ذَلّ نفســـــه

[ابراهيم العسيري]

السلام عليكم ورحمة الله وبركاته



المدونه أدناه عسى ان ترتقي لذروة اذواقكم



http://ma7room.org/up/images/zg83ajai2ijraweuqvkm.mp3


للتحميــــل (http://ma7room.org/up/images/zg83ajai2ijraweuqvkm.mp3)




اطلب المولى ولا تطلب سواه=وارفع الشكوى بلا حبرُ ورَق

لاوسيط وموعد يحدد لقاه=لاسفر .لاهم .لاجهد وأرَق

جلّ شانه ما يخيب من نصاه=مايرد اللي على بابه طرَق

خاب حظ اللي يدور من سواه=رزق.. مابه رزق من يد السّرَق

ذل نفسه بين ذي جاهٍ وجاه=كن وجهه خبز تنور احترَق

لو عطّيْ مليون .. والله ما عطاه=ما اهتنى به . يتلفه ولا انسرَق

احمد الله واشكره واطلب رضاه=تلقى عز النفس في قلبك شرَق

وانت ساجد بين ايدينه فـ الصلاه=خاشع ٍمن قلب للطاعات رَق

أساله حاجتك واكثر من رجاه=واعلم ان الله على عبده أرَق

من غني متغطرسٍ جر العباه=حكمته الله خلق والله فرَق






احترامي وتقديري للجميع


أخوكم/ابراهيم العسيري

[فهيد مقعد الرويس]

صح السانك

يابراهيم

رائعه لاهنت

تقبل اطيب تحيه

[ناصر بن سعدي]

إخــوي الغالي

إبراهيم العسيري

صح لسانك

نص جميل .. وفيه تذكر ونصــح


تقبل خالص تحياتي

[قوت القلوب]

اخوي براهيم
صح لسانك
ابيات رائعه
لاهنت عليها
تحياااتي