مع تحياتي وتقديري للشاعرالرائع فاروق بن فهد الكسر

[الحصان]

هذه القصيدة رد ٍ على قصيدة الشاعر فاروق بن فهد الكسر المرشدي التي وجهها للشاعرسعدون بن فهد الهرس
وهي على هذا الرابط

http://otaiby.com/vb/showthread.php?p=567524#post567524



مانيب في كل المواقف زهـوفي= لوكان في بعض المواقف طرايف
عسى التعب في مانويت مخلوفي =لوأن قصدي في بعيد النذايف
هاجوس بيطارالمعاني عصوفي =يركب قرينه فوق روس الحتايف
يردني عن بعض الاقوال خوفي=من قول يافاروق بعض الخلايف
ماقول قول ٍ مثل قول الهروفي=قولي صحيح ولاحسيت القـصايف
لاتقتدي بمكثرين الحسوفي=وانته على راس الطويل متهايف
البعد يقرب والصديق معروفي=واللا عدانا جعلهم بالذلايف
وان كان عن خلك حدتك الصدوفي=وحضك عن اللي تل قلبك مسايف
صفيت لك بالجاه عشرة صفوفي=قوم ٍ يخلون الصعايب عسايف
جبت الشيوخ ومرخصين الولوفي= اللي هقاويهم كباروعنايف
لاهل العنود اللي تقود الخشوفي =وأن جات واللا ردها بالنكايف
تلقى العوض مع مكرمين الضيوفي= غيداً تباهي نابيات الردايف
هيم الخواصر لابسات الشنوفي=نجل العيون منسفات الغدايف
من طاع نفسه تطرحه بالجروفي=مالك ومال مفرقين الولايف
يكرم جنابك عن جناب الجلوفي=لاخيرفيهم في جميع الطوايف
يابن فهد قدم المطروالشعوفي= ماينبني بيت ٍ سقوفه سعايف
والمعرفه يالكسرعند العروفي=وانا من الخلان شايف وعايف
يفداك من يوعد ولاهوب يوفي=والسود فال مسودين الصحايف
ماعاد ابه علم ٍ يمر ويطوفي=الله يعين اهل القلوب النضايف

[ابوبتـــال]

الحصان

قصيده جزله ورد وافي

يفداك من يوعد ولاهـوب يوفـي
والسود فال مسودين الصحايـف
ماعاد ابه علـم ٍ يمـر ويطوفـي
الله يعين اهل القلـوب النضايـف

[الفــاروق]

شرفتني طال عمرك يابو فهد بالرد

والشعراء الكبار أمثالك وهم قلة
دائماً التواصل معهم بلغة الشعر فيه فائدة ومكسب كبير


صح لسانك .. وكل التقدير

[حسام هوازن]

صح الله لسانك يالحصان

قصيدة جزلة من شاعر جزال

دمت بخير