يـا صـويـمـل ............ هيا بنت سرور

[التركي]

هذه قصيده لأخت الشاعر الراحل بندر بن سرور



ياصويمل ماتمل من الدوادي
لوينادي الزول عندك ماتجيبه

ياصويمل جعل تاكلك الحنادي
تاكل التفاح وانته ماتجيبه

ياصويمل ماتمل من الجهادي
تتطحنفي البيت واخلاقك غضيبه

في كفالة من يضدون المعادي
في حما آل سعودربي معتنيبه

ماركبت الخيل ف ايام الطرادي
ولاضواك الليل في دار غريبه

ولاضواك الليل مكتوف الأيادي
ولاعوى سرحان وزنك ف الزريبه

ولاحضرت بمعركة نظم التوادي
في بهار بارز شره وطيبه

دون حلوات اللبن قرم يفادي
يعتزي باللي تحن وتنتخي به

في يداه مسلب يفر الفوادي
ابلج يمناه ماتخطي الضريبه

ولاركبت الجيش ولهن اجتلادي
والظمى والقيض حاديهن لهيبه

ولاكلت رجليك غزلان الشدادي
ولاكوتك الميركه فوق النجيبه

ولاتدلي بالقلص حبل الورادي
في قليب حايم طيره وذيبه

ولاطردت الصيد مع بيض الرهادي
ولارميت الظبي لين انك تصيبه

ولاتدن النجر رمزللمنادي
وسط بيت خاثر بنه وطيبه

ولاتقلط في الصحن كبر النوادي
كبش مصلاح تفرشبه عصيبه

وسط ربع كلهم ضد المعادي
بين خال وعم وعلوم عجيبه

ياصويمل ماحصل غير الدوادي
ماتسوي مثلها والكذب خيبه

[** راس حربه **]

صح السااااااااان هيا بنت سرور

ولاهنت على اختيار القصيده الرائعه يا التركي

عوايدك يالذيب

تحياتي لك

[التركي]

مشكور يالذيب علي المرور ولاهنت اخوي راس حربه تحياتي لك

[إبن ثعلي]

مشكور يالتركي على ايراد هذه القصيدة والتعريف بصاحبتها التي نسمع عنها لاول مره
تحياتي

[التركي]

مشكور بن ثعلي علي المرور ولاهنت يالغالي تحياتي لك