.’’.$سلطآآآآآآآآنيات$.’’.

[سلطان بن دحيم العطاوي]

الشعر متنفس الشعراء

مقولة رائعة وجدت لتصف الحقيقه
أنا (( وأعوذ بالله من مقولة أنا)) أجد متنفسي في شعري
أكتبه ليقرأه الناس لأنه يمثلني ويعبر عن شخصيتي..

قلت وسأقول أنه رصيدي في زمن تنوعت الارصده ..

لكن الركيزه الاساسيه في الحياه تبقى هي الاقوى والامتن

,,
تحيتي أنا // سلطان

[سلطان بن دحيم العطاوي]

رجم الغلا اللي طلوعه سبة أهبالي = هاذي ظروفه وهاذيه فعايلها
طالت مراقيه والغالي هو الغالي =أبروق مزنه تعداني واخايلها
والحاجه اللي على بالي على بالي = تبغاني أقولها مانيب قايلها

[سلطان بن دحيم العطاوي]

حتى المكان اللي جمعنا من العام = يستنشق الحب العميق ويضمه
*=*
يعيش في قلبي تماديد واعوام = رغم الصوادف والأمور المهمه
*=*
خذها وعد مني ليا قلت قدام = قلته وفا واللي تسميه سمه
*=*
لأبقى معك وافي على طول الايام = واسقيك من كاس الغلا صفو جمه
*=*
واشتاق لك واجيك لاصرت منظام=شوق الغرير ليا أشتهى ضمة أمه

[سلطان بن دحيم العطاوي]

غيّاب الايام لو مروا = ما للحزن والعتب داعي
وش خلوا الناس وش سووا= والناس ما تعرف أوضاعي

[سلطان بن دحيم العطاوي]

مهما يصير مع الولايف والاحباب = عندي على بعض المواقف مناعه

[سلطان بن دحيم العطاوي]

يالعاشق اللي معك تمييز وأدراك = سلم ترى نصف الموده كرامه
اما تجي طيب وما جاك كفاك = ولا تروح وجعلها بالسلامه
هذا أنا اباك واباك واباك = اسمع ندا قلبي يا غاية مرامه

[سلطان بن دحيم العطاوي]

مهرةٍ كنهـــا من خيل جدي = بس تلبس لها ثوب وعبايه
*=*
*=*
*=*
*=*
وأن رجعت لغلاها المستجدي= عودت ثالث رجولي عصايه

[سلطان بن دحيم العطاوي]

تدرون وش اخر حركات الغرام = شاعر ويعشق له فتاه محجبه

يقرا على نفسه مع الحــب السلام = والاخت ما زالت بشعره معجبه

[سلطان بن دحيم العطاوي]

اللي يشيلون الحمول الثقيلات = يا كثرهم لكن تحت النصايب

[سلطان بن دحيم العطاوي]

يالنادره ما حيّل الوقت راعيه = وانا من الوقت متحيّل وضايع
ادرى هموم القلب واتبع هقاويه = واحدها ما بين سايم وبايع
واللي مضى يا بنت مانيب ناسيه = يا كود ينساني حسين الطبايع
الوافي اللي كلمة الحق ترضيه = لو دونها ناسٍ تسو الفنايع
الصاحب اللي كل ما حل طاريه = فزيت له مجبر ولا نيب طايع
ولا أنت يا مظنون عيني مباريه = بينك وبينه حاجتين وشرايع
تاخذ منه سمو نفسه وتعطيه = الحاجه اللي كلبوها ودايع

[سلطان بن دحيم العطاوي]

وش ضيق البحر غير معاندك يا عنيد = ضيعت موج البحر واتعبت قلبي معاه

[نايف تراحيب]

سلطان بن دحيم العطاوي


يجتمع في هذا المتصفح كلٍ من


الابداع + الذوق + الجزاله

//

سجل متابعتي لك

/


،


نايف العتيبي

[سلطان بن دحيم العطاوي]

نايف العتيبي

شرف كبير متابعتك يالبطل
لا عدمتك يالأمــير..

[سلطان بن دحيم العطاوي]

يسرج البحر من مينا السلامه اخيول=ويتمايل عَوْج عرقه ولا يستقيم
لين ورد الوفا شارف عليه الذبول =واصبح الما من اضرار التعري سقيم
عقبها الصوت من منبر قيامه خجول=ما بغى يجرح المحراب لنه يتيم
انسيابه على كل المسامع يزول=لين ماعاد يعرف له خوي ونديم
صبح الخوف يا قلب الزمان الكسول=وانت لا تعرف البلده ولا لك عظيم
خوفي أنك تغادرها بليا ذلول=وانت عظمك من اسباب المفارق هشيم
حتى نجمة مراسيلك غشاها الافول=واستبدت بها والجو ماهو سليم

[سلطان بن دحيم العطاوي]

تعبت من هجمة الايام واظروفهـا=واللي خذاها الزمن مني ولا عوّضه
وجمال الاصحاب ما توفي بمعروفها=لو انها مقيده لو انهـا مروضـه

[سلطان بن دحيم العطاوي]

قالت وهي فيها من الشك والريب=ما يجعل اشباه المشاعر تخالـف
انته تجي وتروح وتبين وتغيـب=وش فيك يا حضرة جناب الموالف
قلت الموالف عيب والتعتعه عيب=أنا كبير شوي عـن هالسوالـف
قالت بروح شوي واجيك ياذيـب=تاحتريني .؟ قلت أنا ما يخالـف

[سلطان بن دحيم العطاوي]

الصبح نوره سطع والشمس تختال=وأحلآم الأيـام ضاعـت كلبوهـا
نظرة مفاتيحها بأقيـود وأغـلال=وشرهة هدفها على اللي علقوهـا
يا ليتني فالدروب الخرس رحـال=وأخاوي الريح لو مانيب اخوهـا

[سلطان بن دحيم العطاوي]

يا سيّدي وأوضاعنا حرب وأجهاد=مره أطـلاب ومرتيـن نتشابـك
زادت مطالبنا ومعها الغـلا زاد=والشوك ما تلحق عليه المشابك
رحنا ضحية ضحك بأفواه الأولاد=كورة هدف بين الصوامع وسابك

[سلطان بن دحيم العطاوي]

الموت لا جادت الأحداق بالدمعه = وأمست أظروف الزمن تعمل عمايلها
هاذي هي اللي تغير راعي الرمعه = ماعاد يعرف تعامله وتعاملها
حتى ولو الهوى يثّر على الشمعه = ما ينطفي نورها في كف حاملها
ما أغلى من الروح غير الاسم والسمعه =واللابه اللي تمثلني وامثلها



,

[سلطان بن دحيم العطاوي]

كان مالله مجملني على كل حال = بين الاحباب والاصحاب بلقى عذر
دام مالي معا درب الهزيله وصال = حطني مقدي السكه وعشري عشر

[سلطان بن دحيم العطاوي]

يا سيّدي حنا بنيك وبني ناس= كانوا لأبيك الصارم معاونيّه
عشنا فخر للدار وبكل مقياس = نعيش واقعها قضيّه قضيّه
واليوم جونا ربع كآظم وعباس = أهل الضماير والعقول الرديّه
تناتفونا بينهم مثل الأكياس = ما عاد يعطينا الوطن معنويّه
واليوم دون الراس لا ياقع الفاس = ونروح غلطه قبل عيد الضحيّه
هذا وطنا عشقنا , مثل الأنفاس = وحنا اعياله لين حوض المنيّه
عشنا بها والأمر والأمن محتاس = لين اصبحت من فيضها جرهديّه
يأمن بها الخايف ويدله بها العاس = ويترك ثراها كل راعي رديّه
واليوم رغم الخير يا طيّب الساس = ما عاد لأبناء البلد أولويّه
لو زادت الأسعار لا باس لا باس = مهي مصيبه والزياده شويّه
لكن تصير منافس اخماس واسداس = والضرب في روس الضعوف الشقيّه
ونظام ساهر وثق الفاس فالراس = شي علي وش ماهو عليّه
وربع الصوامع وصلونا للأفلاس = بمساومات الضيقه العالميّه
وسابك ومزرعة الدواجن للأتعاس = وهذا مجرد شرح شر البليّه
يا سيدي حنا ترانا بنو ناس = كانوا لأبوك الصارم معاونيّه
نشكي عليك الوضع يا طيّب الساس = والا على الله الكريم الشكيّه

[سلطان بن دحيم العطاوي]

هونك على القلب واعروقه وشريانه
لا عاد تطري الغياب ولا تعذبني

أظروف الايام من غيبتك فرحانه
وغيبتك في كل حاله ما تناسبني

حاسب ضميرك وحاسبني على شانه
ولا على شان غيرك لا تحاسبني

[سلطان بن دحيم العطاوي]

قل للهـدوء اللي تخلل محلامحكـ
ــــــــــ في كل خطـوة للغرام تخطيها

قله بنبرآت الدلع .: ( يالهدوء أحكـ )
ــــــــ كل العلوم اللي ( تبيها / نبيها )

[سلطان بن دحيم العطاوي]

هذا الصباح اللي تخلل محياك
............. لو كان له نجمه ومشرق وثابه

لا يذبح اصحابك ولا يغري أعداك
............... وتصير مجـرم , مطمعٍ للذيابه

[سلطان بن دحيم العطاوي]

كتلة مشاعرك شمس الصبح تقتاتها
......... وشلون شخص يحس أنك وقود الحياه


عآش أمنياته على حبك ولا ماتها
........ وأصبحت في كل أبو الاحوال زاده وماه

[سلطان بن دحيم العطاوي]

خليت داورد واسعى يم طيفـك سعـي
تسبقني أشواق قلبي ( مفطره / صايمه)

بغيت أجيب لكـ( داورد الحبيبه )معـي
لكّن مـا ودي أزعجهـا وهـي نايمـه

[ليزر]

صح لسانك الله يعطيك العافيه

[سلطان بن دحيم العطاوي]

8

الله يعافيك وشكرآ لحضورك

[سلطان بن دحيم العطاوي]

أرعاك يا همٍ { حنيـت } المعاليـق
. . . وأسرفت لين أن [ المعاليق ] باحن

{ عرضتني للموت } مع فكة الريـق
. . . ووديتني [ للحرب ] والحرب طاحن

اخر حزام { من الضلوع } المغاليق
. . . [ شديتهن ] للعزم واوفـن وطاحـن

لو انهن { شالن ثقل } هضبة طويق
. . . لكنهن من [ جور الايـام ] ساحـن

ارعاك لو { ما وثقتـك } المواثيـق
. . . وانعاك [ لامـن ] الحمايـم تلاحـن

وأجيب لك { ما تحتويه } المعاليـق
. . . يجن لامن جيت [ وان رحت ] راحن

[سلطان بن دحيم العطاوي]

مأمون (سر القلب) ما دامت( العين )
,,,
............... ما صرحت بالغالي اللي ( سكنها )..!

[سلطان بن دحيم العطاوي]

تسهر ويحلى شكلها مع سهرهـا=والناس تسهر مثلها ما يزينون..!
واليا تجلى صبحها مـن نحرهـا=قلت السلام وقولوا اللي تقولون..!

[سلطان بن دحيم العطاوي]

اكذب وجامل خل عنك الصراحـه=الناس تجمح بالصراحه على ويش ..!
هذا الزمـان مجاملينـه براحـه=الصدق ما سبّع اعيال الدراويـش..!

[ذيب عرعر]

اجمل الأحاسيس تكمن بالشعر والشعراء
وانت مبدع ورائع وفقك الله