الطوفان لا هنت

[كــــآتــم المـــــعنى]

سلام للمنتدى تسليم مسلم حضر=سلام صافي عمومي للحضور القروم

يا مشرف القلطه الليله نباها سمر=قم ودّنا ناخذ ونعطي علوم وعلوم

[ظافر العتيبي]

صح لسانك ياسيف


ننتظر قبيلك

[الطوفان]

اررحب





يامرحبا ياهلا ترحيب مثل المطر=اللي تقادح بروقه في ركام الغيوم
عطنا علومك وكلٍ معه وجهة نظر=اما بسلم العرب ولا بحرب النجوم

[الطوفان]

صح لسانك ياسيف


ننتظر قبيلك


اررحب نورت

[كــــآتــم المـــــعنى]

هذا البقا يا مِعزّب لك بيان وجهر=باعداد ما طار طير انقولها للحشوم

انته ترى عندنا من عِرض كل البشر=يمّا تجي سِلم ولا فيه فركة خشوم

[الطوفان]

حنا نسوق العراوي مثل سوق الهمر=لكن بعض العلوم القشر عنها نشوم
لو كل من يعترض نرمي عليه الحجر=كان الحجر صار سعره فوق سبعه رقوم

[كــــآتــم المـــــعنى]

وحنا نغرف المعاني يا ولد من بحر=وليا بدا لازم الجزله لك الله نقوم

يا صاحبي دوب دوبك لايزيد القهر=هوّن على نفسك الأرزاق صارت قسوم

[الطوفان]

ترى المعاني لها وجهين بطن وظهر=وانته نزلت البحر منته بعارف تعوم
حنا حرقنا الحديد الصم لين انصهر=ياغرو توك صغير مالبست الهدوم

[صنيتان الروقي]

سيف العضياني والطوفااان ابداع جديد

[كــــآتــم المـــــعنى]

يا صاحبي لا قريت ولا دريت الخبر=الله يكافيك يالطوفان لفح السموم

يا امعاملي لا يطول الهرج وارع الخطر=كلمتك ما ظنتي ينطق بها إلا ظلوم

[كــــآتــم المـــــعنى]

ظافر العتيبي

حياااك الله مليوووون

ولا

يكفووووووون

ولا هنت يالغالي

[كــــآتــم المـــــعنى]

صنيتان الروقي

إطلاله جيده منك يا غالي

تحياتي

[زيد العقرب]

صحت السنتكم

سيف=الطوفان


متابع



لاهنتووا

[الطوفان]

ماني مفتش وش اللي مختفى ف الصرر=الصره اللي معك ماليبها ايا لزوم
والظلم ماهو بطبعي جعلك دربك خضر=ف السوق هذا شرا السلعه وهذا يسوم




سيف العضياني


صح السانك


وفيت وكفيت وبيض الله وجهك


تصبح على خير

[الطوفان]

صنيتان الروقي


صح بدنك




تحياتي

[الطوفان]

زيد العقرب

صح السانك


تحياتي

[كــــآتــم المـــــعنى]

زيد العقرب

حياك الله وما قصرت على المرور

[كــــآتــم المـــــعنى]

الطوفان صح لسانك وما قصرت وتشرفنا يالغالي