ياهاجسي ناخيك ناخيك ناخيك؛؛!!!

[مشعل العتيبي]

برضو للتواصل:)


؛


؛


؛




ياهاجسي ناخيك ناخيك ناخيك=اافزع وجمل نخوت اللي انتخابك
لاصارت الدعوه يماني وبلجيك=ااشعف ذلولك وحتزم في زهابك
وسند على النقاد وعلن تحديك=لين الغشيم يتوب ينقد صوابك
ولاتجمع النقاد خص بمعانيك=فيهم يشرف خص نقده خطابك
واللي بقى ولعبهم من صواليك=خل الفشق من فوقهم في صوابك
حرام تجرحلك شواعير تفديك=ثرى تصير اليا خطيت بجنابك
ياهاجسي لو ينقدك ذاك في ذيك=لاتلتفتله وانت سابك وحابك
لاتلتفتله وانت تبخص مواريك=بين النجوم الشاهقه..ذاك بابك
مايدخله هزل وحشو في غناويك=تنحت صخر جلمود لامن بدابك
شوق الوليف اللي بعاده مسريك=للدر لامنك كتبت بكتابك
ياهاجسي لو شخبطو فيك مافيك=مافيك حيله يوم تقفي اركابك
وياهاجسي لوينقدك في معانيك=خله ايتميلح..عند شروى عذابك
اللي بسنام الشعر..يرطن يناديك=يهز راسه يقول نبغا جوابك
هذا جوابك جاه من دون تشكييك=دامه (صخر جلمود)ينحت صوابك!!


؛



؛



؛


وسلامتكم

[كــــآتــم المـــــعنى]

مشعل العتيبي

الله الله

صح لسانك وبيض الله وجهك

ولا هنت


تحياتي لك

[دمي عتيبي]

صح لسانك

واعتلا شانك

شاعرنا القدير

مشعل العتيبي

قصيده جزله

لاهنت


/


,

[كان موجود]

مايدخله هزل وحشو فـي غناويـك
تنحت صخر جلمود لامن بدابـك

ايوالله جزل دائما ً يامشعل ويعجوزن النقاد ينقدون قصيدك ,,
لله درك ,,
وصح لسانك ,,
اعجابي المستمر ,,

[الذويبي العتيبي]

قصيده رائعه اخوي مشعل

والله يعطيك العافيه

وصح الساااانك

تحيتي وتقديري

[طـربان]

صـح لسـانك يالعتيبي قصيده رائعه وكثر من رائعه

تحياتي لك بلا حدود

[قوت القلوب]

ياسلام عليك
يامشعل
مبدع لأبعد الحدود
صح لساانك ومنطوقك
تقبل مروري