافة لعلوم الحاسب وكذلك الهندسة الألكترونية والكهربائية والكيميائية،،، بس ماهوب أتقان المهندسين عاد،،،ههههههههههه

حتى أذكر مرة رحت للدكتور عميد كلية الهندسة الكهربائية بجامعة البترول والمعادن ،، قلت له أبي أحضر مع الطلاب مستمع أبي أتعلم الهندسة وما أبغي لكم شهادة،، وبعد أن أستمع لي لبعض الوقت قال لي (أن معلوماتك التي لديك ليست لدى أي من خريجنا)

فلله الحمد والمنه فالعلم ليس محصورا بقاعات الجامعات ،، والعلم موجود في كل مكان وزمان

مع تحياتي