طلب ابوسعد

[نوف]

مزن تلا لا قلت عز الجلالا
واثره جبين اصويحبي واحسبه برق
مبسم هيا له بالظلام اشتعلا
بين البروق وبين مبسم هيا فرق
ومبسم هيا احلا من حليب الجزلا
واحلا من السكر اليا جاء من الشرق
قلت اسقني من مبسمك قال لالا
ياصحبي لاتجي للهوا طرق
قالو تتوب عن الهوا قلت لالا
الا تتوب الشمس عن مطلع الشرق
قالو تتوب عن الهوا قلت لالا
الا تتوب رماااااااااااااح علوووووى عن الزررق
قالو تتوب عن الهوا قلت لالا
الا تتوب الحناشل عن السرق


وسلامتكم

[ابوسـعد]

تسلمين يانوف ولك الشكر مضاعفا ....والحقيقة لا استطيع الا ذلك ومنا الدعاء.....................لك بطول العمر......تشكروووووووووووو
ترى بس فيها زيادة ونقص الظاهر ان اهل ققققققققققووووووووووقل الله يهديهم لعبو فيها شوي....والاوش رايك ياالنوف؟؟؟؟

[نوف]

ههههههههههههه
الاخ ابوسعد القصيده اللي في قوقا مهي كامله لاني سمعتها من شخص كبير فيها ابيات بذيئه شوي وفعلا فيها نقص واحسن انهم ماجابوها كامله

[ابوسـعد]

دائما ناقل الكفر ليس بكافر..والقران الكريم كتاب الله المتين اعظم كتاب موضوعي على الاطلاق وقد اورد قصة فرعون"الذي قال "اناربكم الاعلى"
فنقل النص كما هو..هو الواجب اما تحريفه وتغييرة فهذا الذي لخبط الامورسواء في بعض الديانات او الاثار او ماكتب عن الرسل والانبياء والمفكرين والشعراء وغيرهم.
..فليتنا من حجنا سالمين كان الذنوب الي علينا قليلات..

[** راس حربه **]

لاهنتي نوف على النقل والاختيار الجميل وتحقيق تطلبات ابو سعد :)

وصح السان شاعرهاا

وتحياتي

[إبن ثعلي]

قلت اسقني من مبسمك قال لالا
ياصحبي لاتجي للهوا طرق
صحة البيت يانوف

حبيت مبسمها ثلاثاً توالا = واصبحت يطرقني نسيم الهوى طرقشكرا لحسن اختيارك

[طالع]

ياليت نلقا القصيده كامله

[فهد العايضي]

ولا يهمك ياعيد الجماعه تبي القصيده كامله

إرجع للصفحه رقم 4 في هذا القسم

وتلقا القصيده وقصتها كامله عنوان الموضوع

( مبيسم هيا )

[التركي]

يعطيك العافيه اختي نوف وهذي القصيده كامله يالله بنــوٍّ مدلهم الخيـــــالا
طافح ربابه فيه مثل المها الـــزرق
لا جا على البكري يبيــن الحلالا
لا عاد تسمع به رعودٍ ولا بـــرق
هتان ودان سحابــه ارســـالا
يومر وسكابه همل وابله غــــرق
يسقــي نعام ثم يملا الهجـــالا
حط الحريق اديار الاجواد له طـرق
يسقــي غروسٍ عقب ما هي همالا
يصبح حمامه ساجعٍ يلعب الـورق
ياشبه صفراً طار عنهــا الجـلالا
طويلة السمحوق تنزع عن الـدرق
له ريق احلى من حليــب الجزالا
واحلى من السكر الى جا من الشرق
مدهال عمهوجٍ له القلــب مــالا
يفداه ما فوق البسيطة بلا فـــرق
يا ونتي ونت هزيــل الجمــالا
ينقص ردي الخيل قد حسه الفـرق
وجريت انا صــوت الهوا باحتمالا
في وسط بستان سقاه اربع فــرق
في قلته في عاليــات الجبـــالا
من عسر مرقاها ايدينه غدن طرق
برقٍ تلالا قلت عــــز الجلالا
واثره جبين اصويحبي واحسبه برق
مبسم "هيا" له بالظلام اشتـعالا
بين البروق وبين مبسم "هيا" فـرق
وروشن "هيا" له فرجةٍ من شمالا
وبابٍ من القبلة وبابٍ من الشـرق
حولت مع فرغٍ جديد الحبــــالا
ورقيت مع فرغٍ تناوح به الـورق
غصبٍ على الكالف وراعي الحلالا
والثالث الملحاق في لحيتــه ذرق
ومزيت من ريقه حلا ما يحــالا
وقطفت رمانٍ ابصدره وهو غرق
النور في غرة جبينــــه تلالا
هلا وحياني وانا والهن شــرق
قلت إزني من مبسمك قـال لا لا
يا نور عيني لا تجي للهوى طرق
قالوا تجوز من الهوى قلت لا لا
الان تجوز رماح علوا عن الزرق
قالوا تجوز من الهوى قلت لا لا
الان يجوزون الحناشل عن السرق
قالوا تجوز من الهوى قلت لا لا
الان تجوز الشمس عن مطلع الشرق

[ابوسـعد]

وليدة التركي وتستاهل اسم "تسونامي اعتيبه"الي خلت الرجال ماعاد يبي طاري هالمنتدى هج مع قومه مثل ما هجت قبيلته عن نجد...

[التركي]

هههههههههههههههه اخوي ابو سعد "تسونامي اعتيبه" يوجد في المنتدي 2 باسم التركي وتحياتي لك يالقرم

[ابوسـعد]

كلكم ونعم "والتسونامي" اسم اي واحد علومة طيبه مثلك وشرواك...والمفروض ما يجي اثنين باسم واحد ولو يحطون رقم لكل واحد افضل..........ونقول تسونامي واحد وتسونامي اثنين وهلما جرا...وياهلاااااااااااااااااااااااا فيك وفيه.

[طالع]

بيض الله وجيهكم

[ابوسـعد]

ماعليك ياعيد ماشاء الله على علومك دايم هاي هاي

[كحيلان]

رغبة ابوسعد مجابه ومشكوره يانوف

[ابوسـعد]

لاهنت ياكحيلان وعلومك طيبة
اسم على مسمى