الشيخ ماجد بن فهيد يشكر شيخ القبيلة الشيخ عبدالله بن عمر بن ربيعان

[هيال]

تقدم الشيخ ماجد بن رويفع بن ضاوي بن فهيد
بالشكر الجزيل لشيخ قبيلة عتيبة الشيخ عبدالله
بن عمر بن ربيعان وذلك في جريدة الجزيرة
في العدد 13217 بتاريخ 7/12/1429هـ ,في
صفحة المحليات رقم 5 .
واليكم صورة

http://www.otaiby.com/vb/uploaded/37_1228683565.jpg

[النير]

يستاهل أبو ماجد الامير عبدالله بن ربيعان شيخ قبيلة عتيبة
فمواقفه مع أبناء القبيلة في الداخل والخارج مشهورة

[عدنان]

شكراً لك ياهيال وبيض الله وجه الشيخ ماجد بن رويفع بن ضاوي بن فهيد ولا هو غريب ٍ عليه الطيب اما الشيخ عبدالله بن عمر بن ربيعان فهواليوم ابوعتيبة وشيخها وهوالذي مرهق ٍ نفسه ومرخص ٍ ماله لخدمة قبيلة عتيبة وهوكماقال فيه الشاعرالكبيرفراج بن وسيودالكرشمي


بينت له ماكان بالصدر مدفون =الراي قال الكسر ياصعب جبره
ألا على اللي له عتيبه يدينون =بالفضل والطاله لمن طال شبره
عليك به واشرح له الوضع ويهون=ماهوب زملان ٍ لصغره وكبره
سلايل محصن جدوده يقودون=دقلاتنا والوقت رمضا وسبره
تاريخ والتاريخ له راس ومتون= عبره ومن يقراه له فيه عبره
مايقبل الميله ولايقبل الهون =على العتيبي من حولي لشبره
شيخ الشيوخ ابن ربيعان يفدون =إسمه وتاريخه وطلعه وسبره
أهل العذار مبيحة كل مكنون=زباين السفره ليا حط هبره
ونصيت أبوماجد وانا أحس بغبون=للغيظ في صوتي ملامح ونبره

وهوعلى نهج اجداده الكرام الذين يقول فيهم الشاعروالأعلامي المعروف عارف بن سرورالعنزي



ياما شيوخ حدهم كان راعي=واليومه أهل الكاروأهل المواعين
ودك إلا ضاقت عليك المساعي=إن القبيله كلبوها رباعين

[حبر]

شكرا ياهيال
وأبن ربيعان شيخنا ويستاهل المدح والتمجيد
وأبن فهيد ماهو غريب عليه الطيب اليس هو سليل أخو هملا
الشيخ هذال بن ضمن بن فهيد اللي قال في الامير مسلط بن ربيعان :


سلام ياشيخنا نزال الاطرافي=شيخنا اللي كل قاله يسويها
والله انا درعك اللي ضافي وافي=عين نضحكها وعين نبكيها

[الدماسي 2007]

يستاهل ابوماجد

ومواقفه ليست حكر على قبيلة عتيبه انما مع البعيد والقريب ومع كل القبائل

وليست غريبه على ابن فهيد رفع صفحة او مايسمى (البيضاء) الثناء لكل قاري(على رؤس الاشهاد)

تحيااااااااااااااااتي

[ولد حبرود]

عسانا ما نبيكه ابو ماجد

نعم الراعي و نعم الشيخ

مواقفه لا تعد ولا تحصى

سواءا على افراد رعيته من شيوخ وجبر

والا على الاجناب

[ناصر بن سعدي]

لاهنت إخــوي


هيال .
على نقل هذا الشكر ..فيمن يستحقه ..


فالشكر لـ إبن فهيـد ..



والشكر لـ شيخ القبيله الشيخ / عبدالله بن عمر بن ربيعان على مواقفه الرائعه .


واللـه يطول بـ عمر أبو ماجــد ..

ودام الجميــع بخيــر ..

[سقم المهابيل]

يستاهل امير شمل عتيبه وماهي غريبه على بن فهيد

[خـالـد البرقـاوي]

والنعم بالرباعين كلهم ذيابة

ويستاهل أبو ماجد المدح

ولا زال في الرباعين شيوخ ولا زالت الولادة تلد من الرباعين ومن سلايل المجد والمشيخة الكثير

[هيال]

شكرا للجميع

[امير باخلاقي]

الله يطول بعمر شيوخ الهيلا

[الجمش]

ونعم بشيوخنا

ابو ماجد شيخ القبيلة ويستاهل

[فيصل المسند]

لاهنت على النقل يستاهل بن ربيعان

[ابوسنان]

الشيخ عبدالله بن عمربن ربيعان ماهي غريبه من المواقف الطيبه
جعله يسلم وهم هل الوقفات من اولهم
والله يخلي لنا شيوخنا ويحفظم من كل مكروه

[البارق]

شكرا لك ياهيال

[أبوسنون العطاوي]

ليست غريبه من الفهيدات للرباعين

[الراكد]

الاخ هيال شكر على هذا الخبر
بس انا عندي سؤال ومحيرني جدا؟؟؟؟؟؟؟؟؟؟؟؟؟؟؟؟؟؟؟

هل ابن ربيعان هو شيخ شمل قبيلة عتيبة؟؟؟؟؟؟
وهل لديك اي شي يثبت ذلك؟؟؟؟؟؟؟؟؟؟؟؟؟؟؟؟؟؟؟

وحسب ما اعرفه ان لا يوجد في عتيبه امير لعتيبه كافه !!!!!!!!!!!!!!!!!!!