تحــــــداني .....!!!!

[واثقة الخطوه]

بسم الله الرحمن الرحيم
السلام عليكم ورحمة الله وبركاته
انا عضوه جديده في المنتدى حبيت اشارك في قصايدي المتواضعه
وارجو ان اكون ضيفه خفيفه الظل عليكم
(((تحــــــــــــــداني )))
في جلسةًمع نفسي وافكــارإنتقائــيه
خـرب علي الـجو شخصن تـعنالي
سـلم وقـال وشـلونك يالبنت العناديه ؟
قلت اختصـر ياابن الاجـاويد العلالي
مانيب مـن اللي تـهزهاغترة وشخصية
ولاني من تنخدع في حب زين الرجالي
قال:اصبري يالبنت العنيده الشقاويـه
قد قالوا العربان الصبر مفتاح المنالي
بعلقك بالحب! برسم اسمك هــواويه
بكـــوي بنار العشق قلبك الـخالي
بعلمك وشلون بيت (ن) طفى ضيــه
قلبن هجرتيه يذوق اليوم الهوالي
قلت :انتبه لحكيك ولا تعتب علــيه
قلبي صعب يدخله انسانن يعاالي
قلبي يحب اهل القلوب الصافيه النديه
اللي يدور الزمن ماغيرتهم ليالي
احب الرجل لاصار مخلص لربعه وخويه
وفي حزة الفزعه تهتز لفعله إجبالي
كريم شهم وافي خلوق وافعاله جزيــه
ولد الشيوخ مايتعبه صرف الريالي
رح دور لك بنت(ن)دلوعـه ورومنسيه
تصدق حلو الكلام وتعيش انت بخيالي
انا ابدويه مااقبل على نفسي خطيه
انا بنت الشيوخ اللي عشقها بالحلالي
فيني على نفسي عزة وهيبه وحميه
و ابوي رباني على رقي المعــالي
ريح اعصابك وابعدني عن بالك شويه
ولاتكثر كلامك وتزيــد الجدالـي
غلطتك انك تهورت وتحديت ابـدويـه
بنت لـكـن ربيت باافعال الرجالي
وسلامتكم :)

[عادل العصيمي]

عليكم السلام


واثقة الخطوة


مرحبا فيك في منتدى عتيبه


وصح لسانك .. على القصيدة ولكن القصيدة ينقصها الوزن


تحياتي

[فهيد مقعد الرويس]

كماقال

ابن عجلان ياواثقة الخطوه ومكان المشاركات التي يوجد بها خلل في الوزن او القافيه او اقل من سبعة ابيات توضع هنا

وننتظر مشاركات افضل

تحيتي

[كان موجود]

صح لسانك وكفو ,,
عليك بالنثر والخواطر اتوقع بتبدعين فيها أكثر من الشعر الموزون ,,
تحيتي ..