الحصان
12-31-2008, 11:08 PM
هذه القصيده للشاعر فلاح بن راجح العراك المطيري قالها عندما شاف له بنت ٍ مزيونه عند البقاله ووجه القصيده للشاعر صحن بن قويعان المطيري يشكي عليه يقول فلاح
راكب اللي زاهيٍ لونه مديلـه=واردٍ بأسم الوكيل من الوكالـه
جمس يقطع مجرهد القاع ويله=مشترينه نقد ماهـو بالكفالـه
سايقه لو يسري بظلمه دليلـه=عارفٍ يمة جنوبه من شمالـه
نصه اللي عملته تبغي عميلـه=في جميع المملكه ماش ٍ ريالـه
ياصحن من له رفيق ٍ يشتكي له=والخبر واصلك في بطن الرساله
مل قلـب ٍ فيـه دقـات ٍ تشيلـه=مثل دقت عود عبد الله فضالـه
من سبايب ورعة ٍ جتني طويله=ياصحن وافقتها عنـد البقالـه
صوبت قلبي ولافي اليد حيلـه=والخطيه عندها مثـل الجمالـه
ان تبعناها مع الشارع فشيلـه=وان فعلنا فوقنا حكـم العدالـه
ورد الشاعر صحن بن قويعان
مرحبا وعـداد ماتنشـي المخيلـه=وعـد همـال ٍ تنثـر مـن خيالـه
يوم جانـي خـط كسـاب النفيلـه=كني اللـي شايـف ٍ غالـي عيالـه
حاضر ٍ لرسالتـه لـو هـي ثقيـلـه=مير صارت من فضل ربي سهالـه
ابو راجح عاشق ٍ من غيـر جيلـه=جاه من رده علـى سـن الجهالـه
يافـلاح العشـق مايرحـم قتيلـه=واجد اللي منـه يشكـي ماجرالـه
انشد اللـي شايـف ٍ عدلـه وميلـه=قد عرف عدل الصحيح من العدالـه
وش تبي بالسـوق يوم انـك تجيلـه=من طمـع بالبـوق لايامـن نكالـه
ولاتفيـدك فزعتـي بايـة وسيلـه=دام را عي المال ما ارخص حر ماله
لاتكاثر من خطاء شقـراء جديلـه=قبلـك الهـزان وقتـه ماصفـالـه
حولنـه بالركيـه طــول ليـلـه=وكل فرض ٍ قام يطلـع مـن حبالـه
والهـواء بلشاتـه اكثرمـن قبيلـه=من ضرب سوق الهواء يبلش بحاله
والهواء لي وقت انا داعي سبيلـه=معطي المطنوخ منـي لـه حوالـه
واحمد الله يوم جاء الهاتف حصيله=قد طويت ارشاي وادرجت المحالـه
هذه القصيدة للشاعر / فلاح بن راجح العراك المطيري في محقبة
يا الأمير محقبه ماهي نهابه=أمنع التجار لا تقرب حصاها
ياحمد دربٍ يبونه سد بابه=مانكب محقبه للي بغاها
دونها ربعٍ تنوَّخ للحرابه=غير كل بريه علوى من وراها
من جنوب محقبه كل يهابه=ومن شمال محقبه حنا ذراها
لا بتي يا مطير ما بذَّل ثابه=وين حمران النواظر وومراها
أفزعوا لمحقبه من ها العصابه=الشريع يديرها والظرف جاها
أنتهز له فرصةٍ ما حدٍ درابه=ورسَّم الصمان وأهلها نساها
عام الأول با الخلا توخذ ثيابه=وها السنه يا مطير ديرتكم غزاها
علموا راعي البقر يأخذ حسابه=وش يبي بمحقبه يوم أبتلاها
ما قرأ تاريخها حضرة جنابه=كم جموعٍ عندها سالت أدماها
من كفوف مطير مشبعت الذيابه=في نهارٍ ترمي العذراء نماها
والردي يا لابتي وش ينبغابه=مافزع ومحقبه يوحي رغاها
يوم خلى ما قفه والذل صابه=قاموا اللي وصلوها منتهاها
عشرةٌ مجهودهم كلٍ حكابه=من شيوخ أبريه ملحقت أرَّدفاها
وعن جميع مطير قاموا بالنيابه=لين خاضوا جمها وأرتج ماها
والفرج نرجيه وردود الإجابه=يوم ابو فيصل براقينا قراها
وأمركم يا سيدي كل رضابه=يا ذرى كل الجزيرة وقصراها
بعد قصيدة ( محقبة ) تحدث بعض شعراء مطير على فلاح العراك بخصه فرع ( بريه ) بالمدح وعاتبه الشاعر فهد بن جبرين على ذلك لأعتقاد أبن جبرين أن فلاح العراك فقط يعدد فعول ( فرع بريه ) من مطير وقد رد عليه العراك بهذه القصيدة , مذكرا أياه بأن علوى معروفة ومهابة الجانب وفيها من القصائد الكثير وعدد الشاعر العراك مفاخر علوى من مطير وبطولاتهم
يافهد ضيعت عنوان الكتابه=يوم فاتك راسها رحت القفاها
عام الأول بعت علوى فى شبابه=وها السنة قرّبتك منطلق وكاها
يابو مزيد خل قولك فى جرابه=وشد حبل عنانها وأقصرأخطاها
الفخر بالطيبة من كل بابه=والردية من يدورها لقاها
يافهد مانشت علوى بالسبابه=نعم فى شيخان علوى وعقّدها
والدويش اللي يذري من لجابه=حام ٍ الصمان والشّرف أحتماها
يوم أبو حنّوف يقّضب مع أنصابه=والأصايل راعي الكير أيحذاها
فوق بنت كروش زيزوم الحرابه=وغب كونه تغتني فيه أفقراها
والعدو شيوخ علوى هم عذابه=ولو أقول المدح كله ماكفاها
يافهد ماهو بعيب ولا عيابه=أن مدحت أبرية نطاحت أعداها
والبريهي مايجي وسط الدبابه=يلّحق الفاطرأليا حنت هواها
طرشنا الحد الشمالي قد رعابه=والحنيه قد رعاها ثم رعاها
ومعجزات أفعولنا كل ٍ درابه=ودي أذّكر فهد كانه نساها
يوم كون العاذرية وش جرابه=يوم شبت في شرى الباطن لظاها
وجاء نهار ٍ يرحم الله من غدابه=يوم تكسيرالمواتر بمعداها
ذاك مات وذاك يشكي من صوابه=وأم سالم يجبر المولى عزاها
ويوم زل الكون لحق ٍ من غبابه=طايرات ٍ من ركب فيها قداها
وأمطرت من فوقنا مثل السحابه=ثم رموها لابتي والله رماها
وكون ماجد يم فلجا يندعا به=ونعم بالصعران يوم أنه نخاها
ضربهم بالراس من حد العصابه=والمواتركسروها في نباها
وأحرقوا عباس يوم الله دعابه=صاب كبدة نطح مخباط ٍ فراها
ويوم مشذوبه يشيب به شبابه=ونطحت البيرق عوايدنا تراها
كم شجاع ٍ مات ماكمل زهابه=وسابقه راحت توطا فى شواها
وأحتمينا العشر من بيرق ولابه=وهقوت اللي فوقهن محد ٍ هقاها
وقالوا الشقران صبيان الحزابه=مانرد ركابنا عند إمنعاها
وماذكرته طيّب العقل أكتفابه=يوم أقول محقبه حنا ذراها
يافهد ترى الخطا محد ٍ رضابه=مير خل أقبورها فوق أشهداها
وأن بغيت الصلح قلنا مرحبا به=وأن عصيت أبريه وصلوك أشعراها
قٌصيدة قالها الشاعر فلاح العراك الهاملي في الصمان مراتع مطير ومجارات للشاعر ناصر بن عبيد ابو حواس
انـا يـوم اديـر الجيب واشـيـل غـرضـانـي=علـى نـو مـاامشـي عجل مانـي علـى راضه
وابـا ادوج بـالصـمـان كـان اللـه احيـانـي=وابـا اظـهـرعلـى صلـب المشاليف وفيـاضـه
مـنـازل مطيـر اللـي يـفـكـون الاضعـانـي=ومـراتـع دبـشـهـم فــي ربيعـه ومقيـاضـه
لـعــل الـحـيـا يـسقيـه قـدام الاوطـانــي=وعلـيـه الـبـروق مــن اول الـوسم نـواضـه
لعـلـه مــن الـبـاطـن لـيـا جـو ساقـانـي=يــزل الشهـر والسـيـل مـانـش بـريـاضـه
زمــان مـضــى مــااحـد يطبـه بلا عـانـي =يــوم أن الـبـنــادق لاشقـر المـاص لفـاضـه
حـمــاه الـدويـش اللـي يـنـوخ للاكـوانـي=زعيـم لـيـا ثـور عجـاج الـرمـك خـاضـه
هـاك الحيـن يـوم الخيـل تقضب بـالارسـانـي=حمـى الشـرف والصمـان فيصل بمـركـاضـه
وكـسـر لـه جـمـوع ٍ جمعت عقـب سلطـانـي=وحمـى العطفـه اللـي لاشقـر الـراس نقـاضـه
ونـهـار الصبـاح اللـي غـدى فيـه عبطـانـي=غـزتـنـا البيـارق وانكفـت غصب فضـاضـه
حشـرهـا رصـاص مطيـرخطـلان الايمـانـي=ومـشـو لابتـي والمـوت وردوا علـى حياضـه
هــاك اليـوم يشبـع مـن لبـن كـل جيعـانـي=واهـل الفـوز حنـا واكثـر النـاس مغتـاضـه
لـنــا معـجـزات ٍ عنـد روغـات الاذهـانـي=وعـوايـد فـعـول مطيـر للـراس نهـاضـه
تـرى بـالقصيـده مـالـنـا مقـصـد ٍ ثـانـي=هـدفـنـا شـواعيــر للاشـعـار خـواضـه
وانــا مــا تعـرض حـذف نـاس تعـدانـي=وعلـى مـن ينـوش حـدودنـا لـي تعـراضـه
وانـاهاضنـي مـاقـال ابـوزيـد وارضـانـي=كـلام لابـوحـواس لـو يسـمـعـه هـاضـه
وابــا افـزع لابـو حـواس قـدام ينخـانـي=وعليه تـرى الفـزعـه مثل حـج الا فـراضـه
هذي قصيده قالها الشاعر فلاح بن راجح العراك المطيري يعبر فيها عن اشتياقه للماضي ولمواطن مطير
كريم يا برقن سرى كل ليله=سحبه تقافت والرعود اقتفتها
يا بو سعد لعل برقن نخيله=يسقي ارواق محقبه وارجبتها
يسقي هذا ليل الصفي والدعيله=يسقي الفياظ الطامنه من تحتها
وليا اختلط نوار عشبه وسيله=شبعت به الفاطر ماهي بنعجتها
ما امرحت يالعواي بالقصر ليله=شديت واكلتوا طرات ازهوتها
ولابد لك يم الشعيب اتحويله=النفس تتبع شفها وشهوتها
قد ذقت طرد مفاختات الجميله=خشوفن شخاتيت الشعيب ادهلتها
هذي تصوبها وذيك تحبيله=مضربك بين ظلوعها وكوعتها
ابيك تمشي بالرسوم المحيله=منازل ٍ لمطير قد انزلتها
وتشوف كم يرعا بها من قبيله=اهل حماة وحمص كيف اعرفتها
الصلب يالعواي واعز تيله=ترعاه ناس ٍ ما عرفنا لغتها
عقب الطياح اللي من اول يميله=اليوم دقته الغنم بعسمتها
ليا شاف وجه المعرفه يشتكيله=يشكي وينخا مطير في تاليتها
يالصلب ما بيدينا اليوم حيله=ازبن على الي كل نجد احتمتها
على السعود اللي تنجي دخيله=كل اليدين الطايلات اقصرتها
لو الزناد ينوش راس الفتيله=راحو طقق وهل الشطوط اعبرتها
من اول الصمان محد ٍ يجيله=مطير حمران النواظر حمتها
من جالها شقر المشوط انعبيله=كم جمعتن شقر المشوط اكلتها
وان صاح صياح الضحي بالطويله=تلافتت شيابها لجهلتها
وركبو على سرد المهار الاصيله=وتعايلت والابل زمت طارفتها
ولحقو هل الابل مقحمين الدبيلـه=ارخاص العمار دروعها لابستهـا
وحالو عليهـم والمحاجـي قليلـه=مطير لحقـت والـذرع حذفتهـا
تحاولـو عنـد الشنـاح الطويلـه=وضحن زهاها خيطهـا برقبتهـا
وراحت شرايدهـم لهلهـم ذليلـه=تشفقت عقـب الطمـع عافيتهـا
ومن طاح منهم مالقي من يشيلـه=والخيل مرجن طايحيـن اركبتهـا
وهذي عوايدنـا نهـار الوهيلـه=لاضيعـت حيرانهـا وفختتـهـا
كان الشاعران الكبيران فلاح العراك المطيري والشاعر صحن بن قويعان المطيري منومين في مستشفى قاعدة حفر الباطن .. فقد قال الشاعر فلاح قصيدة يصف حاله حيث يقول مسنداً على الشاعر صحن:
يا صحـن عقـب الفيـاض ومنازلهـا= نازلن في غرفـةٍ طـول مترينـي
ورجلـك اليمنـى الرماتيـز عاقلـهـا= عقـب طـردك للبنـات المزاينـي
غافـل الدنـيـا تصـيـده حبايلـهـا= ما قضب رجيلك عـود لرجلينـي
يـوم شربـت كـل عـيـن ٍ بلايلـهـا= يا صحن في غرفتي ما مرحت عيني
رب عـجـل بالـفـرج لا تطولـهـا=واشفنا يا خلـق آدم مـن الطينـي
أجلـنـا عـنـدك والأرزاق كافلـهـا=والطبيب أدواه مـا هـو بمحيينـي
وقد أجابه الشاعر صحن بن قويعان بالأبيات الآتية
يا فلاح أنـس الحيـاه و مشاكلهـا= معك أمانه خلنـي لا تجزينـي
المنـازل ذيـك مانـي بجاهلـهـا=ذقت فيها زين الأيـام والشينـي
وضيقتك ليـه أسبـوع متحملهـا=مير كاميها ما با الناس توحيني
نرغـب الدنيـا وهـاذي فعايلهـا=ما عمر فيها دمر كـود ثنتينـي
صدقة ٍ تجـري وباكـر تحصلهـا= وصالح ٍ يطلب من الله لك الزيني
مـن عطـاه الله لـه أيـام كملهـا=اطلب الله يوم نصب الموازينـي
يوم تـدري كـل نفـس ٍ بحاصلهـا= تشخص الأبصار والدرب دربيني
من المعلوم ان شــمال المملكة العربية السـعودية يتنقل بها العديد ممن لا يحمل الجنســية السـعودية ومن القبائل التي تقطن المملكة والعراق وســوريا والاردن ,
مما حدا بالمملكة الى ارســال لجنة لتعمل على تسـجيل البدون واعطائهم بطاقات .وقبيلة مطير العريقة تســكن تلك المنطقة شــمال شـرق المملكة والكويت ومرت اللجنة بمضاربها ,وكان القائمون على اللجنة لا يفرقون بين القبائل ومن كان له دور بارز في تكوين المملكة مثل مطير ومن لم يكن له
فقام شـاعرنا فلاح العراك وكتب هذه القصيدة مســتنكرا مجـرد ســؤال اللجنة قبيلة مطير وتســجيل اســماءابنائها لما لهم من دور بارز في توحيد المملكة , وقدمها لوزير الداخلية اللذي باشـر بمنع اللجنة من سؤال قبيلة مثل قبيلة مطيــر العريقة وســجلها يحفظ لها شــرفها
وإليك القصيده
ابشــروا يامطيــر في بشـــرا جـديــده=لجنـة التفتيــش بالكشــــف كتبتنــــا
اصبــروا باكـــر ويطلع بالجـــريــده =ان مثـــل النــازحين معــــاملتنـــا
حطـــوا اللي جــاهـدوا دون العقيــده=مثــل نــاس توها قبــل امــس جتنـــا
لجنــة قامـت تســـوي مــا تريــده =مــا قــرت تاريخنـــا والا نســــتنا
ليتها تــدري حكومتنـــا الرشـــيده =لا نصيـــر اجنـاب ما دارت ســــنتنا
ليــت ابو فيصـــل درى والا عضيـــده =الحــــرار اللي مخـــالبها حــمتنــا
يا فهــد يا راعي الأريــاء الســـديـده =يا ذرى كــل الخليـــج ومملكتنـــا
ســـيدي عنّـــا تــرى الشـــكّه بعيــده =كـان هاللجـــنه بشـــي متهمتنـــــا
خــابــر ٍ لمطيــر وقفـــات عـــديـــده =ولو مــواقفنــا رديـــات ٍ ســــــكتنا
والرجــل من حــاجته يذكــر رصيـــده =وللرصيــد اللي ينومســـنا التفتنـــا
يــوم تحّتـــك الحــديده بالحـــديــده =ما بقــى في نجــد نــار ٍ ما كلتنـــا
يــوم حــرب الفــوضى الله لا يعيـــده =شـــايف ٍ صقــر الجــزيــره مرجــلتنا
كـم نهار ٍ ما نحســـب النــا شـــريده =في ســبيل الله دون ام ٍ غــذتنـــا
وكـم فقدنا من ذلــول ومن وليــده =بالمغــازي والقبــايل خــابرتنـــا
حدر بيــرق راعي اليمنـى المجيــده =يــوم ابو تــركي مناديبــه دعــتنا
اشـــقر ٍ حــّول بقصــر الحكــم ســـيده =ورجعــه بالســـيف مـن نــاس غــزتنـا
حـالــف ٍ عبــدالعــزيــز ليســــتعيده =وطقتــه في راس عجـــــلان اجمعتنـــا
وكسّـــرة الشـــلفا على بابه شــــهيده =كــل ما منا نســـينا ذكّــــرتنـــا
وجــت عواقبها على المســـلم حميــــده =واهــتدينا يــوم دولتنــا هـــدتنـــا
قبل ما تمشـــي بديـــده مـع بديـــده =وطلعتـــه صقــر الجــزيره وحــدتنـــا
والســــــلام اهـــديه خـــاتمة القصيـده =للملك واخـــوانه اللي حــــاكمتنـــا
وهذه للشاعر فلاح بن راجح العـــراك موجهها للشاعر سحلي بن سعدالعواي
يا بو سعد نهـار تمشـي مشينـا=فوق الجموس مظولعات المواطي
حمـر ٍ نقلبهـن علـى مشتهينـا=غادي لهن مع كل جو شعاطـي
دجنا على الصلب الحمر ثم لقينـا=منـازل ٍ فيهـا حديـد وقواطـي
من عالماً من كـل فـج ٍ تجينـا=جونا على ريح الدسم والشياطـي
حنا بأهل شـط الفـرات أبتلينـا= الرمث راح الطق لحق الأراطي
لو أنها في كيفنـا مـا رضينـا=حـرام ياصمانـا مـا يهـاطـي
لنمشي وعجلات الفرج في أيدينا=وناخذ من الماص الجديد أحتياطي
وليـا تبايعنـا العمـار وشرينـاا=للي بقى عن ديرتة مـا يخاطـي
يادار ما ننسـى حقوقـك علينـا=من أول ٍ من جاك يوخذ قلاطـي
واليوم يدار أسمحـي وأعذرينـا=حنـا مجوَّدنـا قـوي الرباطـي
وهذا ردالشاعر سحلي بن سعد العــواي المطيري رحمه الله تعالى على العراك
حسبي على العـراك ذكـر علينـا=وأنا معرف الخربطـه والغلاطـي
هـذا شـيٍ شايفـه لـي سنيـنـا=لا تذكـر الغافـل ترايـا حباطـي
لـو ماقرينـا يامغـفـل دريـنـا=عما تبي مش الخشـوم بحماطـي
من عقب ابو بندر قضت وأنتهينـا=معاد بـه يـوم ٍ تعـرق الأباطـي
تحـمـدالله لا تطـيـع اللعيـنـا=اللي حصل لك شبعـت ٍ وأمغاطـي
يا الله على درب الرسـول تهدينـا=ويسترعلينـا لا يطيـر البساطـي
وأن طار يا العراك رحنـا وجينـا=وفقدت سوق الباميـه والبطاطـي
ويامـا تبايعنـا العمـار وشرينـا=وياما حمينـا دارنـا مـا تهاطـي
والـدار مبلـيـه وحـنـا بليَّـنـا=والأمر كايد من وراء الغاط غاطي
فزعل الشاعر الكبير فلاح العراك من القصيد لأن فيها الفاظ مثل
(المغفل , الخربطه والغلاطي، افخت سوق الباميه والبطاطي ) وللمعلوميه ان هناك قصايد للعراك وسحلي فيها الفاظ مضحكة جدا من الطرفين لكن العراك رد ايضاً على سحلي فقال
يابو سعـد نـوك علـى مانوينـا=وقّع على روس الهدف والنقاطي
اللّي تبـا تاطـا لراسـه وطينـا=لوّكان تاطا اللي بجلده رقاطي
يابو سعـد مانـي مـن الغافلينـا=أعرف ماحدر الثرى والبلاطـي
ماني بمصريً ٍ من فلا ليـح سينـا=اللي يحطون البصل والطماطـي
ظهور السواني عزوتـي بينينـا=زبن العديم اليـا اقبلت بـه تواطـي
لاصاح صيّاح الضحى واعتزينـا=قباً نصعطها الأعنّـه اصعاطـي
تفرح بنـا خلجـاً تجـر الحنينـا=اليااعتزى في عزوته كل صاطي
حنّـا اليـا منـا وردنـا روينـا=واحبالنا جبـرات سيـم ومقاطـي
وترى الرجـال تقولـه الاولينـا=حصن ٍ مناكيـر ٍ وخيـل معاطـي
الشاعر صحن بن قويعان المطيري في أحدى الديوانيات وقال الشاعر سحلي العواي كلمة يمازح فيها صحن وأخذ صحن في خاطرة ولم يبين ذلك وهي تعطينا فكرة عن مدى الكلمة يلقيها الصديق لايهتم بها من اجل اضحاك الغير او لآي سبب وذلك على حساب صديقة وتعطينا فكرة عن الصفح والعفو والعتب بين الأصدقاء فيقول سحلي معتذراً
ياصحن جاني خبر واثر علية=يوم جاني منك ضاقت بي ثيابي
حالف لك دين ماعندي خفية=كلمة ٍ ماخذت للغبرا أحسابي
أمنن من جانبك مية بمية=وعقب هذا ماتسير بك الجلابي
احسب ٍ الطلع والشوفة مدية=وخنتني يشوق مجلي العذابي
كل عمري فات ماقلت الردية=السموحة منك ياهيف المرابي
وكان مال العذر عندك قابلية=الله اقوى عنك يصغن الركابي
باغً اعلم محمد بالقضية=والتجيبة كان بالحكم انقلابي
( يقصد بمحمد الشاعرالكبيرمحمد بن خلف الخس يريدة أن يتوسط بينهم )
وهذارد الشاعر صحن بن قويعان على العواي
كلمتك يابو سعد جتني خطية=منك ما تاجب علي ولاتجابي
وسط ناس ٍ مالها الا ظاهرية=يحسبون المخطية فينا صوابي
أنت راع المخطية والحق لية=مير من حشمتك طوفت الجوابي
الصديق يحسني بدنات شية=والبغيض ان طاب والا بالترابي
لبغا يمهل من المصراع لية=زدتلة خمسة عشر لية وتابي
ورفقتي مع طيب الرفقة قوية=اكرمه واحما قفاة ان كان غابي
والرفيق اللي يحس السامعية=رفقتة ماتندخل مع كل بابي
كان كل كود يطعن في خوية=من ركاب عقيل وش طب المخابي
الخيار بيدك ياحامي الونية=والطريق اللي يدل الخير غابي
خذ يمين الشرع مني مقعدية=ان ماعندي ميول ولا نقلابي
شف سنام الضلع جنب عن طمية=الزعل شال الهضاب من الهضابي
راكب اللي زاهيٍ لونه مديلـه=واردٍ بأسم الوكيل من الوكالـه
جمس يقطع مجرهد القاع ويله=مشترينه نقد ماهـو بالكفالـه
سايقه لو يسري بظلمه دليلـه=عارفٍ يمة جنوبه من شمالـه
نصه اللي عملته تبغي عميلـه=في جميع المملكه ماش ٍ ريالـه
ياصحن من له رفيق ٍ يشتكي له=والخبر واصلك في بطن الرساله
مل قلـب ٍ فيـه دقـات ٍ تشيلـه=مثل دقت عود عبد الله فضالـه
من سبايب ورعة ٍ جتني طويله=ياصحن وافقتها عنـد البقالـه
صوبت قلبي ولافي اليد حيلـه=والخطيه عندها مثـل الجمالـه
ان تبعناها مع الشارع فشيلـه=وان فعلنا فوقنا حكـم العدالـه
ورد الشاعر صحن بن قويعان
مرحبا وعـداد ماتنشـي المخيلـه=وعـد همـال ٍ تنثـر مـن خيالـه
يوم جانـي خـط كسـاب النفيلـه=كني اللـي شايـف ٍ غالـي عيالـه
حاضر ٍ لرسالتـه لـو هـي ثقيـلـه=مير صارت من فضل ربي سهالـه
ابو راجح عاشق ٍ من غيـر جيلـه=جاه من رده علـى سـن الجهالـه
يافـلاح العشـق مايرحـم قتيلـه=واجد اللي منـه يشكـي ماجرالـه
انشد اللـي شايـف ٍ عدلـه وميلـه=قد عرف عدل الصحيح من العدالـه
وش تبي بالسـوق يوم انـك تجيلـه=من طمـع بالبـوق لايامـن نكالـه
ولاتفيـدك فزعتـي بايـة وسيلـه=دام را عي المال ما ارخص حر ماله
لاتكاثر من خطاء شقـراء جديلـه=قبلـك الهـزان وقتـه ماصفـالـه
حولنـه بالركيـه طــول ليـلـه=وكل فرض ٍ قام يطلـع مـن حبالـه
والهـواء بلشاتـه اكثرمـن قبيلـه=من ضرب سوق الهواء يبلش بحاله
والهواء لي وقت انا داعي سبيلـه=معطي المطنوخ منـي لـه حوالـه
واحمد الله يوم جاء الهاتف حصيله=قد طويت ارشاي وادرجت المحالـه
هذه القصيدة للشاعر / فلاح بن راجح العراك المطيري في محقبة
يا الأمير محقبه ماهي نهابه=أمنع التجار لا تقرب حصاها
ياحمد دربٍ يبونه سد بابه=مانكب محقبه للي بغاها
دونها ربعٍ تنوَّخ للحرابه=غير كل بريه علوى من وراها
من جنوب محقبه كل يهابه=ومن شمال محقبه حنا ذراها
لا بتي يا مطير ما بذَّل ثابه=وين حمران النواظر وومراها
أفزعوا لمحقبه من ها العصابه=الشريع يديرها والظرف جاها
أنتهز له فرصةٍ ما حدٍ درابه=ورسَّم الصمان وأهلها نساها
عام الأول با الخلا توخذ ثيابه=وها السنه يا مطير ديرتكم غزاها
علموا راعي البقر يأخذ حسابه=وش يبي بمحقبه يوم أبتلاها
ما قرأ تاريخها حضرة جنابه=كم جموعٍ عندها سالت أدماها
من كفوف مطير مشبعت الذيابه=في نهارٍ ترمي العذراء نماها
والردي يا لابتي وش ينبغابه=مافزع ومحقبه يوحي رغاها
يوم خلى ما قفه والذل صابه=قاموا اللي وصلوها منتهاها
عشرةٌ مجهودهم كلٍ حكابه=من شيوخ أبريه ملحقت أرَّدفاها
وعن جميع مطير قاموا بالنيابه=لين خاضوا جمها وأرتج ماها
والفرج نرجيه وردود الإجابه=يوم ابو فيصل براقينا قراها
وأمركم يا سيدي كل رضابه=يا ذرى كل الجزيرة وقصراها
بعد قصيدة ( محقبة ) تحدث بعض شعراء مطير على فلاح العراك بخصه فرع ( بريه ) بالمدح وعاتبه الشاعر فهد بن جبرين على ذلك لأعتقاد أبن جبرين أن فلاح العراك فقط يعدد فعول ( فرع بريه ) من مطير وقد رد عليه العراك بهذه القصيدة , مذكرا أياه بأن علوى معروفة ومهابة الجانب وفيها من القصائد الكثير وعدد الشاعر العراك مفاخر علوى من مطير وبطولاتهم
يافهد ضيعت عنوان الكتابه=يوم فاتك راسها رحت القفاها
عام الأول بعت علوى فى شبابه=وها السنة قرّبتك منطلق وكاها
يابو مزيد خل قولك فى جرابه=وشد حبل عنانها وأقصرأخطاها
الفخر بالطيبة من كل بابه=والردية من يدورها لقاها
يافهد مانشت علوى بالسبابه=نعم فى شيخان علوى وعقّدها
والدويش اللي يذري من لجابه=حام ٍ الصمان والشّرف أحتماها
يوم أبو حنّوف يقّضب مع أنصابه=والأصايل راعي الكير أيحذاها
فوق بنت كروش زيزوم الحرابه=وغب كونه تغتني فيه أفقراها
والعدو شيوخ علوى هم عذابه=ولو أقول المدح كله ماكفاها
يافهد ماهو بعيب ولا عيابه=أن مدحت أبرية نطاحت أعداها
والبريهي مايجي وسط الدبابه=يلّحق الفاطرأليا حنت هواها
طرشنا الحد الشمالي قد رعابه=والحنيه قد رعاها ثم رعاها
ومعجزات أفعولنا كل ٍ درابه=ودي أذّكر فهد كانه نساها
يوم كون العاذرية وش جرابه=يوم شبت في شرى الباطن لظاها
وجاء نهار ٍ يرحم الله من غدابه=يوم تكسيرالمواتر بمعداها
ذاك مات وذاك يشكي من صوابه=وأم سالم يجبر المولى عزاها
ويوم زل الكون لحق ٍ من غبابه=طايرات ٍ من ركب فيها قداها
وأمطرت من فوقنا مثل السحابه=ثم رموها لابتي والله رماها
وكون ماجد يم فلجا يندعا به=ونعم بالصعران يوم أنه نخاها
ضربهم بالراس من حد العصابه=والمواتركسروها في نباها
وأحرقوا عباس يوم الله دعابه=صاب كبدة نطح مخباط ٍ فراها
ويوم مشذوبه يشيب به شبابه=ونطحت البيرق عوايدنا تراها
كم شجاع ٍ مات ماكمل زهابه=وسابقه راحت توطا فى شواها
وأحتمينا العشر من بيرق ولابه=وهقوت اللي فوقهن محد ٍ هقاها
وقالوا الشقران صبيان الحزابه=مانرد ركابنا عند إمنعاها
وماذكرته طيّب العقل أكتفابه=يوم أقول محقبه حنا ذراها
يافهد ترى الخطا محد ٍ رضابه=مير خل أقبورها فوق أشهداها
وأن بغيت الصلح قلنا مرحبا به=وأن عصيت أبريه وصلوك أشعراها
قٌصيدة قالها الشاعر فلاح العراك الهاملي في الصمان مراتع مطير ومجارات للشاعر ناصر بن عبيد ابو حواس
انـا يـوم اديـر الجيب واشـيـل غـرضـانـي=علـى نـو مـاامشـي عجل مانـي علـى راضه
وابـا ادوج بـالصـمـان كـان اللـه احيـانـي=وابـا اظـهـرعلـى صلـب المشاليف وفيـاضـه
مـنـازل مطيـر اللـي يـفـكـون الاضعـانـي=ومـراتـع دبـشـهـم فــي ربيعـه ومقيـاضـه
لـعــل الـحـيـا يـسقيـه قـدام الاوطـانــي=وعلـيـه الـبـروق مــن اول الـوسم نـواضـه
لعـلـه مــن الـبـاطـن لـيـا جـو ساقـانـي=يــزل الشهـر والسـيـل مـانـش بـريـاضـه
زمــان مـضــى مــااحـد يطبـه بلا عـانـي =يــوم أن الـبـنــادق لاشقـر المـاص لفـاضـه
حـمــاه الـدويـش اللـي يـنـوخ للاكـوانـي=زعيـم لـيـا ثـور عجـاج الـرمـك خـاضـه
هـاك الحيـن يـوم الخيـل تقضب بـالارسـانـي=حمـى الشـرف والصمـان فيصل بمـركـاضـه
وكـسـر لـه جـمـوع ٍ جمعت عقـب سلطـانـي=وحمـى العطفـه اللـي لاشقـر الـراس نقـاضـه
ونـهـار الصبـاح اللـي غـدى فيـه عبطـانـي=غـزتـنـا البيـارق وانكفـت غصب فضـاضـه
حشـرهـا رصـاص مطيـرخطـلان الايمـانـي=ومـشـو لابتـي والمـوت وردوا علـى حياضـه
هــاك اليـوم يشبـع مـن لبـن كـل جيعـانـي=واهـل الفـوز حنـا واكثـر النـاس مغتـاضـه
لـنــا معـجـزات ٍ عنـد روغـات الاذهـانـي=وعـوايـد فـعـول مطيـر للـراس نهـاضـه
تـرى بـالقصيـده مـالـنـا مقـصـد ٍ ثـانـي=هـدفـنـا شـواعيــر للاشـعـار خـواضـه
وانــا مــا تعـرض حـذف نـاس تعـدانـي=وعلـى مـن ينـوش حـدودنـا لـي تعـراضـه
وانـاهاضنـي مـاقـال ابـوزيـد وارضـانـي=كـلام لابـوحـواس لـو يسـمـعـه هـاضـه
وابــا افـزع لابـو حـواس قـدام ينخـانـي=وعليه تـرى الفـزعـه مثل حـج الا فـراضـه
هذي قصيده قالها الشاعر فلاح بن راجح العراك المطيري يعبر فيها عن اشتياقه للماضي ولمواطن مطير
كريم يا برقن سرى كل ليله=سحبه تقافت والرعود اقتفتها
يا بو سعد لعل برقن نخيله=يسقي ارواق محقبه وارجبتها
يسقي هذا ليل الصفي والدعيله=يسقي الفياظ الطامنه من تحتها
وليا اختلط نوار عشبه وسيله=شبعت به الفاطر ماهي بنعجتها
ما امرحت يالعواي بالقصر ليله=شديت واكلتوا طرات ازهوتها
ولابد لك يم الشعيب اتحويله=النفس تتبع شفها وشهوتها
قد ذقت طرد مفاختات الجميله=خشوفن شخاتيت الشعيب ادهلتها
هذي تصوبها وذيك تحبيله=مضربك بين ظلوعها وكوعتها
ابيك تمشي بالرسوم المحيله=منازل ٍ لمطير قد انزلتها
وتشوف كم يرعا بها من قبيله=اهل حماة وحمص كيف اعرفتها
الصلب يالعواي واعز تيله=ترعاه ناس ٍ ما عرفنا لغتها
عقب الطياح اللي من اول يميله=اليوم دقته الغنم بعسمتها
ليا شاف وجه المعرفه يشتكيله=يشكي وينخا مطير في تاليتها
يالصلب ما بيدينا اليوم حيله=ازبن على الي كل نجد احتمتها
على السعود اللي تنجي دخيله=كل اليدين الطايلات اقصرتها
لو الزناد ينوش راس الفتيله=راحو طقق وهل الشطوط اعبرتها
من اول الصمان محد ٍ يجيله=مطير حمران النواظر حمتها
من جالها شقر المشوط انعبيله=كم جمعتن شقر المشوط اكلتها
وان صاح صياح الضحي بالطويله=تلافتت شيابها لجهلتها
وركبو على سرد المهار الاصيله=وتعايلت والابل زمت طارفتها
ولحقو هل الابل مقحمين الدبيلـه=ارخاص العمار دروعها لابستهـا
وحالو عليهـم والمحاجـي قليلـه=مطير لحقـت والـذرع حذفتهـا
تحاولـو عنـد الشنـاح الطويلـه=وضحن زهاها خيطهـا برقبتهـا
وراحت شرايدهـم لهلهـم ذليلـه=تشفقت عقـب الطمـع عافيتهـا
ومن طاح منهم مالقي من يشيلـه=والخيل مرجن طايحيـن اركبتهـا
وهذي عوايدنـا نهـار الوهيلـه=لاضيعـت حيرانهـا وفختتـهـا
كان الشاعران الكبيران فلاح العراك المطيري والشاعر صحن بن قويعان المطيري منومين في مستشفى قاعدة حفر الباطن .. فقد قال الشاعر فلاح قصيدة يصف حاله حيث يقول مسنداً على الشاعر صحن:
يا صحـن عقـب الفيـاض ومنازلهـا= نازلن في غرفـةٍ طـول مترينـي
ورجلـك اليمنـى الرماتيـز عاقلـهـا= عقـب طـردك للبنـات المزاينـي
غافـل الدنـيـا تصـيـده حبايلـهـا= ما قضب رجيلك عـود لرجلينـي
يـوم شربـت كـل عـيـن ٍ بلايلـهـا= يا صحن في غرفتي ما مرحت عيني
رب عـجـل بالـفـرج لا تطولـهـا=واشفنا يا خلـق آدم مـن الطينـي
أجلـنـا عـنـدك والأرزاق كافلـهـا=والطبيب أدواه مـا هـو بمحيينـي
وقد أجابه الشاعر صحن بن قويعان بالأبيات الآتية
يا فلاح أنـس الحيـاه و مشاكلهـا= معك أمانه خلنـي لا تجزينـي
المنـازل ذيـك مانـي بجاهلـهـا=ذقت فيها زين الأيـام والشينـي
وضيقتك ليـه أسبـوع متحملهـا=مير كاميها ما با الناس توحيني
نرغـب الدنيـا وهـاذي فعايلهـا=ما عمر فيها دمر كـود ثنتينـي
صدقة ٍ تجـري وباكـر تحصلهـا= وصالح ٍ يطلب من الله لك الزيني
مـن عطـاه الله لـه أيـام كملهـا=اطلب الله يوم نصب الموازينـي
يوم تـدري كـل نفـس ٍ بحاصلهـا= تشخص الأبصار والدرب دربيني
من المعلوم ان شــمال المملكة العربية السـعودية يتنقل بها العديد ممن لا يحمل الجنســية السـعودية ومن القبائل التي تقطن المملكة والعراق وســوريا والاردن ,
مما حدا بالمملكة الى ارســال لجنة لتعمل على تسـجيل البدون واعطائهم بطاقات .وقبيلة مطير العريقة تســكن تلك المنطقة شــمال شـرق المملكة والكويت ومرت اللجنة بمضاربها ,وكان القائمون على اللجنة لا يفرقون بين القبائل ومن كان له دور بارز في تكوين المملكة مثل مطير ومن لم يكن له
فقام شـاعرنا فلاح العراك وكتب هذه القصيدة مســتنكرا مجـرد ســؤال اللجنة قبيلة مطير وتســجيل اســماءابنائها لما لهم من دور بارز في توحيد المملكة , وقدمها لوزير الداخلية اللذي باشـر بمنع اللجنة من سؤال قبيلة مثل قبيلة مطيــر العريقة وســجلها يحفظ لها شــرفها
وإليك القصيده
ابشــروا يامطيــر في بشـــرا جـديــده=لجنـة التفتيــش بالكشــــف كتبتنــــا
اصبــروا باكـــر ويطلع بالجـــريــده =ان مثـــل النــازحين معــــاملتنـــا
حطـــوا اللي جــاهـدوا دون العقيــده=مثــل نــاس توها قبــل امــس جتنـــا
لجنــة قامـت تســـوي مــا تريــده =مــا قــرت تاريخنـــا والا نســــتنا
ليتها تــدري حكومتنـــا الرشـــيده =لا نصيـــر اجنـاب ما دارت ســــنتنا
ليــت ابو فيصـــل درى والا عضيـــده =الحــــرار اللي مخـــالبها حــمتنــا
يا فهــد يا راعي الأريــاء الســـديـده =يا ذرى كــل الخليـــج ومملكتنـــا
ســـيدي عنّـــا تــرى الشـــكّه بعيــده =كـان هاللجـــنه بشـــي متهمتنـــــا
خــابــر ٍ لمطيــر وقفـــات عـــديـــده =ولو مــواقفنــا رديـــات ٍ ســــــكتنا
والرجــل من حــاجته يذكــر رصيـــده =وللرصيــد اللي ينومســـنا التفتنـــا
يــوم تحّتـــك الحــديده بالحـــديــده =ما بقــى في نجــد نــار ٍ ما كلتنـــا
يــوم حــرب الفــوضى الله لا يعيـــده =شـــايف ٍ صقــر الجــزيــره مرجــلتنا
كـم نهار ٍ ما نحســـب النــا شـــريده =في ســبيل الله دون ام ٍ غــذتنـــا
وكـم فقدنا من ذلــول ومن وليــده =بالمغــازي والقبــايل خــابرتنـــا
حدر بيــرق راعي اليمنـى المجيــده =يــوم ابو تــركي مناديبــه دعــتنا
اشـــقر ٍ حــّول بقصــر الحكــم ســـيده =ورجعــه بالســـيف مـن نــاس غــزتنـا
حـالــف ٍ عبــدالعــزيــز ليســــتعيده =وطقتــه في راس عجـــــلان اجمعتنـــا
وكسّـــرة الشـــلفا على بابه شــــهيده =كــل ما منا نســـينا ذكّــــرتنـــا
وجــت عواقبها على المســـلم حميــــده =واهــتدينا يــوم دولتنــا هـــدتنـــا
قبل ما تمشـــي بديـــده مـع بديـــده =وطلعتـــه صقــر الجــزيره وحــدتنـــا
والســــــلام اهـــديه خـــاتمة القصيـده =للملك واخـــوانه اللي حــــاكمتنـــا
وهذه للشاعر فلاح بن راجح العـــراك موجهها للشاعر سحلي بن سعدالعواي
يا بو سعد نهـار تمشـي مشينـا=فوق الجموس مظولعات المواطي
حمـر ٍ نقلبهـن علـى مشتهينـا=غادي لهن مع كل جو شعاطـي
دجنا على الصلب الحمر ثم لقينـا=منـازل ٍ فيهـا حديـد وقواطـي
من عالماً من كـل فـج ٍ تجينـا=جونا على ريح الدسم والشياطـي
حنا بأهل شـط الفـرات أبتلينـا= الرمث راح الطق لحق الأراطي
لو أنها في كيفنـا مـا رضينـا=حـرام ياصمانـا مـا يهـاطـي
لنمشي وعجلات الفرج في أيدينا=وناخذ من الماص الجديد أحتياطي
وليـا تبايعنـا العمـار وشرينـاا=للي بقى عن ديرتة مـا يخاطـي
يادار ما ننسـى حقوقـك علينـا=من أول ٍ من جاك يوخذ قلاطـي
واليوم يدار أسمحـي وأعذرينـا=حنـا مجوَّدنـا قـوي الرباطـي
وهذا ردالشاعر سحلي بن سعد العــواي المطيري رحمه الله تعالى على العراك
حسبي على العـراك ذكـر علينـا=وأنا معرف الخربطـه والغلاطـي
هـذا شـيٍ شايفـه لـي سنيـنـا=لا تذكـر الغافـل ترايـا حباطـي
لـو ماقرينـا يامغـفـل دريـنـا=عما تبي مش الخشـوم بحماطـي
من عقب ابو بندر قضت وأنتهينـا=معاد بـه يـوم ٍ تعـرق الأباطـي
تحـمـدالله لا تطـيـع اللعيـنـا=اللي حصل لك شبعـت ٍ وأمغاطـي
يا الله على درب الرسـول تهدينـا=ويسترعلينـا لا يطيـر البساطـي
وأن طار يا العراك رحنـا وجينـا=وفقدت سوق الباميـه والبطاطـي
ويامـا تبايعنـا العمـار وشرينـا=وياما حمينـا دارنـا مـا تهاطـي
والـدار مبلـيـه وحـنـا بليَّـنـا=والأمر كايد من وراء الغاط غاطي
فزعل الشاعر الكبير فلاح العراك من القصيد لأن فيها الفاظ مثل
(المغفل , الخربطه والغلاطي، افخت سوق الباميه والبطاطي ) وللمعلوميه ان هناك قصايد للعراك وسحلي فيها الفاظ مضحكة جدا من الطرفين لكن العراك رد ايضاً على سحلي فقال
يابو سعـد نـوك علـى مانوينـا=وقّع على روس الهدف والنقاطي
اللّي تبـا تاطـا لراسـه وطينـا=لوّكان تاطا اللي بجلده رقاطي
يابو سعـد مانـي مـن الغافلينـا=أعرف ماحدر الثرى والبلاطـي
ماني بمصريً ٍ من فلا ليـح سينـا=اللي يحطون البصل والطماطـي
ظهور السواني عزوتـي بينينـا=زبن العديم اليـا اقبلت بـه تواطـي
لاصاح صيّاح الضحى واعتزينـا=قباً نصعطها الأعنّـه اصعاطـي
تفرح بنـا خلجـاً تجـر الحنينـا=اليااعتزى في عزوته كل صاطي
حنّـا اليـا منـا وردنـا روينـا=واحبالنا جبـرات سيـم ومقاطـي
وترى الرجـال تقولـه الاولينـا=حصن ٍ مناكيـر ٍ وخيـل معاطـي
الشاعر صحن بن قويعان المطيري في أحدى الديوانيات وقال الشاعر سحلي العواي كلمة يمازح فيها صحن وأخذ صحن في خاطرة ولم يبين ذلك وهي تعطينا فكرة عن مدى الكلمة يلقيها الصديق لايهتم بها من اجل اضحاك الغير او لآي سبب وذلك على حساب صديقة وتعطينا فكرة عن الصفح والعفو والعتب بين الأصدقاء فيقول سحلي معتذراً
ياصحن جاني خبر واثر علية=يوم جاني منك ضاقت بي ثيابي
حالف لك دين ماعندي خفية=كلمة ٍ ماخذت للغبرا أحسابي
أمنن من جانبك مية بمية=وعقب هذا ماتسير بك الجلابي
احسب ٍ الطلع والشوفة مدية=وخنتني يشوق مجلي العذابي
كل عمري فات ماقلت الردية=السموحة منك ياهيف المرابي
وكان مال العذر عندك قابلية=الله اقوى عنك يصغن الركابي
باغً اعلم محمد بالقضية=والتجيبة كان بالحكم انقلابي
( يقصد بمحمد الشاعرالكبيرمحمد بن خلف الخس يريدة أن يتوسط بينهم )
وهذارد الشاعر صحن بن قويعان على العواي
كلمتك يابو سعد جتني خطية=منك ما تاجب علي ولاتجابي
وسط ناس ٍ مالها الا ظاهرية=يحسبون المخطية فينا صوابي
أنت راع المخطية والحق لية=مير من حشمتك طوفت الجوابي
الصديق يحسني بدنات شية=والبغيض ان طاب والا بالترابي
لبغا يمهل من المصراع لية=زدتلة خمسة عشر لية وتابي
ورفقتي مع طيب الرفقة قوية=اكرمه واحما قفاة ان كان غابي
والرفيق اللي يحس السامعية=رفقتة ماتندخل مع كل بابي
كان كل كود يطعن في خوية=من ركاب عقيل وش طب المخابي
الخيار بيدك ياحامي الونية=والطريق اللي يدل الخير غابي
خذ يمين الشرع مني مقعدية=ان ماعندي ميول ولا نقلابي
شف سنام الضلع جنب عن طمية=الزعل شال الهضاب من الهضابي