من يريد اللعب فاليتفضل ،،،،،،،،،،،، ؟

[طير شلوى]

ذكرت ربي وبعده هذا سلامي
من شاعرٍ قدم جزيل الكلامي
من صافي قلبه للوفا والكرامي
من شان خاطر عين تكرم مدينه



قبل الكلام يبدا ومسيت بالخير = يا منتدى العتبان رد التحيه

ودي بطاروق ن ومعنى وتصوير = اقرب ياشاعر دام فيك الحميه

[طير شلوى]

وين الرد يا شعار

ليه المنتدى نايم وين الشعار وين الحركه

لازم تردون ولازم فيه صفوف

ننتظر الرد


اخوكم : طير شلوى

[بعيدلهقاوي]

اخوي طير شلوى مرحبا ومسهلا لكن وانا اخوك فيه بعض البيوت فيها ركاكه والظاهر غلط مطبعي عدله ولا يصير خاطرك الا طيب
اخوك بعيد الهقاوي.

[طير شلوى]

اخوي بعيد الهقاوي

شاكر لك طيب مرورك

لكن البيوت ما فيها شي لكن تتطلب منك القراءه السليمه لان هناك موضع شده وسكون في بعض الكلامات وما اعرف احطها صراحه

لك مني جزيل الشكر والامتنان

اخوك : طير شلوى

[بعيدلهقاوي]

يامــرحبا بـــك عد وبـــل السحابــــه
اقـــولـــها ياصـــاحبـــي بالنيابـــــــه
في منتدى اهل الجود واهل المهابه
مــــن شان خاطر عين تكرم مدينه


ياطير شلوى كان عندك خبر غير
هات الخبر ياهيه والنار حيه
ان كان ودك بالتصاوير ياطير
روح وتلقاهم بصبح وعشيه

[طير شلوى]

طيب طيب ،،،،،،، يا سلام


لك البقا ياللي ترحب لك الطيب
اعداد نور الشمس مايطل ويغيب
العلم واضح مايبي هرج وترتيب
من شان خاطر عين تكرم مدينه



عقب البطا ياصاحبي دون تعبير = اسمع كلامي وما في بالي وفيّه
الهرج واضح واضح من دون تفكير = الضيف حل ولا تعشى عشيه