أجمـــــــل ماقيــــل في وصــــف الجمـــس (إهــــداء لعشـــاق الجمـــوس)

[قلب الأسد]

بسم الله الرحمن الرحيم

:
:
:
:
:
:
:
:
:
:

قصيده قمه للشـــاعر المميـــّز : ضيدان بن قضعان العرجاني
وفيها إبــــداع لامحدود في دقة الوصف
ويتطرق الشاعر فيها إلى وصف الجمس من الصدام للصدام...!!
أتركم مع هذه الرائعه , وعسى أن تنال اعجابكم..!!








قــم يانديـبـي فــوق جـمــسٍ مـصـمـم=بالكـمـبـيـوتـر مـاتـجـيـبــه وكـــالـــه
تصمـيـم عــام ألفـيـن للـحـيـن مـاتــم=لـكــن هـــذا عـيّـنــه جــــاء لـحـالــه
أهــــدوه لـكـلـنـتـن وقـــــام يـتـبـســم=وقــال أرسـلـوه لــدار نــور العـدالـه
وجـابــوه هـديــه للـمـلـيـك الـمـعـظـم=فهـد زعـيـم الـعُـرب وافــي الجمـالـه
وجانـي خبـره وجيـت عجـلٍ ومهـتـم=القصـر مـن كـل العـرب فــي ظـلالـه
جـيـت الـوزيــر وقـلــت يا لـــو تـكــرّم=ودي أشوف الجمس وأوصف جمالـه
قـال العفـو نسـتـاذن الـلـي لــه العـلـم=يـرجـع وشــوره دايـمـاً فـــي دلالـــه
عبدالعـزيـز بــن الفـهـد جـالـي الـهـم=المسـتـشـار الـلــي يـشــرف مـجـالـه
ودخلـت أنـا وايـا الوزيـر المخضـرم=فــي مجـلـسٍ رحــبٍ تخـالـف دلالــه
جيـتـه وهــو جـالـس ووقــف وسـلّـم=ورحـــب وأذن لـلنفس تجـلــس قـبـالـه
وأبديـت لـه سـرٍ علـى الـنـاس يكـتـم=وقــال الـــذي تبـغـيـه سـهــلٍ مـنـالـه
ودعا الوزير وفي أذن أبا الخيل تمتم=وفـيـنـي يركـــز نـظـرتــه بالـعـمـالـه
وفهمـت وشهـو قـال لـه جـعـل يسـلـم=عـطـانــي الــلــي مـايـعـيّـن بــدالـــه
يعطـي العـطـاء مــن للمعـالـي بسـلّـم=يـرقـى سـنـود وعـزتــه راس مـالــه
وأقفيـت بالـلـي مــن نـظـر لــه تـألـم=حتـى هــل المـرسـدس عــدوه عـالـه
ولحـق بشـرّه مـن كشـخ فـوق بـي أم=صابـه جفـال وعـاف غـالـي حـلالـه
وتعالـمـوا بـــه كـــل كـافــر ومـسـلـم=وكــلٍ شـغـل بالجـمـس فـكـره وبـالـه
وجاني الجميح وقال لي بـس قـل كـم=ملـيـون كــاش ومثلـهـا لـــك حـوالــه
قلـت الذهـب هـذا علـى البـيـع حِــرم=وبهديـه لـلـي يمـدحـه مــن عـنـا لــه
ونـاديـت مــن ربـعــي غـــلامٍ تـعـلّـم=عـلـى عـبـور الـحـد وقــت الجـهـالـه
ثــم قـلـت ياصـبـي الصمـايـل تـولّــم=عـلـى الــذي مـاجـاء لـنـا بالسـهـالـه
جمـسٍ يهـوم المـدح ويـحـارب الــذم=مـهـجـنٍ يـحـيـي الـقـلـوب اشـتـغـالـه
أمـــه تـرايـسـتـار وأبــــوه جــــي أم=وأكثـر طبوعـه مــن طبـايـع خـوالـه
مصممـيـنـه للـفـضـاء قــبــل يـفـطــم=ويـوم فطمـوه فقـالـت الـقـاع أنــا لــه
كــن حــس سلـفـه لاغمـزتـه ورنّـــم=ضحكـة صغيـرٍ يـدّرج وسـط صالـه
ونــة سـيـوره صــوت عــودٍ تـهـشّـم=يـوم أقـفـوا الغـازيـن بأغـلـى حـلالـه
وإيلا أشتغل كـن فـي قـزوزه مترجـم=يحكي فرنسـي عـن ظـروف البطالـه
لـكـن شكامـيـنـه ليا مـــن تـــرزّم=ايـديـن سـبّــاح هـــوى مـــن سـقـالـه
مـكـيـنـتـه يا كـنــهــا إبــريـــقٍ مـلــغّــم=فـوقـيـه أحـمــر والـبــلاء فالـحـثـالـه
لـجــة لـحــي الـغــوج لامـنــه لـجّــم=فــي حــس كبـوتـه لـيـا غــط جـالـه
شبكـه يشـادي رشـرشٍ فـوق مـحـزم=علـى كمـا التفـاح مــن تـحـت شـالـه
لـكـن مرايـاتـه ليا أقـفــى مـوشّــم=أذنــيـــن ريـــــم ذيــرتـــه الـثـعـالــه
شنـابـر جـنـوطـه حـجــولٍ بمـعـصـم=ســوداء تهـيـض بالطـبـل كــل دالــه
رفـارفــه كـنـهــا ركــــون الـمـقـطّـم=وكـن القـزاز البـرق لاأنشـت خيـالـه
ومساحـتـيـنـه حــجــة الــلــي تـلـثــم=خشفٍ علـى العاشـق عسيـرٍ وصالـه
صيتـه يضـم اللـي علـى طارتـه ضـم=أمٍ تــضــم ولـيـدهــا مـــــن دلالـــــه
كنهـا احتوتـه بحضنـهـا هـنـد رسـتـم=أو بـنـت صـدقـي قـمـة الـفــن هـالــه
وكـنـه مــع الـقـاع الـعـتـش لاتـهـنـدم=هـرشٍ مــع الغـفـران تـومـي حبـالـه
مَقدمـه لمّـا أقـفـى يـخـم الشـمـِع خــم=عـجـزت بالتوصـيـف ألا قــى مـثـالـه
يـشـدي لـسـكـران يـلاغــي ويـحـشـم=ولا لـــعـــودٍ مـزعـلـيـنــه عــيــالـــه
ســعــة تـشـوفــه تحـسـبـنـك تـحــلّــم=لاأبـو الـذي صممـه مـاأوسـع خيـالـه
عليـه ياالمنـدوب فــي اللـيـل الأظـلـم=إسـر وعـسـى التوفـيـق للـذيـب فـالـه
لـذ مـن وراء مطـلـول غــربٍ ويـمـم=غرب الجنوب ومن صدف لاتسالـه
تلـقـى محـمـد كـنـه البـحـر أبــو جــم=مــا الله خـلـقـه إلا لـــدرب الشـكـالـه
ثـقـيـل مثل طـويــق لامـــن تـكـلّــم=تـشـفـق لاقـاطــع هـرجـتـه بالبـيـالـه
لاجيـت أبـو عليـاء ورحـب فقـل سـم=عطـه السويـك وماأحتـوتـه الرسـالـه





محمد المذكور في القصيده هو : الشيخ محمد الدامر من شيوخ قبيلة العجمان



وســــــلامتكم

[كــــآتــم المـــــعنى]

قلب الأسد

تسلم على النقل الجميل لهواة الجمس

ولاهنت

وننتظر جديدك فالعاجل القريب

[乂صـواعب乂]

يستاهل الجمس

صح لسان الشاعر

وتسلم يمينك اخوي قلب الاسد على النقل الطيب

يعطيك العافيه،،

تحياتي لك

[قلب الأسد]

الأخ : سيف العضياني
الله يسلمك ويعافيك ياالغــــالي
مشكور على المرور الطيـــّب , يعطيك العافيه
أعذب التحايا

[قلب الأسد]

الأخت : العنيده
الله يسلمك ويعافيك ياالغــــلا
مشكوره على المرور الطيـــّب , يعطيك العافيه
أعذب التحايا

[الكنج]

صح لسانك

[عاشق المساري]

يعطيك الف عافيه على النقل