ضيف الله السميري
01-04-2009, 11:40 AM
السلام عليكم ورحمة الله وبركاته
كيبورديه سريعه اتمنى ان تنال الاعجاب
فاتت الاوله واغلقت عنها السموع=وانت عني كلام العذل لا تسمعه
يوم غبت الثلاثا جيت يوم الربوع=والليالي دواير والفصول اربعه
كان عندك ثقه خلك بضرفي قنوع=وجه بيض النوايا ماعليه اقنعه
يوم حبك فناجيلي وقربك قدوع=ليه تنهى قتيل الشوق لا يقدعه
شابع" منك لكن ميت" فيك جوع=وانت كلك على بعضك غذاء وجعه
بنك دمي بصدري فاتح" لك فروع=وانت طايش غرامك عاجز" تفرعه
لو نبض في كياني عرق دم" قطوع=خذ سكاكين هجرك في يدك واقطعه
بس قلبي على حالك لطيف" جزوع=لو تمسك تقاطير الندى تجزعه
بين عيني وعينك للتلاقي سبوع=والعواذل على الغرات مستسبعه
لا تغير طبوعك ياجميل الطبوع=انقش اسمك على اضلاع الغلا واطبعه
اتحرى غروب الشمس واخشى الطلوع=لن شامخ غرامك كل ليل اطلعه
من وفاي لغرامك ماحبست الدموع=وان شرد طيفك المستعصي اشرد معه
كيبورديه سريعه اتمنى ان تنال الاعجاب
فاتت الاوله واغلقت عنها السموع=وانت عني كلام العذل لا تسمعه
يوم غبت الثلاثا جيت يوم الربوع=والليالي دواير والفصول اربعه
كان عندك ثقه خلك بضرفي قنوع=وجه بيض النوايا ماعليه اقنعه
يوم حبك فناجيلي وقربك قدوع=ليه تنهى قتيل الشوق لا يقدعه
شابع" منك لكن ميت" فيك جوع=وانت كلك على بعضك غذاء وجعه
بنك دمي بصدري فاتح" لك فروع=وانت طايش غرامك عاجز" تفرعه
لو نبض في كياني عرق دم" قطوع=خذ سكاكين هجرك في يدك واقطعه
بس قلبي على حالك لطيف" جزوع=لو تمسك تقاطير الندى تجزعه
بين عيني وعينك للتلاقي سبوع=والعواذل على الغرات مستسبعه
لا تغير طبوعك ياجميل الطبوع=انقش اسمك على اضلاع الغلا واطبعه
اتحرى غروب الشمس واخشى الطلوع=لن شامخ غرامك كل ليل اطلعه
من وفاي لغرامك ماحبست الدموع=وان شرد طيفك المستعصي اشرد معه