الجــــانب الآخـــر من ..... ஓ شـــــــــاعر المليون ஓ

[مُهــرة عتيبــة]

بسم الله الرحمن الرحيم

أخواني اخواتي إدارة ومشرفي واعضاء منتدانا الراقي ، هنا مساحة للحديث أو إن صح التعبير للإنتقاد البناء علَّ وعسى أن يصل ما يطرح للتعديل ، حتى يصل البرنامج لأقرب درجة من الكمال ، وبرنامجي المقصود (شـــاعر المليـــون)..


فشـــاعر المليون برنامج انطلق منذ ما يقارب الثلاث سنوات ، أحدث ضجــه إعلامية ليست بالقليلة ، وأنا هنا لست بصدد التعريف بالبرنامج وآليته فـ الأغلبية إن لم يكون الجميع من المتابعين له ..

ولكن من وجهة نظـــري الشخصيــة أن البرنامج هو النسخة الأولى فقط بالرغم من وجود بعض الهفوات والأخطاء إلا أن لكل بداية ضخمة سلبياتها وإيجابياتها ولكن أن تستمر السلبيات وتتفاقم بالرغم من كثرت الانتقادات البناءة اللتي لو نُـظر لها بعين الاعتبار لاستمر نجاحه في المواسم التالية ..


ومن خلال هذا المتصفح فللجميع حرية الانتقاد مع مراعاة آداب الحوار وآداب الانتقاد بشكل عام ..البرنامج اخذ الكثير من الإطراء ولم يأخذ النصيب من الانتقاد وربما هذا ما تسبب في تفاقم السلبيات..

وأي وجهــة نظر أو رأي أو إنتقاد ليس بالضرورة يتفق عليه الجميع او يعني رأي الجميع أو الموقع بشكل عام ، فوجهة النظر للكاتب نفسه ..


ولعل البداية مني انا شخصيّـاً ولكن استميحكم عذراً بالكتابة باللغة العامية لسهولتها للكاتب والمتلقي سواء بالتعبير أو الفهم..


بصراحة فكرة البرنامج رائعة بكل المقاييس لكن الآلية كانت خطأ وانا في البداية بحكي عن النسخة الأولى لانها النسخة الذهبية (بالرغم من سلبياتها)والسلبيات اللي بالنسخ الثانية والثالثة هي امتداد للسلبيات اللي في النسخة الاولى وطبعاً ، الانتقاد كان واللي الكل يتفق معاي فيه ان التقييم ما كان منصف في البداية لشاعر الأمة اخوي يوسف العصيمي العتيبي والظلم كان واضح وماعليه غبار واستمر هذا الظلم والبعد تماماً عن الانصاف مع شعرائنا خالد العتيبي ونايف المعلا وبندر بن محيا و......و.....،لكن الأقوى في النسخة الثانية كان الشاعر ناصر الفراعنه ، شاعريته وقوة قصائدة ما يختلف عليها اثنين وطبعاً اسباب خسارته لا ومو اي خسارة خسارة فيها عار وخزي مو للشاعر ناصر لا للبرنامج والقائمين عليها وخصوصاً اللجنة ...يا أوآدم هل يُعقل شاعر الثقلين يصير المركز الخامس أولاً كان سعودي وكل السعودية واقفه معاه وبرضوا الخليج لو قلنا على اقل احتمال 50% منهم صوتوا له معقولة يكون المركز الخامس ، وطبعاً السبب كان التصويت ضعيف ، وفجأة وخلال الايام اللي فاتت في قناة من القنوات يطلع بدر صفوق في لقاء ويقول السبب ان ناصر ما اختار القصيدة المناسبه علشان كذا ما اخذ اللقب ..يارجل ايش هذا التناقض ..

فمشكلة هذا البرنامج هــو إستغفال المشاهد ، يعني بالطقاق صدقتوا كان بها ماصدقتوا مشكلتكم ..متجاهلين ان المتلقي صار عنده الوعي الكافي وصار ناقد ناضج ..

والادهى والامر كلمة صفوق انا الجمهور مايهمني لا ويأكد هذا الشئ ويعيد ، يعني قل إحترامه لملايين الجمهور المتابعة للقناة وللبرنامج ، فأنا من برأيي إنسان اسلوبه فيه عنجهية وتسلط ليش يوكل بمهام تقييم ، لانه راح يمارس هذا الشئ في تقييمه وراح يكون تقييمه على حسب مزاجه ومبني على اُسس مزاجية وشخصية ، ولاحظنا هذا الشئ في النسخة الثالثة وبصرااحة اللي خلاني اكتب هو نتيجة كبت ثلاث سنوات من المهزلة اللي قاعدة تصير واللي مازالت مستمرة ، واللي اثار كلماتي بصراحة في الحلقات اللي تُعرض هذي الايام عن مرحلةما قبل الـ 48 وصلت السلبيات إلى تجاوزات شخصية ، فلاحظنا وبالذات في حلقة جــدة أو الرياض قلة أدب وانا تقصدت استخدم هذا اللفظ لانه أكثر شئ يعبر عن اللي حصل ، كذا متسابق تطاول عليهم (المريخي وصفوق) ، تخيلوا كلمات يرددها الاخوان (انت صاحي والا مجنون-اقضب الباب -.....................وغيره وغيره ولي عودهـ بمداخلة ثانية علشان اعملكم احصائية مضبوطة ..

واللي اكتشفت او بمعنى اصح تأكدت إن التقييم مقاييسه كلام فاضي (إلا من رحم ربي من بعض أعضاء اللجنة) ، واللي ما يختلف عليه اثنين إن المسابقة شعرية واللي يقييم شعر وزن وقافية ، فـ الاخوان لا همشوا هذا الشئ والتفتوا للتقييم على حسب الامور الشخصية يعني هذا الشخص انا ما احب قبيلته اوكي راح احطمه أو هذا الشخص قبيلته راح تدعم البرنامج بالتصويت في المراحل المتقدمه خلاص نعديه الحين وفي المستقبل وبعد ما يربح البرنامج يجيب الله مطر ، أو هذا الشخص والله خانع لي ومدح فيني اوكي راح امشيه علشان يرضي غروري ويكون دعم لي باي طريقة من الطرق .............
والمقاييس الغلط كثير وبيسري الليل ماخلصت..

أما مقاييس الشاعرية يمكن واحد او اثنين ماشين عليها ، واللي يثبت عدم كفاءة اللجنة -طبعاً موكلهم- هو إختلافهم في وزن قصيدة وهذا لاحظناه مع واحد من المتسابقين اسمه يوسف من اليمن صفوق يقول مو موزونه ابد نهائي (طبعاً يبغى يكرش الضعيف فجاه من باب الوزن) ، وحمد السعيد يعارضه ويقول انها موزونه ...........وهلما جرا من المواقف اللي ما تحضرني ..



بصراحه الحديث يطول ، لكن حبيت اعطي مجال لكم ..
ولي عودهـ ويمكن تكثر المداخلات واتوقع بيتحدث المتصفح هذا كثير
طالما إن البرنامج مازال يُبث بنفس الطريقة والاسلوب..

[حسام هوازن]

مرحباً بك يا مهرة عتيبة

احيّك على الطرح المهم

انا ماانكر عليكم انا اتابع البرنامج واعتقد

حتى من ينتقدوا هذا البرنامج يتابعوه ايضاً

البرنامج حتى نكون منصفين له ايجابيات في بدايته

ولكن للأسف مسؤولي البرنامج لم يستغلوا نجاحه

بالجزء الاول الى استغلال ايجابي بل جشعهم المادي

كل همهم هو استنزاف اموال المشاهدين والمصوتين

وللأسف اثبتوا للجميع عنصريتهم ورداءة مايعملوه

باامور عدة لامجال لذكره الان ..

بس ويش تتوقعي يا مهرة

اذا كان مديرة البرنامج امراة من مصر الشقيقة

والتي لاتعرف اي شيء عن قاموس الشعر النبطي

المتواجد بشبه الجزيرة العربية الا وهي نشوى الرويني ..

واما لجنة التحكيم فلايحتاج الحديث عنهم

فالجميع ادرى بالسلبيات الموجودة لدى هذه اللجنة

واتوقع انه هذه السنة سيكون سلبيات البرنامج

اقوى واشد من الجزء الثاني ..

سلمتي يا مهرة على المشاركة القيّمة

دمتي بخير

[مُهــرة عتيبــة]

بس ويش تتوقعي يا مهرة

اذا كان مديرة البرنامج امراة من مصر الشقيقة

والتي لاتعرف اي شيء عن قاموس الشعر النبطي

المتواجد بشبه الجزيرة العربية الا وهي نشوى الرويني ..



أخوي حسام هوازن..

شاكره تفاعلك ، وأنا مؤيده لك فيما ذكرت ..

أما بالنسبة لإدارة البرنامج من قِبل إمرأة فليس هذا السبب الرئيسي وإن شكل نسبة فهي 10% أن لم تكن أقل ، فـ البرنامج قائم عليه دولة أو بإسم دولة فيها ابو ظبي عاصمة الثقافة ، فنشوى مجرد تنفيذ لدراسة وأهداف خطط لها كأي مشروع في الحياة ، فعلى سبيل المثال أي شركة قائمة وأيّــاًّ كان نشاطها فإدارتها لها صلاحيات محددة مهما كانت نفوذ مديرها فتضل بحدود أما الآمر الناهي هو صاحب الشركة والمال ..

وهنا في شاعر المليون نشوى مجرد عبد مأمور ...


وجهة نظري...


مع شكري الجزيل على تواجدك...

[حسام هوازن]

أخوي حسام هوازن..

شاكره تفاعلك ، وأنا مؤيده لك فيما ذكرت ..

أما بالنسبة لإدارة البرنامج من قِبل إمرأة فليس هذا السبب الرئيسي
اتفق معك يا مهرة بأن الاخطاء بالبرنامج
من المجحف ان نضعها على شخص نشوى الرويني
في فرق بين التخطيط وتنفيذه بالشكل الذي يراه المنفذ ملائماً
البرنامج تخطيطه وفكرته رائعة ولكن لم يشرف عليه من يعرفوا
التنفيذ السليم له .. للتنويه انا لم اعترض على نشوى على أنها امراة
لا .. انا ذكرتها كون انها تشرف على مسابقة
لاتعرف اي شيء من قاموسه الشعري ..
وللعلم ايضاً هذه السيدة هي ايضاً
مديرة الشركة المنتجة لهذا البرنامج بكل شيء ..
واكيد لها ماعليها كالمدير العام المزروعي
في الستفادة مادياً من المردود المادي
دون النظر الى اصالة ونظامية القصائد الشعرية
ودون اهمية لجودة القصيدة
لذلك الشاعر المشارك بمسابقة البرنامج

عذراً للإطالة يامهرة عتيبه

وتقبلي احترامي

[ناصر بن سعدي]

أختي القديره

مهرة عتيبه

أرحب فيك أنتي ونافذتك الجديده ..


ولي عــوده بعد القراءه .. ومعي كم نقطــه :)



وعلى القــوه نحــو مستقبلٍ شعري أفضــل :

[مُهــرة عتيبــة]

أخوي حسام هوازن
شاكره تحاورك ،،

لكن.

قرأنا أنتقادك للإدارة ، وكنت أتمنى أشوف انتقادك للأسباب الأكثر اهمية في
تدني مستوى البرنامج بالرغم من قوة فكرته ..


أتمنى العــودهـ بطرح وجهة نظر أكثر شمولية وعمق:cool:

وأُهنئك على ما تملك من روح عالية في الحــوار..



تقبل شكري وتقديري..

[مُهــرة عتيبــة]

أخـــوي

ناصر بن سعدي

شاكره مرورك

وبإنتظار عودتك وتفاعلك..

[مُهــرة عتيبــة]

هــــــــــــــــــــــــــــــدوء
هـــــــــــــــــــــــــــــــــل



الهــــــــــــــــــــــــــــدوء
اللـــــــــــــــــــــــــــــذي
يســــــــــــــــــــــــــــبق
العـــــــاصفــــــــــــــــه؟



أم هـــــــــــــــــــــــــدوء
تأييــــــــــــــــــــــــــــــد
سيـــــــــــــــــــــــــاسية
البرنــــــــــــــــــــــــامج!!


أم هـــــــــــــــــــــــــدوء
معـــــــــــــــــــــــــارضة
النـــــــــــــــــــــــــــــقــد
المُحـــــــــــــــــــــــــترم!!

[ناصر بن سعدي]

مشرفتنا الرائعه

نقاط رائعه وملاحظات أروع ..


والبرنامج لايختلف على نجاحه إثنان .. كذلك بعض الفضايح لاتستطيع سترها أمــه بأكلمها :)

والتجربه خيــر برهان ..


وبما أنا الإنصاف مطلوب .. لابد أن أذكر الإيجيابيات ثم السلبيات :)

إنتظروني :)

[ç£àSsْIç]

بـكل أختصار أخت مهـرة "

"نـجاح شاعر المليون الأعلامي غطـى على عيوبة التنظيمية الفاضحة :) "

هم أعتمدو على سياسة ناجحة إعلامياً واللي هي جعل البرنامج منوع وممتع بعيد عن الروتين
يعني فية الضحك وفي الأكشن وفية التعليقات الساخرة وأيضاً فية الشعر أنا أعرف ناس كثير
مالهم في الشعر يتابعون البرنامج وبقوة !! وهذا دليل على أن سياستهم ناجحة


أيضاً إنتـاج البرنامج ضخم جداً .. تابعي جولاتهم اللي تعرض الأن وشوفي كيفية الأخراج السينمائي والكميرات
المستخدمة في التغطية ووو الخ .. شي خيالي صراحة "


والدليل على كلآمي لية فشلت جميع البرامج الشعرية المستنسخه من شاعر المليون ؟
شعّار؟ شاركو شعّار كبار .. لجنة ؟ كل اللجان اللي شفتها أن لم تكن بنفس كفاءة لجنة المليون فهي أفضل
رعـاية ؟ كل البـرامج فيها رعاية أصحاب سمو ومشايخ ْ~ْ

لكن نقطة الفصل في الأنتاج والتنويع البرامج الأخرى روتينها شعر * شعر روتين ممل جداً
بينماً في شاعر المليون أحيان يفتعلون الأثارة والشوشرة من أجل كسر الروتين


عموماً تابعو وأستمتعو ولا تصوتون :) .. تحياتي وأسف على الأختصار كان ودي أسهب أكثر . . لاهنتي

[ناصر بن سعدي]

بعــد العــوده يأخت / مهرة عتيبه ..

أولاً :


النقاط الإيجابيه


1/ شاعر المليون (بوابة الشهره لـ الشاعر) ومشوار وضع الشاعر تحت المجهر سلباً وإيجاباً ..
2/ شاعر المليون كـ برنامج رغم سلبياته يظل الأميز في برامج مسابقات الشعــر ..

3/ شاعر المليون بعــده الشعراء إنصفوا مادياً قبل شاعر المليون الشعراء مستهلكين بدون مقابل ..


4/ شاعر المليون كشف مواهب عديده وأتاح المجال لهم وأغلبهم صغار الســن ..تعرفنا من خلاله على (شعراء -ثقافات - مناطق)

ثانياً/ السلبيات


أما نقاطك أتفق معك في أغلبها ..


وأختلف معك في جزء يسير منها :)

النسخــه الأولى من شاعر المليون ..

شاعر الأمــه / يوسف العصيمي ..


نعم تعرض لـ الظلم عــدة مرات ..القصـد إبعاده عن البرنامج .. ولكن تجري الرياح بما لاتشتهي السفنْ ..بالنسبه لـ اللجنه .. أما المسؤولين عن التصويت فـ أتوقــع كانوا واقعيين ..

أما إبن عبيان والميزاني .. حصل بينهم جدال حول التصويت ولكن فيما يبدوا أن الأسلحه كانت داخلياً وهي حجب الأصوات من قبل شركة الإتصالات حسب ما سمعنا من أخبار وماوصلنا من ضجــه ..


النسخــه الثانيه :

أكبــر فضيحه .. نتيجة تصويت الشاعر بندر المحيا ..وعامر عمر حيث كانت الفضيحه التي يندى من قوتها الجبين ..

أما مايخص الشاعر / ناصر الفراعنــه ..

فـ إلى الآن لم أستوعب أن تصويت جمهور الشاعر ناصر الفراعنه 2% من 50% أمــر لايستوعبه عاقل ..

أما مايخص تعليق صفوق حينما علق بأن نص الفراعنه أقل من المستوى فـ هذا مخالف لـ الواقـع لأنه من خلال تقييمهم حصل على أعلى نسبه .. فـ كيف لم يكون مستواه أقل من المتوقــع ..

ومن أخطاء صفوق أيضاً كلمة (دربنق دربنق ) قمة الإستخفاف من وجهة نظري ..لـ الفراعنــه من قبل صفوق ..


أما الجولات .. التمهيديه لـ النسخه الثالثه من شاعر المليون ..فـ من السلبيات إستهتار اللجنه في الشعراء أحياناً ..

ومن المفترض .. ينتقد النص بطريقه مهذبه .. فالكســر واضــح والركاكه .. وكافة عيوب القصيده تذكر وينتهي تقييم الشاعر .. لماذا مشوار التهكم ..والإستخفاف ..

غيــر كذا تذبذب مستوى اللجنــه ربما لـ الأذواق دور .. ولكن نص عادي يجاز بقوه ومن الجميــع ونص يختلفون عليــه ونص جميل لايجاز .. وبحكم معرفتنا بالشعراء المتقدمين على البرنامج فيه أسماء نراهن على إقتناصها لـ المراكز الأولى نتفاجأ بعدم تأهلهم بينما نتفاجأ .. بأسماء أقل منهم بكثير يتم إختيارهم ..


ولكم خالص تحياتي ..

[مُهــرة عتيبــة]

في البداية اخوي

احمد العصيمي شاكره تواجدك وتفاعلك...

بالنسبة لنجاح البرنامج إعلامياً ما ننكر نجح بالمقارنة بالبرامج المستنسخة على قولتك منه ،،لكن جوهرياً كبرنامج لتقييم شعراء اتوقع ما اخذ النجاح المستحق لو ماكلن فيه السلبيات اللي ذكرناها ويشوفها الجميع ،،وأنا إنتقادي للبرنامج كان لبعض النقاط اللي فيها اجحاف لحق بعض الشعراء الكبار امثال ما سبق ذكرهم ..


ومن ناحية إمكانيات البرنامج والتقنيات المستخدمة انا اتفق معاك في انها من اجود واضخم الامكانيات ،،وهذا من الشكليات ،لكن لما نفكر بعمق في الهدف من البرنامج هو اكتشاف ودعم تروات شعرية قادمة وتضل الشكليات حاجات ثانيوية مدعمه ومو رئيسية ..

وبالنسبة للبرامج الأخرى ما اخذت حقها الكافي من الشهره احتمال كان الهدف الرئيسي مادي وما كان فيه نجاح في النسخة الاولى وماكان فيه تخطيط محكم مثل شاعر المليون علشان كذا ما استمرت وبرضوا ما ننسى ان شاعر المليون له قناة مستقلة وهذا يرجع للتخطيط الصح للبرنامج ..

وما ننكر نجاح برنامج شاعر المعني (السعـــودي)،،واستمراريته بنسخ اخرى هذا علمها في الغيب لكن من ناحية نجح هو نجح..

أما بالنسة لافتعال الآكشن والاثارة انا بصراحة ما تفق في كون الضحية المشاركين والجمهور ،،يعني يبغون يعملون آكشن في برنامجهم وكسر للروتين اوكي ما اختلفنا بس مو على حساب ناس عندهم مشاعر واحاسيس..


اخوي احمد //محامي شاعر المليون :)
كنت حابه اسمع لو انتقاد واحد وطبعاً من باب الانتقاد البناء لكن يضل لكل شخص وجهة نظره ولك الاحترام على هذا التواجد العطر...

[ç£àSsْIç]

هلا مهرة .. الشكليات في الوقت الحالي مهي ثانوية بالعكس عامل قوي لجذب الجمهور

وبالنسبة لـ إنتقاد البرنامج تعبنا من كثر مانحكي عن ننتقد الغش والتدليس في البرنامج
ويكفي اللي صار مع يوسف العصيمي .. والغش اللي صار العام الماضي عند سحب القرعة
من الشاعر عبدالرحمن الشمري وتم توثيقة في حارة المساطيل بالفديو "

يعني يوزعون الشعّارحسب قبائلهم عشان يكسبون أكبر قدر ممكن من رسائل الـتصويت
وهاذي بحد ذاتها سقطة .. لأن اللي غش في القرعة ماراح يصعب علية الغش في التصويت :rolleyes:


لكن زي ماقلت لك البرنامج ممتع .. وأخرج لنا شعّار ماكنا نعرفهم في الساحة

تحياتي يامهرة عتيبة .. ولو أنا محامي لهم ماقلت لاتصوتون :D

[مُهــرة عتيبــة]

اخوي
ناصر بن سعدي

الحمدلله على السلامه:)

كفيت ووفيت ..

لكن عندك إستعداد اعلق وارد على نقاطك الايجابية والسلبية ؟؟


:rolleyes:

[ناصر بن سعدي]

أختي

مهــرة عتيبه


خذي راحتك..


ونواصــل ..وعلى الرحب والسعــه ..:)

[مُهــرة عتيبــة]

اخوي

ناصر بن سعدي

لك الشكر على إتاحة المجال للمناقشه..





1/ شاعر المليون (بوابة الشهره لـ الشاعر) ومشوار وضع الشاعر تحت المجهر سلباً وإيجاباً ]


اولا بالنسبة للبرنامج اذا هو الهدف الشهرة بغض النظر عن نوعها فهو فعلاً بوابة للشهره ،،هذا إذا الشخص سطحي ومايهمه غير انه يشتهر وعلى سبيل المثال واحد من المشاركين في النسخة الثانية وصل لمراحل متقدمة وبالنهاية طلع من البرنامج واشتهر لكن للاسف اشتهر بإيش (-- بن -- معلماً لفنون التفحيط) ،،اي شهره يبغى بعد المهزلة هذي ..
ما انكر هو يضيف الشئ الكثير للمشاركين ،،لكن الإضافة المطلوبة واللي يتمناها اي مشارك بتكون تحت رحمة اللجنة يعني يا ما شارك كثير ولهم حضورهم الاعلامي سواء بأمسيات أو كونهم مذيعين معروفين وبالنهاية حتى مرحلة الـ 48 ما وصلوها وللاسف انهم مازالوا يشاركون ..

لكن تضل في الاخير وجهة نظر ومسألة قناعة !!




2/ شاعر المليون كـ برنامج رغم سلبياته يظل الأميز في برامج مسابقات الشعــر ..
]

مؤيــــــــــــــــــــدهـ

3/ شاعر المليون بعــده الشعراء إنصفوا مادياً قبل شاعر المليون الشعراء مستهلكين بدون مقابل ..]

الإنصاف هذا اللي هو نتيجة برنامج ينتج في السنة ملايين من الشعراء المؤقتين راح يكون مؤقت ومحدود وكل جيل ناتج عن هـ البرنامج راح بلغي الجيل اللي بعده ،، والشاعر اللي عنده ثقه بشاعريته يقدر يفرض نفسه بدون برامج ممكن تضيف له شئ إيجابي مؤقت أو شئ سلبي دائم..




4/ شاعر المليون كشف مواهب عديده وأتاح المجال لهم وأغلبهم صغار الســن ..تعرفنا من خلاله على (شعراء -ثقافات - مناطق)]


مؤيـــــــــــــــدهـ





أما المسؤولين عن التصويت فـ أتوقــع كانوا واقعيين ..]

العذر والسموحه منك وانا اختك ..التصويت ما قصرنا بالتصويت ولا تنسى إن الله خلق نصف العرب عتبان وبالذات إن البرنامج كان النسخه الاولى ومافيه اي انتقاد او شك في مدى نزاهته فكنا ندفع الملايين علشان يفوز يوسف فلو اخذ التصويت المجرى الطبيعي يمكن قدرنا نجيب الدرجات اللي اللجنة ما اعطوها يوسف وزيادة وبيكون فيه فائض ونوزع على الجيران!!:D






فـ إلى الآن لم أستوعب أن تصويت جمهور الشاعر ناصر الفراعنه 2% من 50% أمــر لايستوعبه عاقل ..]
وكيف يستوعب هـ العاقل برضوا نتائج التصويت ليوسف ،،يوسف وناصر اخذوا حقهم من الاجحاف والظلم من اللجنة والقائمين على التصويت !!

أما مايخص تعليق صفوق حينما علق بأن نص الفراعنه أقل من المستوى فـ هذا مخالف لـ الواقـع لأنه من خلال تقييمهم حصل على أعلى نسبه .. فـ كيف لم يكون مستواه أقل من المتوقــع ..

ومن أخطاء صفوق أيضاً كلمة (دربنق دربنق ) قمة الإستخفاف من وجهة نظري ..لـ الفراعنــه من قبل صفوق ..]
بالذات هذا الشخص لو يكتفي بكلمة مجاز او غير مجاز تكون في رصيده وتحسن صورته اذا باقي صورة ،،لان الشخص اللي ما يحترم المتلقي وهو ما وجد الا علشان الجمهور المتلقي فمن الطبيعي أن لا يحترم في اي مقام واي مكان ...


أما الجولات .. التمهيديه لـ النسخه الثالثه من شاعر المليون ..فـ من السلبيات إستهتار اللجنه في الشعراء أحياناً ..

ومن المفترض .. ينتقد النص بطريقه مهذبه .. فالكســر واضــح والركاكه .. وكافة عيوب القصيده تذكر وينتهي تقييم الشاعر .. لماذا مشوار التهكم ..والإستخفاف ..

غيــر كذا تذبذب مستوى اللجنــه ربما لـ الأذواق دور .. ولكن نص عادي يجاز بقوه ومن الجميــع ونص يختلفون عليــه ونص جميل لايجاز .. وبحكم معرفتنا بالشعراء المتقدمين على البرنامج فيه أسماء نراهن على إقتناصها لـ المراكز الأولى نتفاجأ بعدم تأهلهم بينما نتفاجأ .. بأسماء أقل منهم بكثير يتم إختيارهم ..]

للاسف اللجنة دخلت في مسائل نفسية وإجتماعية وبيولوجية وشويتين ويدخلون في التكنولوجيا ويمكن فجأة يحللون حمض الـ DNAيعني يدخلون في شغلات مالها اي علاقة بطبيعة البرنامج ،،لاني المتسابق جاي يقدم ابيات وقصيدة فالمطلوب تقييمها من ناحية الوزن والقافية والصور البديعية والمعنى و...و...امور لها علاقة بالشعر ،،للاسف يدخلون في امور بعيده كل البعد عن لُب الموضوع ..


مع كل هذه السلبيات إلا أن البرنامج يعتبر من البرامج الناجحه نسبياً
ولو تفادى القائمين عليه هذه السلبيات ومحاولة تطويعها فسيصل بإذن الله لدرجة الكمال ويكون البرنامج المتفوق على مستوى العالم العربي المهتم بالشعر النبطي...






اعتذر عن الاطالة اخوي ناصر ...

[مراسلكم]

مشكورين

نقد هادف من غيورين على الشعر والشعراء


مهرة عتيبه <~ مديره ناجحه

ناصر سعدي <~ التجربه تتحدث


أتمنى إستمرار نقدكم حتى النهايه

[مُهــرة عتيبــة]

هلا مهرة .. الشكليات في الوقت الحالي مهي ثانوية بالعكس عامل قوي لجذب الجمهور

يعني يوزعون الشعّارحسب قبائلهم عشان يكسبون أكبر قدر ممكن من رسائل الـتصويت
وهاذي بحد ذاتها سقطة .. لأن اللي غش في القرعة ماراح يصعب علية الغش في التصويت :rolleyes:
:D

اهلين اخوي

احمد العصيمي..
أنا اتفق معاك في كون الشكليات عامل مهم وقوي لجذب الجمهور ولفت الانظار والانتباه سواء كان برنامج او حتى في امور حياتنا العامه،،
لكن الشكليات يكون الاهتمام فيها اكبر وتشغل 100 % من فكر المنتج وصاحب الفكره لما يكون البرنامج استعراضي وما فيه ماده قيّمه يقدمها ،، وشاعر المليون يقدم( شــعر ) يعني يقدم ثروة وتاريخ وتراث وادب معنى ،،فأتوقع الشكليات هنا راح تكون دعم مو شئ اساسي ..


وكلامك الأخير اثبت لي إن نظرتك ثاقبه وإنك فعلاً وصلت مرحلة اللامبالاة من سلبيات وسقطات البرنامج..


لكن لفت انتباهي رد لك في موضوع لاختي اشراقات عن إن نسبة الشعراء العتبان في النسخة الثالثة كان كبير ...


وتساؤلك اللي لفت انتباهي وكثير برضوا مشغل تفكيري من النسخة الثانية مع العلم انه انتشر ان العتبان اخذوا موقف وبرضوا السعوديين
إلا إني اشوف العدد كل ماله في إزدياد يا ترى ليش ؟؟


اخوي احمد وافر شكري وتقديري

وبإنتظارك بعد قراءة وتمحيص في الحلقات الجايه اكيد المتعة والاثارة بتكون فيها اكبر..

[مُهــرة عتيبــة]

مشكورين

نقد هادف من غيورين على الشعر والشعراء


مهرة عتيبه <~ مديره ناجحه

ناصر سعدي <~ التجربه تتحدث


أتمنى إستمرار نقدكم حتى النهايه


اخوي مراسلكم ..


مرورك اسعدنا كثير ،،

ونتمنى عودتك والمشاركه في النقد ،،

الموضوع بيزيد قيمة بمشاركتك الفعليه ..


ومشكور شهادتك تاج وانا اختك..


بإنتظـــارك..

[مُهــرة عتيبــة]

مساء الخيرات


عندي تساؤل بالذات بعد جولة الاردن ...


لاحظنا كثرة العنصر النسائي المشارك ....

ولاحظنا مراعاة اللجنه في التقييم للنساء سواء كانت مجازة او غير مجازة..

سؤالي هل يعتبرهذا في صالح اللجنة او ضدها ....
وهل في الشعر فرق بين كون الكاتب ذكر او انثى !!!:confused:


تساؤل عابر .........;)

[ç£àSsْIç]

إلا إني اشوف العدد كل ماله في إزدياد يا ترى ليش ؟؟


عدة أسباب من أهمها كثرتهم . مقولة كـل عتيبي شاعر كنت أسمعها كثير وأعتقد أنها من باب المبالغة
لكن بعد ما فكرت شوي وجدت أن جميع اللي أعرفهم من قريب أو بعيد من عتيبة شعّار !!
أو فيهم نسبة شـاعرية . ومع هالكثرة صعب الواحد يخرج للضوء .

أنـا متأكد أن مشاركاتهم في البرنامج مهي عشان البيرق . لكن للخروج للـضوء
يوسف العصيمي . فهد القثامي . عبدالله السميري . بندر المحيا . محمد الحويماني

أغلب الناس كانو مثلي مايعرفون عنهم شي لامن بعيد ولا من قريب . لاكن بمشاركتهم عرّفو
نفسهم للجمهور وكونو لهم شعبية جـارفة . أعتقد هذا سبب مشاركة الكثير من أبناء القبيلة
مــع أني متآكد أنـهم متحفظين على سياسة البرنامج . لآكن العوض ولا القطيعة :o


ولاحظنا مراعاة اللجنه في التقييم للنساء سواء كانت مجازة او غير مجازة.. سؤالي هل يعتبرهذا في صالح اللجنة او ضدها ....
وهل في الشعر فرق بين كون الكاتب ذكر او انثى !!!



كلآمك سليم ونرجع لسالفة الأثارة المصتنعه ;) . وأعتقد أن المخططات تتجة صوب النساء
وراح ينجحون في مخططهم خصوصاً أذا كانت البنت سـعودية . تخيلي سعودية وتطلع
تقول صوتو لي ! ؟ :eek: .. كل شي متكتك في هالبرنامج ..


وبالنسبة للشعر النسائي . أكيد فية شعر نسائي وفية شاعرات أخذن حقهن عرض وطول في هالمجال

لآكن البرنامج منبري وأغلب الحظور رجال ومشايخ . هل من المعقول أن تتفوق المراءة ع الرجل
في هذه الظروف !! بالتأكيد لأ . ولو هي بالجدارة وقوة القصيد مافية ولا بنت تستاهل الوصول لشاطئ الراحة :)

تحياتي "

[مُهــرة عتيبــة]

هو من ناحية عتيبه كلهم شعار مافيها شك والدليل كل محفل شعري او مناسبه يكون الشعر فيها نشوف تواجد أقل شئ 6 من شعار عتيبه والدليل مهرجان المغترة اللي ثلاثة ارباع الموجودين فيه عتبان ،،
لكن ردة الفعل بعد يوسف كانت قوية وسمعنا بقرارات من شيوخ عتيبه
والمفاجأة ان النسخة الاخيره لو ماشارك العتبان كان اقتصرت جولاتهم على جولتين بس والسبب ان اللي شاركوا كلهم عتبان (الله يحفظهم) ،،لكن طالما إن حب الأضواء هو السبب الرئيسي في المشاركة فهذا بحد ذاته مبرر لكثرتهم

مع العلم إن فيه محافل كثير ممكن انها تبرزهم وبعز وكرامتهم محفوظه على سبيل المثال ملتقى عتيبه طلع لنا نجوم ما كنا نعرف عنهم وحتى اطفال على سبيل المثال عبدالعزيز العصيمي ،،وبرضوا سعود الحافي العتيبي عرفناه من قبل مشاركته في شاعر المليون وبالعكس كنا نعرفه بشموخ لكن الله يستر بعد البرنامج:confused:


ومثل ماقلت لاخوي ناصر في تعقيبي على رده ان حب الظهور او الشهره مو على حساب الكرامة ...........الرد فوق الله لا يهينك شوفه..





وبالنسبة للعنصر النسائي وكون هذا من ضمن التكتيك على قولتك ،،
العتب مو على اللجنة العتب على اللي مشاركة وحطت نفسها في هـ الموقف ،،والدليل انه موقف مو في صالحها ردك ان ولا وحده أذا هي على قصايدها راح توصل لشاطئ الراحه
مع العلم إن الجهنية اللي بالسعودية قصايدها كانت حلوه وبرضوا العدوانية صحيح انها كانت في البداية طلاسم بس حلوه..
((لآكن البرنامج منبري وأغلب الحظور رجال ومشايخ . هل من المعقول أن تتفوق المراءة ع الرجل )) هنا مربط الفرس معناته التقييم مو منصف ولا على اساس الشاعرية والقصايد..



ع العموم اخوي ç£àSsْIç

لنا عـــــــــــــودهـ

شكري وتقديري

[مُهــرة عتيبــة]

عــــودهـ


انتشر بالفترة الأخيرة
في اوساط المجتمع المتابع لبرنامج شاعر المليون ما بين مؤيد ومعارض لسياسته
اعداد من تم تأهلهم لمرحلة الـ 48

وطبعاً ما صعقني هو عدد المتأهلين من السعوديه..

حيث تناقل الناس

أن عددهم

17 متأهل فقط من السعودية:eek: !!

اتمنى من من لديه الخبر اليقين
ابلاغنا بالصحيح .....

بإنتظار المصدر الموثوق..

ان كان صحيح فله تبعيات.......:confused:
وإن لم يكن صحيح ،،،تبقى إشاعه والحمد لله:cool:!!!

[ناصر بن سعدي]

عوده من جديد يأخت مهرة عتيبه


وياهلا و غلا .. ونواصل بعد الفاصل ..

اولا بالنسبة للبرنامج اذا هو الهدف الشهرة بغض النظر عن نوعها فهو فعلاً بوابة للشهره ،،هذا إذا الشخص سطحي ومايهمه غير انه يشتهر وعلى سبيل المثال واحد من المشاركين في النسخة الثانية وصل لمراحل متقدمة وبالنهاية طلع من البرنامج واشتهر لكن للاسف اشتهر بإيش (-- بن -- معلماً لفنون التفحيط) ،،اي شهره يبغى بعد المهزلة هذي ..
ما انكر هو يضيف الشئ الكثير للمشاركين ،،لكن الإضافة المطلوبة واللي يتمناها اي مشارك بتكون تحت رحمة اللجنة يعني يا ما شارك كثير ولهم حضورهم الاعلامي سواء بأمسيات أو كونهم مذيعين معروفين وبالنهاية حتى مرحلة الـ 48 ما وصلوها وللاسف انهم مازالوا يشاركون ..

لكن تضل في الاخير وجهة نظر ومسألة قناعة !!


بحكم قربي من الشعراء هدفهم ليس مادياً بقدر ماهدفهم الوصول إلى جماهيرهم من خلال هذا البرنامج الضخم .. وسالفة تحت رحمة اللجنه فهذا هو الطريق الوحيد لـ الوصول إلى الجمهور حتى الآن ..

أما الشهره فيتحكم فيها الشاعر نفسه من يرسم لـ نفسه خط سير سليم كسب إحترام الجميع .. ومن يرسم لـ نفسه خط آخر فهذا شأنه هو ..

أما أصحاب الحضور الإعلامي فـ عتبي عليهم كبير لأنهم وصلوا إلى جماهيرهم قبل شاعر المليون ولكن ربما لهم أهداف لانعلمها ..

وألمس من خلال ماشاهدت أن اللجنه تستفيد منهم مثلاً (لماذا شاركت ومالهدف .؟) ومن ثم تبعدهم رغم إستحقاقهم لـ التأهل ..

العذر والسموحه منك وانا اختك ..التصويت ما قصرنا بالتصويت ولا تنسى إن الله خلق نصف العرب عتبان وبالذات إن البرنامج كان النسخه الاولى ومافيه اي انتقاد او شك في مدى نزاهته فكنا ندفع الملايين علشان يفوز يوسف فلو اخذ التصويت المجرى الطبيعي يمكن قدرنا نجيب الدرجات اللي اللجنة ما اعطوها يوسف وزيادة وبيكون فيه فائض ونوزع على الجيران!!

من ناحية نزاهة التصويت في المرحله قبل الأخيره أتوقع واقعيه والدليل يوسف العصيمي من المركز الأخير إلا الثالث ..

لكن ظلم اللجنه وضح جلياً في المرحله النهائيه من ناحية التقييم


وكيف يستوعب هـ العاقل برضوا نتائج التصويت ليوسف ،،يوسف وناصر اخذوا حقهم من الاجحاف والظلم من اللجنة والقائمين على التصويت !!

هنا يبقى دور الإداره العليا التي ربما يكون لها دور في المسأله ..هي من تحدد ذلك إن أرادت كسب إحترام الجميـع وثقتهم في البرنامج ..
بالذات هذا الشخص لو يكتفي بكلمة مجاز او غير مجاز تكون في رصيده وتحسن صورته اذا باقي صورة ،،لان الشخص اللي ما يحترم المتلقي وهو ما وجد الا علشان الجمهور المتلقي فمن الطبيعي أن لا يحترم في اي مقام واي مكان ...

مؤيــد لك ..

للاسف اللجنة دخلت في مسائل نفسية وإجتماعية وبيولوجية وشويتين ويدخلون في التكنولوجيا ويمكن فجأة يحللون حمض الـ DNAيعني يدخلون في شغلات مالها اي علاقة بطبيعة البرنامج ،،لاني المتسابق جاي يقدم ابيات وقصيدة فالمطلوب تقييمها من ناحية الوزن والقافية والصور البديعية والمعنى و...و...امور لها علاقة بالشعر ،،للاسف يدخلون في امور بعيده كل البعد عن لُب الموضوع ..


مع كل هذه السلبيات إلا أن البرنامج يعتبر من البرامج الناجحه نسبياً
ولو تفادى القائمين عليه هذه السلبيات ومحاولة تطويعها فسيصل بإذن الله لدرجة الكمال ويكون البرنامج المتفوق على مستوى العالم العربي المهتم بالشعر النبطي...



ودمتي بخيـــر وشاكر لك سعة صدرك ولي عوده ..

[ناصر بن سعدي]

مساء الخيرات


عندي تساؤل بالذات بعد جولة الاردن ...


لاحظنا كثرة العنصر النسائي المشارك ....

ولاحظنا مراعاة اللجنه في التقييم للنساء سواء كانت مجازة او غير مجازة..

سؤالي هل يعتبرهذا في صالح اللجنة او ضدها ....
وهل في الشعر فرق بين كون الكاتب ذكر او انثى !!!:confused:


تساؤل عابر .........;)

أهلاً وسهلاً مره ثانيه ..


وفعلاً لمست ولاحظت التغيير التام من قبل أعضاء اللجنه ..


شفت الإحترام والإنصات حاضر والأدب .. وإحترام آداب المجلس بحذافيرها ..

بس مدري وش الأسباب :):)

[ناصر بن سعدي]

بإنتظار المصدر الموثوق..

نعم تم إختيارهم ..


وإليك الإجابه بإختصار حتى الإعلان المرتقب ..

شعراء قبيلة عتيبه ثلاثه فقط الذين وقع عليهم الإختيار وتأكدت مشاركتهم ..

أما العنصــر النسائي فتم إختيار واحده من السعوديه ..وإثنتان من الإدرن ..


ولي عــوده لـ التكلم عن سلبيات وأخطاء والإختيار

ولكم خالص تحياتي ..

[مُهــرة عتيبــة]

اخوي
ناصر بن سعدي


لكَ الشكر الجزيل


أولاً
على روح الحوار الناضجه
وإتقان فن الحوار..

ثانياً
على حضورك المتجدد..


ولـــي عـــودهـ
بعد القراءة بهدف الرد:)

[ރالزيــاديރ]

متــــــابع بصمت لعدم متابعتي للبرنامج بعد النسخه الأولى ...

أختي مهرة عتيبة شدني أسلوبك بالنقاش((تسجيل أعجاب لشخصك))

تحياتي للجميــع

[مُهــرة عتيبــة]

متــــــابع بصمت لعدم متابعتي للبرنامج بعد النسخه الأولى ...

أختي مهرة عتيبة شدني أسلوبك بالنقاش((تسجيل أعجاب لشخصك))

تحياتي للجميــع


اخوي
الزيــــــــادي

شكراً لتواجدك ،،وزادني شرف تعليقك وشهادتك..

لكـــــــن،،
ماراح نعفيك من طرح وجهة نظرك علشان تزيد قيمة الموضوع
ويزدان النقاش أكثر وأكثر ،،لأن عندي اليقين انك تملك الكثير
بخصوص هذا الموضوع بالذات انك مكتفي بالنسخة الأولى..


يإنتظــارك..

مع شكري وتقديري على تفاعلك..

[خيّال الهيلا]

من رأيي كمتابع وكمتذوق للشعر ومحب لكتابته ..
سأخذ من كل بحر قطرة ..


1 ـ البرنامج ينصف على حسب الدول ثم يصنف حسب القبائل ..
فلو لاحظنا جولاته يهمش شعراء لو زاد من نفس الدولة متميزين الشعر
فلو اختير العام الماضي المميزين في السعودية لغطت البرنامج ..
وهذا مما يعني البرنامج قد لا يكون هدفه جمع متميزين الشعر
اكثر من هدفه بكسب جماهير وكسب تصويتات
وهذا مايثبته جولتهم في الاردن وليبيا واخذ شعراء من مصر ..
حتى يوسعون دائرة الربح المادي !

ثم يبدأ تصنيف حسب القبائل بحيث لا يجتمع ابناء قبيلة
ولا يتأهل أكثر من واحد للنهائي
مما يعني مثلا لو كان هناك شاعرين من أميز الشعراء ومن قبيلة واحده
سيخرج احدهما وسيتأهل شخص آخر !


2 ـ البرنامج لم يطرح للجميع أسباب وأولويات اختيار لجنة التحكيم
فمن اختار لجنة التحكيم وعلى أي أساس .. ولو فرضاً كان هناك هامة
شعرية وأمامه من الحكام من أصغر منه عمراً وخبرة
من الأعلم ومن يقيم من !


3 ـ البرنامج لا يمشي على مبدأ التجديد الا في مذيعين البرنامج !
لا أعلم سبب عدم التجديد في لجنة التحكيم والبقاء على نفس الأسماء
حتى لو في نظرتهم .. مستواهم يؤهلهم للأستمرار
التجديد في الدماء مطلب لاعطاء نكهة للبرنامج
وتغيير من الروتين الممل من نفس العبارات والانتقادات


4 ـ السخرية من قصائد او أبيات من أبشع النقد ..
الشعر مشاعر .. والقصائد كتابة لتلك الاحاسيس التي يملكها الشاعر
عندما يسخر من أبيات ويصفها بغير النقد
بتجريح الشاعر او انقاص من قيمة المكتوب
سواء في المراحل الاولية او في نفس البرنامج
ليس فقط من قلة الاحترام تلك السخرية
بل من العيب السخرية من شخصية شخص أمام الكاميرا
والتفنن بتلك السخرية بالضحك المشمئز


برنامج شاعر المليون ناجح في شعراءها وموجودينه
والدعم المادي والمعنوي والحضور الجماهيري له
لكن سيء من النواحي الداخليه
ليس في كل شيء
لا بل من كل شيء هناك شيء سلبي
ولم اتكلم عن التنظيم الجماهيري والمحاباة وطرد اشخاص مع وجود مقاعد
لزيادة جماهيرية شاعر على شاعر آخر ..

ولم اتكلم عن تنظيم فقرات البرامج
فماعلاقة البرنامج بأشراك مغنيين !
وماداعي اللقاء مع الشاعر قبل الدخول
الجميل ان يعاد اللقاء بعد خروجه من اداء القصيده
بدون فواصل ومباشرة من وصوله للباب !

أشياء كثيرة
لكن حتى لا أثقل التواجد

وهذا لايفقد البرنامج طعمه الجميل وصيته الذائع
وباب الشهره الاوسع
لكن لو تخلصت من تلك السلبيات
سيكون انجح وانجح بكثير في كل النواحي

والله يوفق الجميع ويوفق شعراء عتيبة بالأخص
وابناء المملكة العربية السعودية ..

شاكرلك مهرة عتيبة
عالطرح الراقي والنقاش المثمر
بارك الله فيكِ ...

[مُهــرة عتيبــة]

اخوي
بن هليل الثبيتي

تناولت الموضوع بطريقة سلسلة شاملة ووافيه..


أشكرك جزيل الشكر على تفاعلك
ولي عــودهـ للتعليق..


وبإنتظارك
بعد بـــدء المراحل الفعليه للبرنامج..
فبثها سيحمل الكثير والكثير:rolleyes:


الموضوع زادت قيمته بتفاعل قلم ناقد كقلمك..

[مُهــرة عتيبــة]

1 ـ البرنامج ينصف على حسب الدول ثم يصنف حسب القبائل ..
فلو لاحظنا جولاته يهمش شعراء لو زاد من نفس الدولة متميزين الشعر
فلو اختير العام الماضي المميزين في السعودية لغطت البرنامج ..
وهذا مما يعني البرنامج قد لا يكون هدفه جمع متميزين الشعر
اكثر من هدفه بكسب جماهير وكسب تصويتات
وهذا مايثبته جولتهم في الاردن وليبيا واخذ شعراء من مصر ..
حتى يوسعون دائرة الربح المادي !

ثم يبدأ تصنيف حسب القبائل بحيث لا يجتمع ابناء قبيلة
ولا يتأهل أكثر من واحد للنهائي
مما يعني مثلا لو كان هناك شاعرين من أميز الشعراء ومن قبيلة واحده
سيخرج احدهما وسيتأهل شخص آخر !

اخوي بن هليل أصبت كبد الحقيقة بما ذكرت ..

وهذا طبعاً إتضح بعد الإعلان عن قائمة الـ 48 من قبيلة عتيبه رُشح ثلاثة بالرغم من استحقاقية الأغلبية لدخول مرحلة الـ 48 لكن آلية البرنامج وبحكم إن مقاييسهم إقليمية وقبلية راح تختل السياسة بترشيح أكثر من 3 مع العلم إن المراحل المتقدمة والنهائية اللي بيكون فيها واحد بس من الثلاثة ..

2 ـ البرنامج لم يطرح للجميع أسباب وأولويات اختيار لجنة التحكيم
فمن اختار لجنة التحكيم وعلى أي أساس .. ولو فرضاً كان هناك هامة
شعرية وأمامه من الحكام من أصغر منه عمراً وخبرة
من الأعلم ومن يقيم من !

بالنسبة للجنة التحكيم للأسف اللي كان عنده خلفية وتقييمه على أساس ومقنع كان في النسخة الأولى الاستاذ علي المسعودي كان منصف من وجهة نظري فمن ناحية حدود الانتقاد الشعرية كان ملتزم فيها وطبعاً غير عن المتواجدين الآن اللي المسائل الشخصية والعاطفيه ومسائل ثانية هي أساس تقييمهم ومن ناحية الحبرة الشعرية نادراً ما نشوفها من 3 فقط للأمانة..


3 ـ البرنامج لا يمشي على مبدأ التجديد الا في مذيعين البرنامج !
لا أعلم سبب عدم التجديد في لجنة التحكيم والبقاء على نفس الأسماء
حتى لو في نظرتهم .. مستواهم يؤهلهم للأستمرار
التجديد في الدماء مطلب لاعطاء نكهة للبرنامج
وتغيير من الروتين الممل من نفس العبارات والانتقادات

أسباب عدم التجديد انا اتوقع بعد السمعه البطالة اللي الأغلبية يحاول يعلق فشل اللجنة على إن (الشجره المثمرة ترمى بالحجارة) وراء عدم رغبة من يملكون الخبره في الشعر بالإلتزام والارتباط مع هذا البرنامج ..
4 ـ السخرية من قصائد او أبيات من أبشع النقد ..
الشعر مشاعر .. والقصائد كتابة لتلك الاحاسيس التي يملكها الشاعر
عندما يسخر من أبيات ويصفها بغير النقد
بتجريح الشاعر او انقاص من قيمة المكتوب
سواء في المراحل الاولية او في نفس البرنامج
ليس فقط من قلة الاحترام تلك السخرية
بل من العيب السخرية من شخصية شخص أمام الكاميرا
والتفنن بتلك السخرية بالضحك المشمئز

عين العقل..




ولم اتكلم عن تنظيم فقرات البرامج
فماعلاقة البرنامج بأشراك مغنيين !
وماداعي اللقاء مع الشاعر قبل الدخول
الجميل ان يعاد اللقاء بعد خروجه من اداء القصيده
بدون فواصل ومباشرة من وصوله للباب !

كل هذا مافيه مشكلة يحطون اللي يحطون لكن إحترام الشاعر وقصيدته المفروض يكون من الأولويات سواء إدارة البرنامج او مقدمين او لجنة تحكيم ،،لأن الإحترام مطلب اساسي بدون وجود الكاميرا فما بالك في بث مباشر وغير مباشر للملأ..

أشياء كثيرة
لكن حتى لا أثقل التواجد

شاكره ومقدره اخوي
على براعتك في الإنتقاد ..
وبإنتظار قلمك المبدع بعد مشاهدتك
للمراحل والحلقات القادمة من برنامج شاعر المليون ..

[مُهــرة عتيبــة]

مساء الخير

للجميع..........

عــــــودهـ لما يستحق العـــــــودهـ



الكل تابع مجريات الحلقة الأولى من مرحلة الـ 48 (المرحلة الأولى)
لبرنامج شاعر المليون ...

وللاسف أنا شخصياً كان مجرد مشاهدة واحده وسريعه على الحلقه فليس
من المنصف التقييم من مجرد نظره سريعه ..


أما بالنسبة للحلقة الثانية من نفس المرحلة ،،فإلى هذه اللحظه كانت المشاهدة لبعض الشعراء وبعض المقاطع وبالرغم من المشاهده السريعه إلا أن لدي الكثير ..


ولكن بعد المشاهدة لها بدقه أكثر في أقرب فرصه للتعليق بالشكل المُنـــصف سأطرح ما لدي..;)


هذا المصتفح ..

مساحه حُــره لطرح وجهة النظر وبدون أي تردد أو تحفظ

شاركونا فلدينا اليقن أن لديكم الكثير..


شاكره للجميع ..

[مُهــرة عتيبــة]

صبـــاح / مســـاء
الخيــــر

انجبرت اكتب مع العلم إني ما تابعت إلى الآن الحلقه كامله ،، لكن شكل وقت المتابعه بيطول ،، فبعلق على حسب ما شفت ولي عوده إذا استجد جديد..

-نايف المعلا العتيبي
-حمد الهاجري
- شبيب بن عرار
- علي الراسبي
- فهد الشهراني
- محمد حسين المويزري
- محمد الوسمي
- محمد السرحان

اسماء المشاركين الحلقة الثانية من المرحلة الأولى(مرحلة الـ 48)

وعلى حسب معلوماتي البسيطة إن المرشحين من اللجنة الشاعر فهد الشهراني وشاعر ثاني ما يحضرني اسمه ،،ومن خلال ما شفت بالرغم من عدم إشادة اللجنة بالمستابق فهد الشهراني الإشادة الكافيه اللي تخليه يكون من المستبعدين من التصويت إلا إنه نجا من حبل المشنقه ..

ومن وجهة نظري كان للشاعر حضوره اللي يخليه يستحق التأهل لكن السؤال إذا تقريباً 3 من اللجنة يعني اكثر من نصف اللجنة مااعجبتهم قصيدته وكان مستواها بالنسبه لهم عادي سؤالي كيف تأهل؟؟

او هذي حسبه ثاني وبحكم إنه اول متسابق من قبيلة شهران فللمجاملة ومحاولة كسب القبيلة وتحفيزها للتصويت في المستقبل هنا دور (أنا ما اقلل من شاعرية المتسابق بالعكس يستاهل ولكن تساؤلي على قرار اللجنة)؟؟!!

وغيره والأهم
بالنسبة
وأنا شاعر سعودي وأفتخر وأمثل العتبان
ديار العرب من حد الخليج لطنجه لطانــي

شاعرنا ممثلنا الشاعر نايف المعلا العتيبي

http://v7v.org/upfiles/uXc58385.jpg


كان له حضوره المميز ،،قصيدته مستوفيه لكل الشروط والمقاييس الشعريه ،،بعيده كل البعد عن الفخر والاستفزاع بالقبيلة و..........و........وخاليه من جميع المآخذ اللي كانت تؤخذ ضد ممثلينا في النسخ السابقه..

أو يمكن الشاعر محاسب على المقدمة اللي هي البيتين اللي بدأ فيها الشاعر نايف ؟؟؟!!!!
إذا كذا معذورين لان الشاعر بين هو من اي قبيلة:D
مع العلم إن المآخذ هذي لها وجودها اذا بيتقييم شعراء وتتلاشى اذا شعراء آخرين ،، والدليل واحد من المتسابقين اللي تأهلوا من اللجنة قطعه واحد من أعضاء اللجنة بالمدح وأخذ بيده في فخره بقبيلته وديرته ..
و لا يفوتكم ركزوا في نظرة المريخي وملامح وجهه وغيره من الأعضاء ولكم قراءة الملامح تعرفون النتيجة قبل لا يقيمون;)


أنا لسا ما شفت الحلقه بالشكل اللي يخليني اسهب اكثر لكن هذي نتيجة ممثلنا نايف من الجمهور وبإعتقادي انها من النسب الأعلى على مدار الحلقتين الأولى والثانية !!!

http://v7v.org/upfiles/S7158978.jpg


لي عودهـ

لكم الشكر..
وجهة نظر لا تمثل غير الكاتب!!

[خيّال الهيلا]

ان طال الكلام او قل ..
ستكون الخطه

من كل قبيلة واحد ..
ولو تأهل اثنان من قبيلة
يجب ان يتأهل واحد من التحكيم ..
والآخر عن طريق التصويت !

الآن لو بحول الله فاز بن معلا بالتصويت
القادم يجب ان يتجهز للفوز من لجنة التحكيم ..
ولن يتأهل العتيبي الثالث ..

بيوصل للمرحلة القادمة ليبي ويمني وأردني وثنين اماراتيه وثلاث كويتين
واثنين من قطر وإمرأة ..
والبقية سعوديين مقسمين على القبائل ..


بخصوص الحلقة الماضيه
لم يستحق الفوز الا نايف بن معلا والهاجري
والبقية اما في قمة البرود او في عالم آخر :)

[مُهــرة عتيبــة]

مساء غــزَّة الجريحه
مساء شاعر المليون
مساء شعراء عتيبه
مساء وماذا بـــعــــدّ!!!;)


انتهت الحلقة الثانية ...
وراحت بضحاياها ..

طلع الشاعر نايف المعلا العتيبي
وما من جــــــديد

وفازت الشاعره السعوديه بتصويت اللجنة لان الخطه تقول كذا طيب هم حرين برنامجهم واللي يبغون يسوونه يسوونه..إن شاء الله يعطون تركي المريخي البيرق:rolleyes:

استخفاف واستحقار للمتلقي والجماهير ..
إلــــــــــى متــــــــــــى!!

لكن
اللي فات فات بس يا ترى ...
خطة البرنامج
يفوز الشاعر سعود الحافي العتيبي
علشان ينتقل للمرحلة اللي بعدها وعلشان تبقى عتيبه تصرف على البرنامج
او من قاصرها بيطلعونه..


الإجابات راح نشوفها بكره..
بإذن الله..

بالتوفيق لشاعرنا سعود..

[إشراقات]

البرنامـج فشــل وبالسنين الجايه راح يعلن استسلامه ..

يعطيك العافيه على هذا الطرح ..

[مُهــرة عتيبــة]

اختي اشراقات

شكراً لتواجدك..

الاستسلام
يكون بعد الاعتراف ..

لكن للاسف القائمين عليه مو مقتنعين من فشله..

والمبدأ اللي معزز ثقتهم العمياء بانفسهم
((الشجرة المثمرة ترمى بالحجارة))!!

[ناصر بن سعدي]

الله يوفق شاعرنا الرائع

سعود الحافي ..


وبإذن اللـه تأهل بدون تصــويت ..


ومشكوره إختي مهرة عتيبه على الطرح والتناول الرائـع ..


واصلــي :)

[مُهــرة عتيبــة]

مكشور اخوي ناصر على المرور

اللي سمعته..
ولأني ما تابعت الحلقه

إن الشاعر
سعود الحافي العتيبي
طلع تصويت..

يعني طلع خطوة استنزاف..

عادي ماعند عتيبه مشكله تصوت بس ياترى ع الاسبوع الجاي راح تمتلي حزنتهم ويرجع او يجربوا الورقة الأخيره فالح الشيباني العتيبي..

بإنتظار آرائكم..

ولي عــوده بعد المتابعه..

[ناصر بن سعدي]

مشكــوره أختي

مهرة عتيبه

وأنا مقهـور من تصرفهم مع الشاعر الرائع/ سعود الحافي

ولي عـوده لـ التعليق ..:)

[مُهــرة عتيبــة]

الحلقة الرابعة من شاعر المليون، في مرحلة الــ 48
والمتسابقون..
سعود الحافي العتيبي، سلطان الدوسري، عايض عبهول الظفيري من السعودية، سهام العدوان من الأردن، عامر الحوسني من عّمان، فهمي التام من اليمن، مساعد بن جبران من الكويت، محمد منصور آل مبارك من البحرين.
تم ترشيح الشاعرين
عايض الظفيري ، عامر الحوسني
بقرار اللجنة
وبقي الشعراء الخمسه للتصويت
سعود الحافي العتيبي، سلطان الدوسري، فهمي التام، مساعد جبران، محمد آل مبارك..
وتم إستبعاد الشاعره الأردنية سهام العدوان لتجاوزها الوقت المحدد..


هذا تقرير موجز عن أهم أحداث تلك الحلقة ..
وطبعاً اللي يهمني وراح اعلق عليه بالتفصيل شاعرنا سعود الحافي العتيبي ..
وبعض التعليق على الشاعره سهام بن عدوان..
والشاعر سلطان الدوسري..

طبعاً الكل يعرف إن النسبة اللي يعطيها الجمهور بعد ما ينتهي من قصيدته وهي طبعاً المسمية بدرجة الشاعر من جمهور المسرح هي 100% ..
وطبعاً ..
25+25+51=100 صـــح ،،طبعاً بديهياً لا
25+25+51=101 لكن شاعر المليون يجوز له ما لا يجوز لغيره ويجوز له تغيير وتبديل القوانين المُـسَــلَّــم فيها ..
والمقدمة الحسابية اللي ذكرتها هي استكمال لزلات وغلطات البرنامج اللي نحاول بقد ما نقدر نغض الطرف عنها إلا إنها مُــصِــره تفضحهم ..
طبعاً اللي دقق مثلي كانت نسبة الشاعر سلطان الدوسري من جمهور المسرح هي
ممتاز 51%
جيد 25%
متوسط 25%

ومجموعها 101% لكن
بطريقة شاعر المليون وحسب قوانينهم الرياضية والحسابية يكون مجموعها 100%
وطبعاً هم أحرار برنامجهم ويمشونه كيف ما يبغون رضا المتلقي مثل مارضخ البعض لمهزلتهم في النسخ والحلقات السابقه..وإذا ما رضى غصبٍ عليه يرضى هذا برنامج اشهر من نار على علم ..

http://www.otaiby.com/vb/uploaded/14720_1231362902.jpg

وطبعاً البطلة الثانية سهام بن عدوان اللي يحرم عليها الصْــح:)..
بس بيني وبينكم ماعرف لهم إلا بنت الأردن ..


والحين نجي بالتفصيل ..
للشاعر سعود الحافي العتيبي مع العلم إن عليه بعض المآخذ لكن أنا ماني بصدد إنتقاد بعض الهفوات اللي حصلت منه ولأنها مالها علاقة بالشعر ولا بتقييمه ولا بالمقاييس اللي فارضينها فبحكي الحين بالتفصيل على الظلم الصريح اللي تعرض له ..
شاعر جزل ،، أبيات وحضور قوي ..
لفت الإنتباه بحضورة المسرحي ،، إلقاء القصيده بإحساس شاعر يعاني وترجم معانات أمه في ابياته وبكلماته ..

طبعاً الكل لاحظ كيف اللجنة مدحت فيه ورفعت فيه لدرجة أني شكيت انهم ما يكملون البرنامج ويعطونه البريق من هذي الحلقة لكن الطامه الكبرى والفاجعه مو المفاجأة اللي هي نتيجته اللي كانت 44 من 50 يعني 6 درجات طارت ،،طيب لو نعمل بحث وتحري واستقصاء عن الـ 6 درجات المفقوده وين راحت؟؟
إذا كل واحد من اللجنه مَــدح في الشاعر سعود وابدى إعجابه الشديد في القصيده وفي حضوره الشاعر وقت التقييم ،يا ترى وين راحت ،،معناته كل واحد منهم لو فرضنا وافترضنا إنه نقصد درجة معقولة ولا واحد مقتنع 100% بالشاعر سعود؟؟
انا اللي اتوقعه إذا تبغون تعرفون تقييم اللجنة لأي شاعر لاحظوه خلال ما يلقي الشاعر قصيدته والدليل حركات المريخي اللي لاحظناها مع الشاعر يوسف العصيمي العتيبي واللي تكررت مع الشاعر سعود الحافي العتيبي
وهي طبعاً اللي من خلال قراءة من الناحية النفسية اتضح انها (إيه هين )..
وهذي الصور والمقاطع ولكم الحكم..




http://www.otaiby.com/vb/uploaded/14720_1231361016.jpg



WIDTH=425 HEIGHT=344

السابق كان مع يوسف ..
والتالي كان سعود ..لان اللقطات والحركة متشابهه وخفت إنكم تتوقعونها وحده;)



http://www.otaiby.com/vb/uploaded/14720_1231361150.jpg





http://www.otaiby.com/vb/uploaded/14720_1231361259.jpg


WIDTH=425 HEIGHT=344



ولي عوده بإذن الله ..
على الترقيعات اللي رقعها المريخي وغيره..أنا عارفه الكل بيقول البرنامج اصبح مفضوح ومعروفه سلبياته ، لكن للتفريغ نكتب لأن الكبت يسبب مصايب:rolleyes:

[إشراقات]

كلام خطيــر ..

بس صورة المريخي عجيبه ..

ليا متى وهم يستخفون بعقولنا مو عيب عليهم ماكان برنامج لإنصاف الشعر .!

ماني متكلمه كثير عن حلقاتهم ولاعن مواقفهم من الشيباني ..

لكن شفت مقطع لمجاراة الشعر شبيب لـ للكبير بندر بن سرور رحمه الله ومدحه

اللي يدخل الشك بقلوبنا هو ماجاب جديد قبيلة عتيبه

هي منتجة الفرسان والشعراء .. ولاهانت باقي القبايل ..

وحتى اختياره ماهو خاطىء .. لكن يبقى شي يخالجنا ضده ..

[مُهــرة عتيبــة]

اختي
اشراقات..

اسعدني كثير تواجدك...

بس مافهمت ايش تقصدين وكثير متحمسه اعرف...

بإنتظار عودتك ...

[إشراقات]

اختي
اشراقات..

اسعدني كثير تواجدك...

بس مافهمت ايش تقصدين وكثير متحمسه اعرف...

بإنتظار عودتك ...

شنو ماصرتي اتابعينه .. << هذا إذا في احد يتابعه برنامج نصب واحتيال

الحلقه اللي فاتت كان من ضمن المسابقه ان كل شاعر يجاري شاعر آخر

خارج المشابقه والشاعر شبيب بن عرار جارى قصيده للشاعر بندر بن سرور

بعد ماتشوفين الرابط نرجع ونكمل ..

WIDTH=425 HEIGHT=344

[مُهــرة عتيبــة]

والله ماتابعته للأسف
عندي اولويات اهم منه;)

وصار معروف تسلسلات حلقاته
ولوتبغيني اقولك مين اللي بيصفى في الحلقة الأخيرة قلت لك:170:


لان سياسة البرنامج صارت مفضوحة ومقروءة من الجميع..


على العموم انا اتابعه ألحين
وانتظرك:D

[ރالزيــاديރ]

متابع لشاعر المليون من هذا الموضوع فقط...


والمقاطع مو راضيه تشتغل ماادري مالسبب


يعطيكم العافيه

[مُهــرة عتيبــة]

اهلين اخوي الزيادي...

الروابط مضبوطه..واتمنى تشوفها علشان تعيش أجواء المسخره صح..

وابرك لك انك ما تشوفه إلا من هنا بالرغم من إنه مختص بالانتقادات اللي نتمنى تبرد الحرَّه شوي...

لكن تواجدك نتمنى يكون مدعم برأييك حتى لو ما تابعت لانه اذا متابع النسخة الأولى فهو النسخة الاصلية منها بس اختلاف الاشكال والوان الثياب والتشخيصات.;).

ننتظر وجهة نظرك ،،اسلوبك كثير مميز في الحوار لاتحرم هذا المتصفح منه...

[إشراقات]

والله ماتابعته للأسف
عندي اولويات اهم منه;)

وصار معروف تسلسلات حلقاته
ولوتبغيني اقولك مين اللي بيصفى في الحلقة الأخيرة قلت لك:170:


لان سياسة البرنامج صارت مفضوحة ومقروءة من الجميع..


على العموم انا اتابعه ألحين
وانتظرك:D

إذا بتابعينه بتضيعين وقتك والبرنامج مايستاهل ..

نرجع لـ شبيب النعيمي بعد مدحه لعتيبه ذكر نبذه عن بندر بن سرور

جاب طاري ام بندر وانها شاعر ومازالت على قيد الحياه وين تسكن .. بالاخير << هو شكو ..

[مُهــرة عتيبــة]

إشراقات

اهاا يعني انتِ الحين تعلقين على هذا الشئ:o

اوكي يا طويلة العمر..
لآنك ما تدرين ايش هدفه ..
لكن والله اعلم والله اعلم وما احط في ذمتي
لكن ...

هو اسلوب تودد علشان ينال اكبر قدر من الشحنات اللي كَسَّبَت
البرنامج من عتيبه بعد تصويتهم لشبابهم ..
فهو عارف ان عتيبه مرجحه الموازين ،،
وبعض الشعراء اذكياء" يعرفون من اين تؤكل الكتِف"


وكمان من باب انه شخص مُطلع ومن هـ القبيل...

لكن شعراء عتيبه مثل الجبال الرواسي ماهي محتاجه دعم احد حتى لو بالذكر..

أما بالنسبة بمتابعتي هي مو مستقصده اني ما اتابع بس بحاول اتابع بالذات الفترة اللي
بتجي بيحتمي فيها الوطيس ،،

وبنعطي البرنامج فرصة أخيرة يمكن نكون ظالمينه:107:

[乂صـواعب乂]

اهلين اخوي الزيادي...

الروابط مضبوطه..واتمنى تشوفها علشان تعيش أجواء المسخره صح..




الاخت القديره مهره

مدام ان البرنامج على قولتج مسخره وش له متعبه نفسج ومضيقه روحج وتتابعينه ؟!!

[إشراقات]

لاتزعلين علينا يالعنيده ..

اي منصف للحق يرا مايحدث بشاعر المليون يدرك تماماً أهدافه ..

وأنه مايبحث عن الشاعر اللي يستحق ولاحتى القصيده الجيده ..

[مُهــرة عتيبــة]

اختي
العنيـــدة

في البداية اهلين وسهلين
لتواجدك في هذا المتصفح ...الجانب الآخر..من شاعر المليون(انظر صفحة 1)

ودائماً وابداً الجميع يمقت مبدأ"إن لم تكن معي فأنت ضدي"

وإنتقادي للبرنامج بأي شكل من الاشكال
يمثل رأيي الشخص ،،و مو ضروري عزيزتي افرض عليك تقبل وجهة نظري..

ولو لاحظتي رأي الشارع العام في شارع المليون ...
ما اتوقع بعيد عن وجهة نظري ..

أمَّــا بالنسبة لمتابعتي للبرنامج اعتذر عن الاجابة على سؤالك
لانه راح يكثر فيه القيل والقال ويبدو أنك جايه ومشحونه والدليل ردك..
وهذا بيآخذنا لدهاليز احنا والمنتدى وأنا شخصياً في غنى عنها ...


اسعدني كثير تواجدك ..
لكِ من الاحترام ..

[مُهــرة عتيبــة]

ترقّـب وإنتظار لحلقة الغــد..

ومصيــر الشاعر

سعود الحافي العتيبي...

:(

[ناصر بن سعدي]

ننتظــر بالرغم من إن الشاعر الرائع سعود سالم الحافي ..


هو نجم شاعر المليون حتى الآن ..


إلا إن اللجنه أجحفت في تقييمه .. حسب مرئيات نقاد الشعر ..


وكل الشكر لك إختي مهرة عتيبة ..وننتظر ..غداً

[خيّال الهيلا]

بعدكم ترجون خير من البرنامج !
ماهي التجربة التي تظهر لكم حقيقته ..
بامانة لا أشكك في نوايا أو اللعب في التصويت

لكن يلعبون على وترين لا ثالث لهم ..
القبلية والبقاء على الوطنية ..
بحيث يكسبون من القبليات قيمة التصويت ..
ويهتمون بتواجد أعلام الدول في أغلب الأدوار

العنيده لا تأخذين البرنامج بحكم الوطنية ..
فالبرنامج ليس لأنه بالأمارات يمس الشعب الأماراتي !
ولاله صلة الا داخل اطار اللجنة والبرنامج فقط ..

لكن ألا يوجد طريقة في العالم لأخذ أنطباعات الجمهور
الا بالرسائل المدفوعه !

[مُهــرة عتيبــة]

أهلين أخوي
ناصر بن سعدي

شاعرية الشاعر سعود ما يختلف عيلها اثنين
لكن
الصدمة كبيرة في درجته بالحلقة الأخيرة
والمسألة كانت عناد بالذات بعد حلقة الـ48 بعد كلمة الشاعر سعود
((انا إن شاء الله متأهل الليلة بقرار اللجنة))

أو الحقد الدفين ((القبلي)) هذي نتائجة ...

وعن نتيجة بكره انا اتوقع سعود ماراح يفوز
مع العلم إن البرنامج راح يخسر اهم داعم مادي له
(قبيلة عتيبه)..


وافـــر شكري وعظيم امتناني
لتواصلك الدائم عبر هذا المتصفح..

[مُهــرة عتيبــة]

أهلين اخوي
خيّال الهيلا


بالنسبة لرجوانا للخير من هذا البرنامج
هو بصراحة الرجا من زمان فيه منتهي
ومافيــه طب...

لكن طالما إن فيه من ابناء عتيبه مشارك
شئ طبيعي راح نتابع وراح نتحمس
لكن متأملين في شعارنا انهم ما يشاركون ويريحونا..


وفعلاً مثل ما قلت اخوي
وجبتها صـــح




لكن يلعبون على وترين لا ثالث لهم ..
القبلية والبقاء على الوطنية ..
بحيث يكسبون من القبليات قيمة التصويت ..
ويهتمون بتواجد أعلام الدول في أغلب الأدوار





أما بالنسبة لنزاهت التصويت
فأنا أعتقد له الحظ الوافر;) من تراجع البرنامج
طالما إنه يعتبر وسيلة من وسائل التقييم الوهمية ..


أما بالنسبة لرأي الجماهير
طالما إن الواحد يحكي الواقع فأتوقع كلماته راح تكون صحيحه
وماهــي من نسج الخيال....



خيـّال الهيلا
لك الشكر والتقدير على تواجدك الدائم هنـــا...

[ç£àSsْIç]

أن المخططات تتجة صوب النساء
وراح ينجحون في مخططهم خصوصاً أذا كانت البنت سـعودية . تخيلي سعودية وتطلع
تقول صوتو لي ! ؟

هـذا كلآمي في 26-11 -2008 . والحين وين وصلت وحيده السعوديه ؟

وتر القبيله صار ضعيف و مكشوف لازم يثيرون رسايل الجوال بطرق أخرى
واعتقد ان هالطريقه قوويه جداً وفعالـة لنزف الجيوب "

من مبدا أخذتها عليكم من السعووديه بنت !! .
ولا جبنا البيرق عن طريق شاعره !!
ولا افزعو لولد عمكم ترا البيرق بينه وبين بنت !! والخ ..



مع كامل الإحترام والتقدير لشعر وحيدة السعوديه
[لايكون بس طلعت تراني مبطي ماشفت البرنامج بس أسمع انها تأهلت :D ]



فيه شاعر على قناة المرقاب شبه نشوى الرويني بالبسوس اللي في الزير سالم .
صراحة تشبيه بليغ جداً جـــداً والعامل المشترك إثارة القبايل

[خيّال الهيلا]

مهرة عتيبة ..

نحن أناس لاندخل النوايا وليس من طبعنا ذلك ..
وحتى لو خرجت مئات المصادر تثبت اللعب بالتصويت ..
لكن نتكلم عن الظاهر
والظاهر يقول طريقة التصويت أستبزازية ..

ç£àSsIç

قبل ماتكلم لي امنية لها طريقين اختار واحد منها ..
يا أنك تغيّر أسمك ياتعلمني معنى اسمك بالعربي وبناديك بالمعنى ..
لأن كل مابغيت أرد عليك لازم أنسخ أسمك وألصقه .. :)

شوف وحيدة السعودية شاركت وليس لها مخطط
تحدثت مع أكثر من شخص من الخطأ بأتهامها بما نظن !
فلسنا نحن من نتهم بنات بلادنا بأنهن أدوات لأغراض معينة ..

شاركت رغبة في نفسها اخطئت هي من تخطئ
ومع ذلك أرى انها شرفت المرأة السعودية المسلمة ..
حتى لو رأي في مشاركة النساء بالبرنامج .. وأعارض هالفكرة

لكن أتكلم عن أمرأة تحاول تثبت نفسها بشاعريتها ..
ولم تخطئ في تصرف من تصرفاتها بل خالفت من أتهمتوها بأنها اداة لهم ..

[ç£àSsْIç]

^

هلا بالذيب . أكتب كلاسك وارتاح ..


وحيدة ماقلت فيها شي من ناحية تلاعبها او علمها بهذا الشي .. حاشاها ||
لآكن البرنامج تديره شركة والشركة هدفها الربح المادي
ومسائل التصويت وكل شي يخص البرنامج تحت يد هالشركة ,,


أنا ماقول لك شي واثق منه لآكـن أقول لاتستبعد هذا التفكير . لآنه تفكير منتهي بثروة !!

[مُهــرة عتيبــة]

أخوي
ç£àSsْIç

والله من ناحية تحليلك ونظرتك ،،،كان لي معها قبل فترة صولات وجولات بيني
وبين نفسي...
والظاهر انه صحيح...

بالذات لما تأهلت وحيدة السعودية للمرحلة الجايه ،،
لاني اتوقعها حرب نفسية على كل الأطراف المشاركة والغير مشاركة واللي شاركت,,
المسألة ان ماخانتني الظنون ((أقولهــا بعد ما ينتهي البرنامج:88:))
مو لعدم ثقتي برأيي لكن للتخفيف عن البرنامج ،،لأن البعض يفهم الإنتقاد انه
تهجم بلا مبرر....


لكن وأتمنى ما يكون كلامي وكلامك صحيح لعلّ وعسى نكون ظالمينه باللي توصلنا له..;)


شاكره تواجدك الدائم في هذا المتصفح....


والوعد نهاية البرنامج ...
نشوف رأيي ورأيك اللي توصلنا له صحيح او لأ:85:

[مُهــرة عتيبــة]

اخوي
خيّــال الهيلا

بالنسبة للنوايا دائماً نبعد كل البعد عن الظلم لكــن
لنــا الظاهر مثل ماقلت ....

ومثل ماحكيت لك ضعف البرنامج وتدني مستواه
كــ برنامج يحق الحق ،، السبب فيه تصويت ولجنة وإدارة ....


خيّــال الهيلا
اتمنى اكون معاك في نفسك المحــور لانه حصل عندي
لَــبس في فهم ردك ورديت حسب مافهمت ،،
واتمنى لو كنت شاطحه تقولي ايش تقصد...

ولك مني جزيل الشكر على الأخذ والعطا
بروح عاليه للحوار .....وتقبل وجهات النظر...

[خيّال الهيلا]

كلنا نعلم مامعنى عورة عندما قالها الرسول عليه الصلاة والسلام ..
والأكيد أنه يرفع من قيمتها ولأحد ينكر فضل الاسلام
في انتشال المرأة من القمع الوؤد حيه والذل والأستعباد في عصور الجاهلية
وكرمها ووصفها بأنهن شقائق الرجال

بل ضرب الرسول عليه الصلاة والسلام أروع الأمثله في التعامل مع المرأة
الآن صارت عورة تقليل من المرأة وهضم حقوقها الأنسانية ..!

ومن هو حتى يفتى ويحكم في جوانب قالها الشرع !
فأنا وانت وكلنا تحت ظل هذا الشرع ونعلم ماذا يقصد في كل أقواله وماذا يريد !

لكن :

http://www.youtube.com/watch?v=VDPFIdwuL3M

[خيّال الهيلا]

كلاسيك / مهرة عتيبة

الله لايهينكم لروعة التحاور والكلام الجميل العقلاني
كل الود ولا أختلف معكم ،،:)

[رايـق]

كلها من الثور

الدكتور

وأتوقع سعود قالها في أخر بيت

وصفر حكم دكتور أف سايت

وسلامتكـ ونقاشكم جيد بس أتوقع انه خلاص مايفيد ...


برنامج شاعر المليون ناجح وأضنه مكشوف للكل ( مادي الى أبعد الحدود )

إذا ما حاس الدكتور وطلع له مثل سعود الحافي

والسبب قصيدة سعود في النسخه الأولى في حفلة سلطان الجلاوي الداعمه ليوسف العصيمي في ذاك الحين .

[مُهــرة عتيبــة]

الخميس 26/3/2009م

الحفل الختامي لبرنامج شاعر المليون النسخة الثالثة

والمتأهلون خمسة شعراء سعوديين

وبقدرة قادر المتأهلين كلهم من المملكة العربية السعودية ...
عجيب !!:52:
ومن بين المتأهلين أنثى سعودية الشاعرة عيده الجهني...

ونسبة حصولها على البيرق كبيره جداً..

ولا أنكر شاعريتها لكن الشاعره لم تصل لهذه المرحلة بقوة أبياتها وقوافيها
ولكن وصولها لهذه المرحلة وربما أخذها للبيرق لأسباب القائمون على البرنامج
خلف تلك الأسباب ...

وأعدكم بالعودة مجدداً بعد الإعلان عن حامل البيرق ، وربما أعود بكل قوة
إذا كانت عيــده الجهني شاعرة المليون:102:

أخوي رايق
بالنسبة لخروج سعود الحافي وغيره من شعراء عتيبه ليس المتهم بتلك الفعله
الدكتوره وحده ولا التصويت ، لعلّ إدارة البرنامج والقائمين عليه لديهم نفوذ أقوى
لإتخاذ تلك القرارات الموحده والموجهه ضد فئة معينة..
والحــوار هنا ليس لإعادة ماضي أو تغيير نتيجة، لكن للفضفضة والتعبير:o