المقدر ساقني

[ابراهيم العسيري]

اخواني واخواتي بهذا الصرح العريق الشامخ

السلام عليكم ورحمة الله وبركاته

تسعدني عودتي لهذا المنبر الادبي الكبير الذي يضم بين اروقته شعراء

وشاعرات مبدعين ومبدعات منهم نتعلم ومنهم نستفيد .

لم يكن انقطاعنا عنكم الا للظروف ولي الشرف أن انتهز الفرصه وأعود

لكم ومعي هذه القصيده التي آمل ان تحوز منكم الرضي .

تحياتي المبجله للاخ القدير ناصر بن سعدي ولكل عمالقة الابداع هنا .
http://ma7room.org/up/images/pb4z4tfdbunwhcwwqpxl.mp3



للتحميـــــل



شفتها بالعين وابهرني حلاها=وانفتح بابٍ قد اقفلته عليه

ليت ضو الشمس غيب قبل اراها=واصتدم شوفي بظلمه سرمديه

كان وفرنا على نفسي عناها=واهتنت عيني بليله مخمليه

المقدر ساقني وايضا حداها=والتقينا عند بنك الفيصليه

اشهد ان الله من حسنه عطاها=واخذت من الارض كل الجاذبيه

كل ربات الحسن ياتن وراها=فـ الجمال الله عطاها الأولويه

قمت اراقبها وهي تنقل خطاها=لو تدوس النمل ما جاه الأذيه

وركبت موتر جديدٍ .. مشتراها= ما شرى مثله قليل المقدريه

موترٍ يا ابو عدي يوم احتواها= كنها ورده بداخل مزهريه

اختفت لكن خذت قلبي معاها=قصدي الطايف وسيد الحويه

لا قبلها ولا بعدها ولا سواها=يقشعر جسمي لها وترجف يديه

واهني اللي بشرع الله خذاها=واهنيه . سعد عينه . واهنيه

آه يا روحٍ تسبب في بلاها= عين يجذبها جمال الآدميه

والهوى هز الشوامخ وابتلاها=واقلعت لجله من الطايف طميه







أخوكم ابراهيم العسيري

[ابوسـعد]

اهلااااااااااااااااوسهلاااااااااااااا مرات عديده..ارحب..والمنتدى منكم واليكم..وياهلااوغلااااااا

[ناصر بن سعدي]

إخــوي الغالي

والشاعر الرائــع ..

إبراهيم العسيري ..


عوداً حميــداّ والحمــدلله على السلامــه ..


ونور المنتدى ..

وقصيــده جميلــه نصاً وإنشاداً ..


وأشكرك من الأعماق على تحيتك المبجلــه ..


وصــح لسانك..


وتقبل أصدق تحاياي .. وجزيل شكــري ..

[كــــآتــم المـــــعنى]

الله الله

إبراهيم العسيري

صخرت المحراف وطوّعت القاف

بيض الله وجهك

[فهيد مقعد الرويس]

صح السانك

مدد بلاعدد

يابراهيم

ننتظر المزيد من الابداع

تقبل اطيب تحيه