( الغايب اللي رجعته تشفي جروح ) [الأرشيف]

مشاهدة النسخة كاملة : ( الغايب اللي رجعته تشفي جروح )

شـوآق

11-21-2008, 10:30 AM

الغايب اللي رجعته تشفي جروح
شفته يناظر دون ينطق سلاما

يمكن رجوعه لاجل يرجعلي الروح
ولارجوعه لاجل موت الهياما

جاني وصمته بادي الوقت مسموح
مير البلا عينه تقول الكلاما

كنها تقول الدمع ناويلي النوح
كنها تقول اقرب وكب الملاما

وكني اجاوب بالنظر ليتك تروح
وتشوف فعل الغيبه بقلب صاما

ادري بانك مختبي بس مملوح
عيني تشوفك يالغضي فالمناما

واليوم قدم العين والحال مفضوح
ماقلت لك لاتغيب وتنسى الغراما

قربك شروق الشمس وغيابك الشوح
اشرق على دنياي جل الغماما

لاتعتذر بظروف وسدد لي البوح
ماشفت من صدتك غير السهاما

ترى الضماير تشتعل مامن مزوح
يعني تكلم قبل لا اصرخ حراما

وسلامتكم

سعود العتيبي

( ابوشوق )

ابراهيم العسيري

11-21-2008, 11:23 AM

الشاعر سعود العتيبي

صح لسانك يا ابو شوق

رائعه هذه الوجدانيه

قوت القلوب

11-21-2008, 11:25 AM

اخي سعود
صح لسانك
مفردات رائعه
تقبل مروري

فهيد مقعد الرويس

11-21-2008, 04:41 PM

صح السانك

يابوشوق

ابداع لاهنت

تقبل اطيب تحيه

شـوآق

11-23-2008, 08:35 AM

أبرهيم العسيري

صح بدنـك , ولاهنت ع هالمرور الكريم

تحيتي لك

شـوآق

11-23-2008, 08:36 AM

قوت القلوب

صح بدنك , والروعه روعه مرورك

تحيتي لك ِ

شـوآق

11-23-2008, 08:39 AM

فهيد الرويس

صح بدنـك , ولاهنــت ع هالمرور

والابداع اكتمل في تواجدك

تحيتي لك

乂صـواعب乂

11-23-2008, 11:34 AM

ابو شوق

صح لسانك

ابيات جمييله ،، ابدعت فيها

يعطيك العافيه

اطيب التحايا

شـوآق

11-26-2008, 10:12 AM

العنيده

صح بدنك , والله يعافيك من كل شر

ولاهنت ِ ع هالمرور

تحيتي لك ِ

ناصر بن سعدي

11-26-2008, 03:21 PM

إخــوي الغالي

سعود العتيبي

صــح لسانك ..

ونص عذب .. وقصيده جميلــه ..

تقبل خالص تحياتي,,

شـوآق

11-28-2008, 11:27 AM

صح بدنك يآ ابن سعدي

ولاهنت ع هالطله

اسعدني تواجدك

تحيتي لك