محسن يتغزل ( بـــ" هَيـَا )

[خـالـد البرقـاوي]

أمير شعراء الغزل" محسن الهزاني يتغزل بفتاه تدعى ( هَيـَا )










جريت انا صوت الهوى باحتمالا =في وسط بستـان سقـاه اربـع فـرق


طبيت مع فـرع جديـد الحبـالا =وظهرت مع فرع تناحت بـي البـرق

روشن (هَيـَا) له فرجتينٍ شمـالا =بابٍ مع القبلـه وبـابٍ مـع الشـرق


ومبسم <هيا> له بالظلام اشتعـالا =بين البروق وبيـن مبسـم هيـا فـرق

برقٍ تلالا قلت : عـز الجـلالا =واثره جبين صويحبي واحسبه بـرق!!


ياشبه صفراً طار عنهـا الجـلالا =طويلة المسحوق تنـزح عـن الـورق


له ريقٍ احلى من حليب الجـزالا =واحلى من السكر اليا جا من الشـرق


حنيت انا حنـة هزيـل الجمـالا =ينقل رويِّ الخيل قـَد مسّـه الفـرق


ويا قلتـتن فـي عاليـات الجبـالا =ماها قراحن ميـر مـن دونهـا غـرق


ماعـد للصبيـان فيهـا أحتمـالا =من كود فرقاهـا يديهـم لهـا طـرق


قالوا: تتوب من الهوى ؟ قلت لالا =الا انتتوب رماح (علوى) من الزرق


قالوا: تتوب من الهوى ؟ قلت لالا =إلا أن يتوبون الحناشل عـن السـرق


قالوا: تتوب من الهوى ؟ قلت لالا =إلا أن تتوب الشمس عن مطلع الشرق


أخـذت منهـا حبـّتيـنٍ تـتـلالا =يوم ان نسناس الهـوا تطرقـه طـرق

[رايد المقاطي]

تسلم يمينك علي النقل

[مآجدولين]

تشكرات اخوى