انا اشهد ان الهوى يخلف عقول الرجال؟؟؟؟؟؟؟؟

[الذويبي العتيبي]

احبتي بهذا الصرح الغالي

تحيه معطره بالمسك والريحان

اشارككم بهذه الابيات البسيطه ولعلها ترتقي الى ذائقتكم

الكريمه ولمن مر من هنا شكري مقدما
انا اشهد ان الهوى ؟؟؟

انا اشهد ان الهوى يخلف عقول الرجال =والعافيه من صحيح الجسم يغديبها
اقوى مرض في دروس الطب ماله مجال = تشقى به النفس من شدة لواهيبها
ماله دوى غير بالمحبوب كثر الوصال = وصل النفوس المحبه زود في طيبها
يامالك القلب عني لاتشد الرحال = والله لعذر من الدنيا ولا امسي بها
لا تكسب الذنب فيه يابديع الجمال = عقب السعاده تشوف الروح تعذيبها
انا ادري انك تغلا والغلا لايزال = ماشي بدمك وروحك انت داري بها
قدمت لك باليمين وفي خفا عن شمال = معاني الحب والطيبه وترتيبها
كم ليلة فيّْ اثرت الصمت واقوى جدال = نظمت فيك الحروف بكل اساليبها
الناس ترتاح وانا اسهر بعدة ليال = لجل القصيده تليق بمن نهذري بها
عز الله اني معك وافي بكل الخصال = بدّيت روحك واكمل في مطاليبها
جهلت يوم الجهل سوى بقلبي خبال = وجربت والناس تدرس من تجاريبها
وعرفت مافيه شيء في زمنا محال = ونفس عطت طيب ماتلقا مثل طيبها
من يسكب الماء يبيْه يبين فوق الرمال = قاله كثيرين غيري مايمرّي بها
هذي اجابه قليله واترك الكم مجال = باق السواليف يالعشاق مالي بها

:11612_1214555361:

[فهيد مقعد الرويس]

حجز
1
ولي عوده باذن الله

[كان موجود]

مبدع لأبعد حدوووووود الابداااااع ,,

كل حرف في هالقصيده ابداع ,,

لله درك يامبدع ,,

وشكرا لك جزيل الشكر والتقدير ,,

وفي انتظار المزيد ,,


تحيتي وتقديري ..

[الود طبعي]

وانا اشهد ان القصيده رائعه كاتبها شاعر مبدع نتمنى له التوفيق

[الذويبي العتيبي]

اخوي فهيد الرويس

اخوي ماهر النمر

اخوي الود طبعي

تسلمون يا اخواني على تواجدكم

والله يعطيكم العافيه مروركم اسعدني

وتاج على راسي

لكم خالص تقديري وشكري