قصيدة رثـاء في الشاعر سويلم بن هندي العريدي الثبيتي للشاعر سالم بن حرقان العريدي

[روقي قرم]

قصيدة في الشاعر المغفور له بإذن الله سويلم بن هندي العريدي الثبيتي



مالوم ابوهزاع في عبرةً لـه=بغى يذاودها وهلـة غصيبه
وان كان هل الدمع عيني تهله=وكلن بكى راع العلوم العجيبه
سويلم ولد هندي عساه ولعله=يكسب خضر جنات عدنٍ نصيبه
نرجيك ياللي بالدعا وامراً لـه= اقبل دعانا ياللولي واستجيبه
مرحوم ياللي مايعوض محلـه= ياكبرها ياعبرها من مصيبه
واسيفنا اللي بالمواقف نسله=كم من عدواً مجلداً منه هيبه
شاعر علم كل الملا شاهدن لـه= فرايده وسط الجزيره غريبه
يلعب بها اللي معتلي فوق تله=واللي سرا من فوق وسق النجيبه
واليا حضر في مجلسن ماتمله= كل الوجيه تلد يمه رقيبه
يالله يامنشي المزون المظلـه= احسن عزانا فيه شيب وشبيبه


للشاعر سالم بن حرقـان العريدي الثبيتي

[كــــآتــم المـــــعنى]

محمد العتيبي (القرم)

رحم الله الشاعر القدير:سويلم بن هندي العريدي

وأسكنه فسيح جناته

وصح لسان شاعر هذه القصيده الشاعر:سالم بن حرقان العريدي

وسلمت يمين ناقلها الأخ الفاضل:محمد الثبيتي


وننتظر جديدك هنا

[روقي قرم]

الغالي سيـف العضياني..

شاكر لك مرورك وردكـ يالذيب..


عساك سالم..