مهما حصل نبقى ونبقى سناعيس

[سليل المجد]

مهما حصل نبقى ونبقـى سناعيـس= ويبقى جبـل شمـر لنـا ساكنينـه
ويبقى لنا تـاج الفخـر والنواميـس= وتبقى لنـا كـل الصفـاة الحسينـه
حنا الطنايـا محرقيـن المحاميـس= عز الصديق ومـن زحمنـا نهينـه
بالسلم لطفيـنٍ وبالحـرب فريـس= نبقـى كمـا حيـدٍ صـدوده متينـه
من جالنا محتاج له نرخـي الكيـس= والضيف من حمد الولـي مكرمينـه
شمر ربوعي عرضهم دوم ماديـس= أرواحهم دون الشـرف مرخصينـه
من دور حاتم طي هو وامرؤ القيس= والطايلـة رغـم العـدى نازلينـه
صلنا وجلنـا يـوم للفعـل تقييـس= يوم الرجـل حقـه يجيـه بيمينـه
مانذبح الا شيخ قومٍ ماهـو هيـس= زيـزوم قـومٍ باللقـاء فاقديـنـه
يشهد لنا العالم وبيـض القراطيـس= ويشهد لنا من دين الاسـلام دينـه
وتشهد لنا نجدٍ وحمـر الطعاميـس= وتشهد لنا سمر الجبـال الحصينـه
وتشهد لنا كتب الثقـة والقواميـس= ويشهد لنـا اللـي كلنـا عابدينـه
ولا بأس ياللي عذبتـك الهواجيـس= لا باس يامن عافـت النـوم عينـه
لابـد مايجـي الفـرج للمحابيـس= ولابـد مايستافـي الـحـر ديـنـه
اصبر يجي يـوم تشـب القواميـس= ولا ضـاع ديــنٍ دوره طالبيـنـه
ولاهمنا حكي الخسـاس المناجيـس= ومن اعترضنا ناسمه فـي جبينـه
واللي كذب ألعنـه والعـن به ابليـس= والصدق يبقـى مـع بقايـا سنينـه
ومهما حصل نبقى ونبقى سناعيـس= ويبقى جبـل شمـر لنـا مالكينـه
وش عاد لو دون الهدف به جواسيـس= المـوج بالقـوة يهـز السفيـنـة

الشاعر منصور الرمالي رحمه الله