أمانه وغفله

[الذيابي بن روق]

يالله ياعالم جميع الخفيات
يالواحد المعبود خالق عبيده
توفق الي يسهر الليل مابات
يسجد بتالي الليل فيما يفيده
الدين والطاعه قبل النهايات
في طاعتن تنجيه قبل الوعيده
اللي حفظ دينه شهيدٍ اليامات
واللي كفر يرمي بناروقيده
نِزَلْ كتاب الله موضح بالأيات
يالمسلم المؤمن تراه العقيده
أقره وفكر قبل وقت المطمات
يوم الحساب وكل نفس وحيده
وقتن تبين فيه بعض العلامات
الله يوفقنا الحياة السعيده
نصيحه يالى تنطحون المهمات
العروه الوثقي حبالن جويدة
وليا عطاك الله من العمر زهرات
لاهملت تلقي العواقب زهيدة
أمانتن ماتنترك بالمتاهات
مسئول عنهم مع شروطن عديدة
للتربية درون يضد المعانات
ماهوب زرعن لاحصدته تعيده
الله عطاك الزرع لاتصير شتات
الزرع لاهِمل يضيع بحصيده
إذا حفظته تسلم من الشبوهات
والجذع طال وكل عضد بعضيده
وإن كان جذع العضد مافيه شكات
طلعه ليامنه نضج له يفيده
أخشع وصل بتالي الليل ركعات
يوم المنادي قال هل من نزيده
حذراكم الغفله تضيع جماعات
العلم نورن من السماء جاء بريده
على رسول الله خير البريات
وزع كتاب الله بأمانه وكيده
وصلاة ربي عد مامر ميقات
على النبي راعي الصفات الحميدة

الشاعر . مشعل حسين عميش الذيابي الروقي