هاجسي

[الود طبعي]

هاجسي كيف مني مل وابلي سرت
ابدوي في ليالي شاب قافه قهر

لاح براق فكري من معاني طرت
وصد وجه السحايب عن زماني دهر

شاقني عهد ماضي به مشاعر ذرت
بارض لهفة ثراها فاض فل وزهر

كم تذكرت ذكرى شوق مني شرت
اصدق احساس وافي بالسوالف جهر

اسرف الضن قلبي لين عيني قرت
فكر ذاك الرحيل الشين يامر سهر

ضاق صدري حسايف ولا جروحي برت
تنزف جروح شاعر هم كنه نهر

قلت زمزم تزمزم يوم هاجر جرت
بالمكان الطهور اللي نزوره ضهر

وهاجسي من درى لو مل مني درت
المشاعر عروس ودم قلبي مهر

[عادل العصيمي]

ياسلام عليك


صح لسانك


قصيدة رائعة ومعبرة ..


كل التقدير

[فهيد مقعد الرويس]

الود طبعي

صح لسانك

هل هي من نظمك او من نقلك

لاهنت

تقبل اطيب تحيه

[الود طبعي]

عادل صح بدنك يالغالي وتسلم على المرور

[الود طبعي]

الاخ فهيد صح بدنك والقصيده من نظمي ونقلتها من منتدى الطايف الذي اكتب فيه لمنتدى قبيلتي عتيبه والمهم ان القصيده تنال اعجاب الجميع

[نادر النمر]

وهاجسي من درى لو مل مني درت
المشاعر عروس ودم قلبي مهر



اااالله عليك .. وصح لسااانك بلا عدد .. رااائعه جدا ً ..


وتقبل خالص التقدير والاحترام


,,

[الود طبعي]

صح بدنك اخوي نادر
لك من الشكر اصدقه

[قوت القلوب]

الودالطبيعي
صح لسااانك
اخوي
تحياااتي لك

[الود طبعي]

قوت القلوب صح بدنك