ياولد من يكرم ليـا شـح البخيـل :: يديـه تنفـق للعـرب محصولهـا

[محمد بن دغيم السميري]

قصيده موجّهه للشيخ:: الغفيلي بن غازي
بن متاعب السميري العتيبي






رايتك بيضاء ناصعـه يابوخليـل=اقولهـا واهـل العقـول إتقولـهـا
يامسقي الاخصام سـم وحنظليـل=يابن الكرام اللـي جـزال فعولهـا
غير الشهامه والكرم خلقك جميـل=إتطبّق الاخـلاق حسـب أُصولهـا
اخـلاق شهـمٍ لابخيـل ولا ذليـل=والعوج لاحولك ولا انت إبحولهـا
معدنك طيّب وانت كالسيف الصقيل=خلّ السيوف اللي بطـل مفعولهـا
مسندك غازي على الشيخ الاصيـل=عبّاس ابا الـردّات يـوم إحلولهـا
وسعود ودغيليب والامـر المهيـل=اهل الفعول اللـي ثبـت مدلولهـا
سنّدك غازي وانت ماتخط الدليـل=كـل المراجـل ماشـيٍ بسبولهـا
اجهدت لك بالمدح واشوفـه قليـل=يأكبر من الاقوال يوم اقولهـا
حمّلت من يشكرك بالحمـل الثقيـل=يـوم اللّـوازم جالكـم مرسولهـا
موقفك معنا اكبر من الشكر الجزيل=ياواصل اللي قل من وصلـوا لهـا
نسيان فضلك يالغفيلـي مستحيـل=والطيّبـه تقـدر لـهـا وتنولـهـا
ماهي غريبه منـك يانعـم العميـل=ياللّي جميـع الطايـلات إتطولهـا
ياولد من يكرم ليـا شـح البخيـل=يديـه تنفـق للعـرب محصولهـا
ملفى لمن يبغى المساء والاّ المقيـل=ربيـع لضيفـان يـوم إمحولـهـا
والعرف والتقدير والخلـق النبيـل=والسيره اللي بالنقاء شهـدوا لهـا
ومتاعب العايد مقـدّ اللّـي يعيـل=حـلاّل صعبـاتٍ تكيـد إحلولهـا
منصاء ركابٍ شف اهلهن المقيـل=ضرب الحفاء بيدينهـا ورجولهـا
صفوة مطاليقٍ لهـم مجـدٍ طويـل=امجادهم في عرض الارض وطولها
الله يبيـح امواتهـم والله يطـيـل=اعمار من صعب العلوم ارسوا لها




الشاعر::محمد بن دغيــم السميري العتيبي

[محمد مذكر المغيبي]

محمد ابن دغيم

عملاق وشاعر جزل الله لايهينك

والله انك اوفيت وكملت وجملت

انت ابدعت في الثنا والغفيلي يستاهل اكثر

واللي اقدر اقوله ياابن دغيم

الله يجمل حال مهندس وشاعر هالدرة

المكنونه اللي ماتوجد عند غير ابن دغيم

مبدع كما عهدناك

تقبل تحيات اخوك

[الحصان]

صح لسانك يابوعمرعلى هذه القصيدة الجزله والغفيلي يستاهل

[إبن ثعلي]

صح السانك يامحمد بن دغيم على هذه القصيدة الرائعه ويستاهل المدح الغفيلي

[ناصر بن سعدي]

لله درك يابوعمـــر


أبدعت وكفيت ووفيت ..


ولاشك أن من قيلت فيه هذه الأبيات يستحقها ..


وذكــر الحيا والطيبين يبين ..

كيف لا

والممدوح الشيــخ / الغفيلي بن غازي بن متاعب ..


يستحق الثناء .. والمدح ..


ولازلت أكــرر

لله درك ..

وقصيده سأعيــد قرأتها حتى تشبعني شعراً



وتقبل خالص تحياتي ..

[ضيف الله السميري]

محمد دغيم



صح لسانك انت معلم لمن يريد ان يكتب الشعر المديح او غيره من انواع الشعر




صح لسانك مليون


لو اردت ان اقتبس لاقتبست القصيده كلها



والممدوح يستاهل وموقفه كلً يشهده



تحياتي لك

[فهيد مقعد الرويس]

صح لسانك

وعتلاشانك

يامحمد
والممدوح يستاهل والمادح كفو

تقبل اطيب تحيه