يامرحبا باللي يشرف مجيه =على الشحم والهيل بدلال رسلان

[عبدالعزيز السدر]

يامرحبا باهـل الوفـاء والحميـه=ترحيبة (ن) تنشر على كل الاوطان
يامرحبـا باللـي يشـرف مجيـه=على الشحم والهيل بدلال رسـلان
الـعـود الازرق دار والشاذلـيـه=فنجالها يبعد عمس كـل عمسـان
حي الشيوخ اللـي لهـم مقدريـه=اعند الرجال اهل المكارم والاحسان
اساعده وقـت اللقـاء صيرميـه=رجالنا ياقـف مثـل حـد شامـان
يشهد لنا من كل صـوب ونحيـه=تاريخنا معروف من ماض الازمان
من يوم كنا فـوق ظهـر المطيـه=كنا ولا زلنا علـى سايـر ٍ كـان
واليـوم نمشـي كلبونـا سويـه=في ضل عبدالله وفي ضل سلطـان
افعالهـم وسيوفـهـم صيرمـيـه=لاصار فالميـدان عجـه ودخـان
حامينهـا مـن كـل نيـه رديـه=حكم الملوك مرجحه كـل ميـزان
دستورهـا القـرآن سنـة نبيـه=الديِّن حق ومنكر الحـق شيطـان
واختامهـا صلـوا لـرب البريـه=رافع سماها فوق من دون عمـدان
يامرحبا واهليـن واثـن التحيـه=شيوخنا اللي فالمواقف لهم شـان

[فهيد مقعد الرويس]

السدر صح لسانك

وعتلاشانك

تقبل اطيب تحيه

[قوت القلوب]

ياسلام عليك يالسدر
ابيات رائعه
لاهنت
تحياااتي لك