العفار
07-03-2005, 11:10 AM
قصيدة مشهورة لشاعر هوازن الشاعر الكبير عبدالرحمن العطاوي
مباركاً للفريق /محمد بن بن هلال المطيري بمناسبة شراءه للأبل
مبروك يامحمد شراك المجاهيم = جرد الرقاب اللي سواة النعايم
حرش الجنوب إمشرهفاتٍ مراديم = سمح الوجيه مسلهباتٍ جسايم
سودٍ على البيدا طرفهن كما الغيم=عزل العقيد اللي تقلد عمايم
إليا شعوهن مبعدين المهازيم=وإستثمنن مابين بايع وسايم
وبانت فعول اللي عليهن مغاريم =وخلي ثمنهن للطيور الحوايم
البل لها حقن على كل صمصيم=شرواك يومنك عن الدون شايم
طير الفلاح اللي كفوفه ملاحيم=إليا هد صيده من كبار الغنايم
وباكر ليا بكر من الوسم توسيم=ودلو الثريا طاح منها هدايم
وجاوب فصيل الهرش حس الروازيم =وشفت أول بكار المشاتي تسايم
وعلى الموارد زاملن جازي الريم=وراحن على طرد الوسامي قسايم
هذي تحطم للمقاهير وتهيم = وهذي تناوا للجنب بالهزايم
وهذي ملاقيةٍ تخفق الخواريم=وهذي معشر راسها راس عايم
وجالك من الرعيان رد المعاليم=ليا قالوا الصمان بالنبت قايم
ترعا طنف نبت الفياض المكاميم=وعلى الفياح من الشقارا لمايم
وزانت مظاهيرك لهاك السلاجيم=اللي لهن حول المقوّم رزايم
وعزمت لك ربع ٍ لشوفك مظاريم=وزمّت لكم هاك العصور القدايم
وجذعانهن واللي للأثنا مداريم=راحن عقاير للمسير ولايم
وسعد السعود مصدقٍ والمطر ديم =وضيِع ولدها فالزهور الزمايم
وعن الفياض اللي كلاها مباشيم = قامت تساق مع الحجر والخرايم
تفرح إليا غاضت كلاها مهاضيم=عقب القفور الي نفلها بطايم
وراع الرصيد اللي يحفض الملاليم=ليا شافها كثرت عليه الهضايم
البل رصيد اللي عليها قواديم = وألا الضعيف لمثلها مايلايم
مباركاً للفريق /محمد بن بن هلال المطيري بمناسبة شراءه للأبل
مبروك يامحمد شراك المجاهيم = جرد الرقاب اللي سواة النعايم
حرش الجنوب إمشرهفاتٍ مراديم = سمح الوجيه مسلهباتٍ جسايم
سودٍ على البيدا طرفهن كما الغيم=عزل العقيد اللي تقلد عمايم
إليا شعوهن مبعدين المهازيم=وإستثمنن مابين بايع وسايم
وبانت فعول اللي عليهن مغاريم =وخلي ثمنهن للطيور الحوايم
البل لها حقن على كل صمصيم=شرواك يومنك عن الدون شايم
طير الفلاح اللي كفوفه ملاحيم=إليا هد صيده من كبار الغنايم
وباكر ليا بكر من الوسم توسيم=ودلو الثريا طاح منها هدايم
وجاوب فصيل الهرش حس الروازيم =وشفت أول بكار المشاتي تسايم
وعلى الموارد زاملن جازي الريم=وراحن على طرد الوسامي قسايم
هذي تحطم للمقاهير وتهيم = وهذي تناوا للجنب بالهزايم
وهذي ملاقيةٍ تخفق الخواريم=وهذي معشر راسها راس عايم
وجالك من الرعيان رد المعاليم=ليا قالوا الصمان بالنبت قايم
ترعا طنف نبت الفياض المكاميم=وعلى الفياح من الشقارا لمايم
وزانت مظاهيرك لهاك السلاجيم=اللي لهن حول المقوّم رزايم
وعزمت لك ربع ٍ لشوفك مظاريم=وزمّت لكم هاك العصور القدايم
وجذعانهن واللي للأثنا مداريم=راحن عقاير للمسير ولايم
وسعد السعود مصدقٍ والمطر ديم =وضيِع ولدها فالزهور الزمايم
وعن الفياض اللي كلاها مباشيم = قامت تساق مع الحجر والخرايم
تفرح إليا غاضت كلاها مهاضيم=عقب القفور الي نفلها بطايم
وراع الرصيد اللي يحفض الملاليم=ليا شافها كثرت عليه الهضايم
البل رصيد اللي عليها قواديم = وألا الضعيف لمثلها مايلايم