وجه المهب

[جابر الجهني]

السلام عليكم ورحمة الله وبركاته..


( مع فائق الاحترام والود والتقدير لكافة القبائل )



الشعر في وجه المهب والقاف في راسه لهب=ابا اتنومس واوقد الابيات وابري حالها

فوق الطويله باعتلي وامدح عزيزين النسب=اللي يزلزل شامخ الضلعان ذكر ابطالها

حنا جهينة من قضاعه راس من روس العرب=نسل الصحابه والمهابه ناصبين جبالها

زكا نسبنا الهاشمي ثم فضله فيما كتب=عنه البخاري فالصحيح اللي حفظ منزالها

في معركة بدر واحد ضدينا جيش ابو لهب=وبفتح مكه الف فارس كابدوا اهوالها

منا فدائي الرسول ابن انيس اللي جلب=راس الكفر ساعة تحصن بين شوس رجالها

حنا جهينة عزوة ابن غنيم فكاك النشب=عفو المساجين انكتب باسباب نخوه قالها

اللي طمع فينا نشب واللي بغا الغاره عقب=مايدري انا قوم شينه لا تكدر بالها

نارد من حياض المنايا لا تغشتنا الركب=نطرب على صوت المدافع لا انسحب موالها

بالمعركه لامن تعزوا رجل منا واعتصب=تهتز اراضيها غضب تمطر عذاب خيالها

غرنا على تجهيزة الالمان واحدثنا العجب=بقيادة الشيخ الرفاعي حالها يرثالها

وحنا هل الهجن الاصايل والمكارم والشبب=واصل الشجاعه والقناعه نرتكز في جالها

عز الخوي اللي رماه الموج في بحر العتب=زبن الدخيل اللي جذب فرسان من مدهالها

ابخلنا من شاف الكرم اطيب من عقود العنب=واضعفنا لو يلقى الحمول بمثل رضوى شالها



محبكم/

جابر سعد الجهني

[تركي ابن خالد]

::


ونعم فيك وفي ربـعك ..؛

ويستاهلون أكثر جهينه ..؛

صح السانك على هالجزله والوافيه ..؛

ولاهنت .. تحياتي لك.


::

[عذب السجايا]

جابر سعد الجهني

والنعم والله في جهينه
القوم الشينه
وهاذا مثل وشاهد على فعل
ومعروف على مستوى الجزيرة العربية منذ القدم:
(جهينه القوم الشينه)

[فهيد مقعد الرويس]

كفو ياجابر

وصح السانك

على هذه الرائعه

ننتظر المزيد من الابداع لاهنت

تقبل اطيب تحيه